🔪شمكارة زووهرة 🔪 (مكتملة )

البارت 10

                  بلسان البطلة
داوني موالين لوقت لبيجي كيف ديما صراحة أنا مخايفة ما وااااالو حيت ولفت على هاد الوضع مغادياش نستغرب ولا نخاف ولا نتشخوش حيت صافي ولا عندي عادي جدا ........

مهم دخلوني بقاو عليا بأسئيلة  أسئيلة أسأيلة حتا دوخو ليا راسي مرى كنجوب مرى مكنبغيش نجاوب هاد الشي لي كيزيد يعصبهم كتر وكيجعرهم ويصيرو عليا بلعصا وأنا غير كيدربوني كنسكت  ليهم ومكنجاوبهش ضد فيهم ،بالعربية أنا فيهم وهوما فيا شوية دخلوني لسيلون لي كان كبير و خاوي حس البشار ميدورش فيه ، وزيد عليها لبرد لبرد لبرد موت ديال البرد فيه
النهار الأول بقيت غير فايقة نضور في عاينيا مجانيش النعاس حيت كاين بزاف ديال الصداع في السيلون لي حديا ديال الرجالة كاين صداع بزاف الرجالة كيضاربو معا بعضياتهم هالي مدخلينو مقرقب هالي سكران كلا وكيف دار ليه الله طلعو ليا الدم...... مخلوني حتا نتست لعضامي ولا نفكر في شي حل باش نخرج من هنا ،وزيد عليها جاني الجوع بزاف حيت مكيلت  والو مؤخراا ... كرش عندي صارت تزغرت وزيد عليها مكاين لي طل عليا ولا تفكرني لبرد لبرد في هاد السيلون ترمتي حسيت بيها كزت عليا وكرمت ومكاينة حتا مانطة دور باش نتغطا بيها واااااالو .....ونعاس حلف لاجاني ولاطل عليا بقيت كندور في عينيا الدقيقة كدوز عليا بحال ساعة وساعة كدوز عليا بنهار ومعرفاش حتا شحال ديال الوقت دبا واش نهار ولا لليل معا ضيريني في السيلون لتحت  كاين غير الضلمة واحد البولة صغيرة فوق راسي ضارت ليا الطرارة

وصل الصباح جاوني صحاب الوقت تاني حيت وصلتهم الشيكاية ديال رجالة لي ضربت لبارح بقاو عليا تاني بأستجوبات أستجوبات عمرو ليا الضوسي مزيان وقالو بلي نهار الأتنين غادين يقدموني عند الوكيل وندوز في النيابة العامة باش نعطي الأقوال ديالي بقيت كنطلب فيهم باش يعطوني التيليفون باش نهدر معا مي عايشة هاد الساعة مبغاوش حيت لبارح بقيت كنسب فيهم ومخليتهمش ينعسو هاد شي علاش مرضاوش ورجعوني لسيلون تاني.

ليوما يالله الجمعة حيت أنا تشديت لبارح لخميس ودبا بقيت حاصلة حتا نهار الأتنين حيت عاد غادي تكون الخدمة حيت السبت والأحد مكيخدموش

شويه جا عندي واحد البوليسي كنت عطيتو لفلوس باش يتصخر ليا جاب نصف ليتر ديال لحليب و جوج خبزات و جوج فرماااجات وبكية ديال الگاارو ماركيز وجوج منطات قدام شوية جبهم ليا من عندو يمكن مسكين حيت بقيت فيه ولا يمكن تزعط فيا ولا معرت لبوه خديتهم من عندو معا كنت جيعانة جاوني بحال الذهب كليتهم بزربة عمرت المعيدة مزيان وخا لحليب خضر معنديش معاه شربتو بزز مني....... وخديت گارو كميتووو مني كملت وأنا نضربها بواحد النعسة فاعلة تاركة خديت المنطات وحدة فرشتها لتحت ولخرا تغطيت بيها وخا معنكشة وناعسة على الدس ولبرد ولاكن النعاس قدا عليا عينيا ولاو كيتصدو عليا غير بحدهم مفقت حتا لغد ليه معا الصباح كنسمع في شي واحد كيفيق فيا بديت كنحل عين وكنصد عين كيتصحاب ليا راني ناعسة في دارنا ومي عايشة هيا لي كتفيق فيا كيف ديما حيت هيا لي كتزعم عليا حيت كنكون خاسرة مني فقت مزيان لقيتو واحد البوليسي واحد أخر گعما كان لبارح يمكن عاد جا ليوما واقف ليا حدا راسي