Gun N Roses

Gun & Roses part 4

Part 4

Lysa siku indu ti jual Mumy nya lebih ari tujuh taun ka udah .Mayuh utai udah disepi iya sepanjai iya gawa ba dalam sangkar neraka nya .Lysa bayam mua enggau pendiau Lyana berasai kasih iya meda nasib indu biak nya enda lebih kurang baka nasib iya suba ti kala dijual indai iya empu ketegal utang judi ti beribu ringgit ngelinggi punggung .

"Nuan ok ka Lyana ?" ko Lysa serba salah nanya indu ti agi sesingut nyabak ngendas ai mata iya.
"Pansut ka aku ari endur tu akak " ko Lyana lalu merap kaki Lysa .Lysa ka enda ngadang nya lalu tekenyit enggau ulah Lyana .
"Ehh ehh ...nama gaya nuan bakatu ?nuan ingat senang pansut ari tu ...enti nuan ka idup lama titih aja jaku sida iya ...nemu nuan ....!" ko Lysa megai bau Lyana ngasuh iya angkat .Lyana bediri ai mata iya terutu ngemasah kuyu.

"Duduk dinga nuan jaku aku .nadai sapa ulih pansut ari tu nemu nuan sapa sapa nguji diri pansut deka diperinsa urang sampai sida iya tunduk enggau jaku Mumy ." Pia ko Lysa mujuk Lyana ukai bula utai dipadahka iya laban iya empu pen kala ngasai asai ni seput iya jejengap disepuh ka Mumy ba ai dulang mandi tujuh taun ka udah .

"Datai kemaya aku deka idup bakatu akak ..." ko Lyana nyabak .Sinu ati Lysa meda iya .
"Aku bisi enggau nuan deh aku nyaga nuan ditu asal nuan enda lari ari endur tu .Teguh ka ati nuan enggau penyabar ila nemu Tuhan meri jalai penerang ngagai nuan. "
"Urang baka nuan tu nemu nyebut Tuhan ga " ko Lyana bejaku nyindir Lysa .Lysa ketawa enda ngambi ati .

"Ati aku ga bisi madang bungai kumbai nuan ladang sawit tanam aku " Lyana pen ketawa enda nemu iya nama kebuah iya tak rindu ninga indu nya bejaku .Seduai bela ketawa sepengelama ka dalam bilik nya mayuh jerita tusi Lysa ngagai Lyana sekumbang iya ka nyadi anak manuk dikembuan Mumy dia .
"Anang sekali nuan lari mau ..ni nemu pagila lusa bisi kini urang laki siku ti ulih mansut ka nuan ari tu .Besampi meh ngagai Tuhan ...awak iya ninga sampi nuan ." ko Lysa meri jaku peransang ngagai Lyana tang iya enda memunyi mina mending aja .

Tukkk!!!Tukkkkk!!!Tukkk!!!
Seduai iya beperening enggau pangan diri .Lysa lalu angkat lalu nukang ka dan pintu .
"Bakani gaya iya udah badu nyabak agi? " pia ko Mumy nanya Lysa .Lysa mina nagun ka pala lalu pansut .Mumy lalu mansang ngagai Lyana ka benung duduk atas katil .

"Anang takut nuan mau aku tu ukai urang bangat jai endar ka ka nuan nyepi penyenang ba endur tu enti nuan nyadi diva ba ditu sigi endur first class alai nuan ..duit peneka nuan ngena meli utai nuan ka meli intan nuab ka meli mas asal aja nuan enda lari ari endur tu aku sigi nunggah nuan baka anak raja ." pia ko Mumy nya tuchum sambil iya narit ati Lyana ngambi ka puh diatu dia .

"Aku ka nuan sedia nganta tua shopping meli gari enggau perengka penganta mua enggau tubuh nuan.Aku enggai meda nuan ngena gari baka tu legi ." pia ko Mumy nya bejaku enggau Lyana .
"Aok mumy " ko iya nyaut tanda iya senurut jaku Mumy nya .

Sambung