البارت 17
زهره من بلادي
#طائر بلا تغريد #
مساء الخير عليكم كول ما اريد اختصر بلاحداث ما اكدر لأن الاحداث هوايه اليوم كدرت اكتب الكم بارت ان شاء الله باجر اكمل القصه
🌹🌹🌹🌹🌹🌹🌹🌹🌹🌹🌹🌹🌹
الو عقيل
نعم منو رايده
انتي منو
انتي منو انتي الي مخابره
أني زوجته
الو ها ريحانه اكو شي
عقيل هاي منو الردت عليه
ها هاذي ختام بت خالتي
وشعده ختام ترد عل مبايلك
مو جنت بلحمام وهيه ردت
وانته شعدك عدهم
غير خالي تخربط اليوم وخابروني ورحت يمهم
ها شو عمتي متدري
أي ماكناله ديري بالج تكوليلهه تره خطيه تتخربط
لا ما اكله بس انت شوكت تجي
هسه قد ساعه وارجع رايده شي
أي رايده حفاظات
أي دللي هسه اجيب وياي
اول مره عقيل ميصيح من اوصيه عل شي
سديته بس كلبي يلعب
مرت الايام وصار عمر روى سنه
وعقيل متغير بعده بتصرفاته المشبوهه
نبيل صار عنده ولد وكام يخابرني دايمن ويدزلي فلوس
ودايمن يكلي اذا احتاجيتي اي شي أني راح اكون بجانبج
الحقيقه نبيل من تزوج هواي تغير أصبح رجل يعتمد عليه رجع نبيل الي جان يحميني من كولشي
لان زوجته طلعت مره سباعيه وكدرت تلمه وتخليه يعوف كول سوالفه التعبانه
من صار عمر بنتي سنه حبلت مره ثالثه لان حظرت جنابه مايقبل يجيبلي حب مانع لان الحب الألماني الي يبيعو بالفين ميرهملي لان بيه ضغط وفقر دم فكتبتلي الدكتوره عل حب اسمه الياسمين هذا مابيه مؤثرات عل جسمي بس جان غالي شويه الشريط يبيعو 12الف دينار
وحظرته يكول غالي عليمن أني اخذ حذري
وتركي الحب
المهم بيوم السمعت حامل دكيت ولطمت
تخبلت حاولت انزله بكل طرق
شلت الكنبار
وسحلت كونيت الطحين
وشلت الزوالي وحته الطباخ جريته من مكانه نظفت ورجعته
وكولشي مصار بيه
بعدين حمدت الله وشكرته كلت يمكن الله قاسمه الي
عمتي مرمرتني يوميه مشكله وعركه
بيوم طلعت ملابسهه كالت اغسليهن
كعدت غسلتهن وغسلت ملابسي وياهن وشريتهن بلطرمه
قبل لا يجي عقيل راحت وكعتهن بلكاع وداست عليهن مردتهن بلتراب ومن اج عقيل شالتهن وكامت تبجي شافه عقيل كلهه ها يمه ليش تبجين
