نِوِر:بعد ماوصلنه للعمارة استقبلنه شاب انيق ومرتب بس كان متكبر كلش ما عجبني غروره
بس اختي ريماس موتتني متريد تجي ومتحب هيج اجواء
نزلنه من السيارة واباوع هذا الشاب يباوعلنه واكلنه بعيونه ومبين عصبي كلش
اني تركته ودخلت وره بابا وماما
دخلنا واستقبلنه ابوهم وحقيقة كان استقبالهم النه روعة
اخذونه احنه البنات وماما كعدونه بالصالة
وبابا والشيخ بمكان يسمو الديوان
علي:بعد مانزلوو شفت وحدة من بناتهم مغروره وتباوعلي بطرف عينها اني شبت النار بضلوعي ما احب وحدة تباوعلي هيج
بعدها دخلووو جوة واني رحت مع ابوهم وابوي الديوان
فرح:اجوو علينه عائلة صديق ابوي من بغداد وكان عنده اثنين بنات حلوات كلش ومامحجبات من كعدنه وياهن طلعن كلش حبابات ويدخلن للكلب بسرعة
نور:بعد مادخلنا وكعدنه مع امهم واختهم فرح كلش حبابات وهمة خوش ناس
بعدها دخل هذا ابنهم المغرور حتى اسمه مااعرفه
علي:يمه الاكل جاهز
ام علي:اي يمه جاهز
علي:يمه صبي الاكل بسرعة
ام علي:اي يمه حاضر دقايق ويكون جاهز
نور:خاله اني اجي اساعدكم بالتحضير
ام علي:لا بنيتي ارتاحي ماعدنه شي
نور:لا خاله لازم اساعدكم
ام علي:تعالي بنيتي هلا بيج
علي:حقيقة عجبتني هذي البنية من كالت لامي اجي اساعدكم
حسيتها عدها اصول
ضليت واكف بالمطبخ انتضر يكملون الاكل
نور:هذا المغرور ضل واكف بالمطبخ ينتضر نكمل وكمنه اني وامه واخته فرح نجهز بالاكل
بس حسيته ماشال عينه عني واكلني اكل بنضراته
علي:حقيقة هذي البنية عجبتني كلش ومااعرف ليش عيوني ماتفاركها بس هية مو من ثوبنه لبسها وتصرفاتها وافكارها
حاولت ابعد عيوني عنها بس ماكدرت
نور:جهزنه الاكل واخذه المغرور ونقلوو للرجال وبعدها نقلووو للنسوان الاكل وكملنه وايضا كمت معاهم حتى نغسل المواعين
علي:دخلت بعد الغده لكيت هذي البنية واكفة بالمطبخ تغسل مواعين ويه اختي فرح
باوعتلها خزرتها لان كانت واكفة كبال الباب وكلهم ولد عمي شافوها مااعرف ليش حسيت كلبي يدك بسرعة
نور:بينما احنه دنغسل مواعين دخل المغرور وفجاة شو هذا خزرني اني استغربت كلش شبي هذا منو سمحله يخزرني
فرح:نور يله نصعد لغرفتي كملنه الشغل
نور:صعدنه وكعدنه نسولف
علي:بعدها مر اليوم بشكل طبيعي بس اكو بداخلي احساس غريب كلش لاول مرة احس بي
بالليل كلهم راحوو ناموو واني صعدت لغرفتي سمعت صوت ضحك عرفت ذني البنات كاعدات
دخلت لغرفتي وتمددت على الجرباية
ضليت اكلب بتلفوني الى ان نمت بدون ما ادري بروحي
نور:الكل ناموو بالليل ضليت بس اني كاعدة على فوني اتصفح بي
اتصل عليه يزن ماجاوبت وبعدها بعثلي رسالة ردي نور عندي موضوع كلش مهم وياج
اني تفاجات شنو الموضوع مثلا
رجع اتصل جاوبته
ونزلت جوة فتحت باب المطبخ وطلعت الحديقة
يزن:الووو
نور:هلوو تفضل شرايد
يزن:نور اليوم رحت على بيتكم وشفت ناس ملتمه يم بابكم سالت شكو شنو الي صاير
كلولي ذولة ناس بنتهم مفقودة وجايين يهدون عليكم لان يدعون انو اخوج وسام خاطفها
أنت تقرأ
حبيبة ابن الجنوب
Romanceقصة تتحدث عن معاناة الحب تتحدث عن فتاة من عائلة راقية ذات مستوى عالي جدا قد تعودت هذه الفتاة على ان تحصل على كل ماتتمناه لكن هل هذه الفتاة ستمارس عنادها عندما تقع في الحب وهل تستطيع ان تضحي من اجل الحب سرحان واسولف بيك واحجي بجمالك مو جنت صافي الب...
