اليوم حكتبلكم قصتي الي شفت بيها انواع الاذيه بس اكو اية قرأنيه تصبرك ع اذاك (عسى ان تكرهوا شيئا وهوه خيرأ لكم) راح ابدي اعرفكم عليه وعله عائلتي
ريان:اسمي ريان عمري 17سنه صف خامس عدادي وحلمي اكون محاميه، شكلي حنطاويه صاحبه عيون مجروره ورموش طويله وكثيفه ولونهم عسلي، ع خضار وصاحبه خدود وغمازات خشمي ملائم الوجهي لا كبير ولا صغير وشعري طويل كولش واصل لحد ركبتي وجسمي مربرب لا سمينه ولا ضعيفه وطولي 162 زينه زينه مو كصيره 😂
شوفو اني خبله نوعا ما 😁 عصبيه كولش بسرعه اكب بدون ما افهم شي ومتسرعه ، بس كلبي افطر منه. ماكو بسرعه اتقشمر ويصالحوني تربيتي بلعائله بزر الكعده 😌
احمد: اني اخو ريان الوسطاني والوحيد. عمري 23 سنه مرحله رابعه كليه قانون وناوي اكمل ماجستير
اني طويل وحنطاوي جسمي معضل وعيوني خضر
ايلين: اخت ريان.الجبيره عمري 29سنه متزوجه وعندي 4 اطفال وهوايه نتشابه اني. وريان
سيلين ; اني اخت ريان الوسطانيه الي بعد ايلين عمري 27سنه متزوجه وعندي 4اطفال لان اتزوجت عمري 16سنه
علي:اني ابو ريان. عمري 56سنه اشتغل موضف بلمصرف
ايمان: اني ام ريان عمري 50 سنه ربه منزل احنه ساكنين بلمنصور راح تكولون طاكين لا مو طاكين بس بيتنه الكاعدين بي ابأ عن جد
-----------------------------------------------------------
🌹🌹🌹🌹🌹🌹🌹🌹🌹🌹🌹🌹🌹🌹
سيف: اني سيف من البصره عمري 29سنه مكمل كليه قانون اني الايد الايمن الابويه بلدواوين والعشيره
مصطفى:اخو سيف الجبيره عمري 33سنه متزوج وعايش بلسويد اروح اشوف اهلي كل سنه مره
بعيد عنهم وعن سوالف العشاير عندي اطفال 2
ايمن:اخو سيف الاصغر عمري22 سنه ادرس كليه اداره وقتصاد وساكن بغداد لحد ما اكمل كليه ارجع للبصره
ايه: اني اخت سيف الصغيره اخر العنقود والوحيده عمري18سنه. ممكمله دراسه لحد ثالث متوسط لان بابا ميقبل نكمل خاصتن البنات ايكول البنات مكانهم البيت ويكابلون ازواجهم واطفالهم
عزام:اني ابو سيف عمري59سنه وكولش اعز سيف واعتبره ايدي الايمن وكاتب وصيه اذا متت المشيخه تصير لسيف وهوه يحل محلي بلعشيره
هدئ:اني ام سيف عمري55سنه ربه منزل
🍒🍒🍒🍒🍒🍒🍒🍒🍒🍒🍒🍒🍒
وهسه ننتقل للحداث بعد ما تعرفتو عله ابطال القصه والبقيه تعرفهم من خلال القصه❤
جنت راجعه من المدرسه ودا اعبر الشارع العام شفت صاير حادث سير سياره مكلوبه ولخ متأذي البجم مالتهة والناس ملتمين عليهم اني نغزني گلبي لان السياره الي متأذي البجم مالتهة تشبهة سياره اخويه احمد لا لا مستحيل انشالله مو هي وكملت طريقي فتت للبيت
ريان:سلام عليكم
ماما وبابا: وعليكم السلام
ريان:اباوع ع وجه امي احمر وعيونه مورمه وابويه يروح ويجي بمكانه
شكو شبيكم صاير شي
ماما:وج احمد اخوج مسوي حادث وداعمله رجال شيخ ومات وهسه هوه بسجن
ريان:عزززززززه العززاج ريان. ولج يمه من رجعت شفت سيارتين مدعومات وحده مكلوبه ولخ پجمها متأذي اويلي يا يمه يعني عزيز گلبي راح يكضيه بسجن اويلي ياخويه كون ياخذون روحي ولا يأذوك ياخويه ويا ضلعي وحزام ضهري وحاضنه ماما وابجي
أنت تقرأ
.🖤 فصليتي بغداديه.🖤STORE LOVE
Short Storyهلوو هاي اول قصه الي انشرهاا'''' اتمنى تعجبكم// ودعموني حته اكمل نشر.... القصه بيهة احداث كولش حلوه✔ #،بلهجه،#،العراقيه، للكاتب كنيوش،،
