ياسين اسمع جدي عندي طلب
الوجيه اي اطلب والي اكدرله اسوي
ياسين جدي البنيه اخوهه بغير عالم يروح يموت خل اوديه اله يشوفه واني اجيبه بيدي
الوجيه ياسين حذرتك لاتتدخل تره اطلعك من قلبي
روح التهي بعرسك مضل يومين
ياسين معصب جدي افهم ترى الزواج مو غصب
الوجيه ابني ميصير هيج تسوي باجر واحد منكم ياخذ مكاني لازم تدوس على قلبك ولازم متلتفت وراك تزوج هسه وراها عود الزوجه الثانيه دور وياها حب
طلع ياسين شاف وداد تتسحب بعد ما سمعت النقاش الي دار بينه وبين الوجيه ركض وراها سحبه بقوه لج بعد شسوين هجمتي كم بيت ينضرله بغضب وهيه مسحوره بعيونه
وداد لو بس اعرف شسوتلك بنت الكيوليه تعرف شكد احبك
ياسين انتي متحبين انتي تحبين روحج
وداد تريد تروح تودي حسنه لاخوهه اكدر اوصلكم بشرط
غضب ياسين اي تكدريله بيدج عقدتيه وعلى ايدج تحليه صرنه بيد مزعطه
وداد بكيفك اليله يفوهه وعود رجله يوديه لاخوهه
ياسين ضرب الحايط بقوه احجي شتردين
وداد تتزوجني بلا مشاكل ومناك وديه باي مكان بعيد عن هنا
ياسين اقبل بشرط اطلعه بعلم الوجيه
وداد اي من عيوني دقيقه دخلت للوجيه شلونك جدي
الوجيه هلا بنيتي شرايده
وداد جدي عندي طلب بس اسمعني للاخير خل حسنه تشوف اخوهه بيدي اخذهه واجيبه
الوجيه لا يبعد جدج البنت تهرب النوب مثل امه وهم تجيبلنه بزره تحني الراس خل نزوجه الصالح الحمال معروف تطلك مرتين لان عقيم
وداد اني وياك جدي بس شيخ حسن اله حجايه اذا نهزمت راح يوكع الحك عليه واذا بقت نشمرهه ببيت صالح والله يجدي راح اموت قهر عليك شكد تتعب وياهم محد يثمن تعبك الى انه جريت وعد من ياسين يكمل العرس وياي لا وديت حسنه لاخوهه
الوجيه و بعد ماسيطر وتخليني اضيع المشيتين
وداد جدي ثق بكلامي واخليك تسمع موافقته الوجيه روحي تصرفي الفجر وديه
طلعت وداد مبتسمه اشرت الياسين اجه
ياسين ها بشري
وداد اي حبيبي قبل بشرط
نضره صفح حبتج حيه شنو الشرط
وداد مو يمك انتضر هنا هسه اجيب حسنه واجي
راحت الحسنه فتحت الباب
حسنه بغضب وداد اطلعي من غرفتي
وداد على كيفج عيني شسوينالج
حسنه لا يل ملاك كلشي مسويتي هذا الخراب اجه من الغيب اطلعي
وداد وج شكد صلفه اخوهه راح يموت وهيه ولا يمه حسنه سمعت باخوهه برعب شبي فالح لاتكولين مات
وداد لاتخافين المثلكم ميموت بسبع رواح اكدر اخليج تشوفي بشرط تقبلين بصالح اخليج تلحكين على اخوج حسنه بلا تفكير اقبل لبست وطلعت شافت ياسين
حسنه ها ياسين
ياسين امشي حسنه نروح لخوج
حسنه يله وداد
وداد لاعيني اني ممتعلمه اطلع روحي وحدج
حسنه ما التفتت طلعت تبعه حسن وداد رجعت للوجيه كعدت يمه ها جدي اصبلك جاي
الوجيه اي صيحي امج تشرب ويانه بس ليش مرحتي ويه حسنه
وداد مقبلو توسلت كتله تجيكم حجايه مقبلو اني هم عفتهم وجيت اشرب جاي وياك بصراحه محبيت بيت الشيخ اصلا الشيخه تلوك الك جدي
الوجيه جنت مااتوقع اقهر حسنه بكلمه من خوفي عليه جرحته تكسر خاطري بس احنه اهل اعراف
وداد تفر بحلكه والله بخت عبالك سحرتهم الكل تحبه واني اريدلي كلممه طيبه بحقي ماكو
