البارت 18☆والأخير
زهره من بلادي
#طائر بلا تغريد #
نبيل..... ريحانه عندي الج خبر بمليون دينار
لا بلله شنو
عقيل
ياعقيل
طليقج اكو غيره
شبيه حجيت متلهفه اريد اعرف اخباره
مات
وكع المشط من ايدي ودمعت عيوني كتله
شنو
عقيل مات شبيج ما مصدكه هههه
شلون مات
دعمته سياره وشردت حته ماعرفو الي دعمه
ونته شمدريك
قبل شويه خابرني اخو عقيل وكلي لازم تجيب ريحانه وتجون
كلبي يرجف ماعرف من الفرح من القهر
يعني هسه اكدر اشوف جهالي
ههه اكيد راح ينطوجياهم
يا رب يارب يلله كوم امشينه
ههه اوكفي اوكفي يمعوده وين رايحين هسه باجر الصبح نروح
حيل للصبح شيصبرني
خيتي انتي صبرتي خمس سنوات ماتصبرين للصبح
بقيت بيومهه للصبح كاعده حظرت ملابسي وسبحت ونظفت المطبخ اريد اليل يخلص ماكو
إذن الاذان رحت صليت واندعيت من رب العالمين يسهل عليه ويرجعلي أطفالي بدلت لبست جبه سوده وشال اسود ماحزنت عليه بس مو حزن على عقيل لا بس احترام للميت
كعد نبيل صله وطلعنه البغداد
جان الطريق كلش طويل اتمنه انزل من السياره واركظ هههه بس السياره أسرع
وصلنه البغداد اخذنه سياره وصلتنه البيتهم
جانت الفاتحه مخلصه صارلهه عشر ايام
دكينه الباب طلع النه اخو حازم
نبيل.... السلام عليكم
حازم ... وعليكم السلام خيي هلا بيكم
الله يساعدج خيتي
ريحانه..... هلا خيي شلونك
حازم ....الحمد لله تفضلو دخلو
دخلنه للبيت اباوع البيت حلو جبير طابقين
كلت بكلبي
ياربي بيت شكبره ماكدرت تخليلي غرفه صغيره بيه اعيش ويه أطفالي
دخلنه بلبراني اول مدخلت صارت صورت عقيل كبالي مجوميه تنهدت أوووف يا عقيل الله يسامحك
كعدنه شويه واني كلبي يريد يطلع من مكانه
بس اريد اشوف أطفالي
شويه دخلو عليه
علي وروى وعمار كبرانين حبايبي
نزلت كعدت بلكاع وفتحت اديه الهم
علي وروى اجو بس عمار شويه خايف لان ميتذكرني
بس جان مجلب بأيد اخته روى من اجت حظنتني هو هم اج وياهه
اوففففف يا ريحتهم اشتم بيهم وابجي
وهمه يبجون
بقيت بلنص ساعه مجلبه بيهم ماريد اعوفهم
شويه وطبت أم عقيل
كبرانه وتعبانه كلش
السلام عليكم
باوعت اله وكتلهه بكلبي ياسلام هذا وانتي كلج حرب بحرب
نبيل.... وعليكم السلام أم عقيل البقيه بحياتج آخر الأحزان ان شاء الله
تسلم وليدي
شلونج ريحانه
الحمد لله هسه صرت زينه
يمه ريحانه احنه هواي اذيناج وجرنه عليج اريدج تسامحين وليدي عقيل
أم عقيل الله الي يسامح
بس انتي هواي تأذيتي
ميخالف أم عقيل أني مسامحته من كل كلبي
الله يطيج العافيه بنيتي
اخذت جهالي ورجعت للبيت واني ما مصدكه الي صار
سبحان الله يقلب الحال من حال إلى حال
رجعنه البيت بابا واني عندي راتب بابا طلعه نبيل الي
عشت بيه
وبعد ما طلع راتب عقيل التقاعد كمت استلمه أني ونبيل نطاني فلوس البيت بعت حصتي عليه
اشتريت نص قطعه واخذت عليهه سلفه وبنيت القطعه
حاليا عايشه بيتي ويه أطفالي
شاغله نفسي بين البيت وبين أطفالي
الحمد لله
فرات حياته مستقره ويه زوجهه واولادهه كبرو
عمو جلال توفه صارله سنه
ماما حاليا كاعده بيت رجلهه ويه اولادهه من عمو جلال
ايام تجي تكعد ويانه وتروح
لهنا خلصت قصتي الي عذبت هواي ناس
اسفه اذا قهرتكم او بجيتكم
شكرا للأخت #طائر بلا تغريد # الي نقلت قصتي
واخيرا اشكركم جزيل الشكر لتعليقاتكم عشت ويه قصة ريحانه بكل مابيه من حزن وحب وتعب وفرح
انتظروني بقصه جديده بعد شهر رمظان الكريم
قصه حقيقيه وصاحبت القصه ويانه بلوات
اسم القصه
غريبه في موطني
اتمنه تابعونهه وياي
اموت عليكم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
