رمضان : شكله الحوار طويل و أدى قاعدة
حسام : البيه كنت نازل اجيب شوية حاجات من السوبر ماركت لقيته قاعد زى المطلقين 😂
عمرو : انت بتتمسخر عليا 😡
رمضان : استنى يا حسام فى ايه يا عمرو
حكى عمرو ليهم اللى حصل
عمرو : بس و سيبت البيت و نزلت
رمضان : انت غبى يا ابنى انت مش مراعى الموقف واحدة اتكتب كتابها امبارح و ما اتكلمتش قبل كدا معاك غير مرة واحدة و خناقة عاوزها تعاملك كأنها تعرفك و حبيبها و عادى يعنى لا و الاوحش انك سايبها وحدها تانى يوم و نازل زعلان و مقعدنا معاك و كل كدا علشان كلمتك بأسلوب وحش و ما قالتلكش اقعد معايا انت بتستهبل
حسام : بس يا عمرو غلط اللى عملته دا هى معاها عذرها لسه ما اخدتش عليك المفروض تراعى دا و اصبر عليها يا جماعة دول نصنا التانى يعنى اقرب حد لينا يعنى المفروض ما نزعلهمش الشهر دا المفروض يخلص و هما مقتنعين أننا بنحبهم و أقرب و احن شخص ليهم لازم يثقوا فينا و يحبونا زى ما بنحبهم بدل ما تزعلها و تقعد كدا قوم صالحها و فرحها و اصبروا الصبر جميل و النهاية هتكون حلوة بس حاولوا ما تيأسوش 😀
عمرو : معاكوا حق انا غلطان انا هروح دلوقتى اعتذر ليها 😔
رمضان : استنى روح اشترى ليها بوكيه ورد الأول
عمرو : معاك حق شكرا ليكم جدا فوقتونى 😍❤
حسام : يلا اجرى 😀
وصل عمرو عند محل الورد
عمرو : لو سمحت عاوز بوكيه ورد جميل و رقيق و اكتبلى فى الكارت اسف يا حبيبتى ❤💜 ( يا عم احنا هنا سناجل 😂)
اشترى البوكية و رجع علشان يديه لفاطمة
عند رمضان و حسام
حسام : يلا نمشى علشان نرجع بسرعة و ما نتأخرش عليهم انا هروح اجيب شوية حاجات من السوبر ماركت
رمضان : استنى هاجى معاك يلا
وصلوا السوبر ماركت
رمضان : انا هشترى الشوكولاته دى لاية و هشترى كمان نوتيلا هى بتحبها ( الله 😍❤)
حسام : وانا اهو جبت شوية شيبسيات و ايس كريم يلا نحاسب و نرجع
المهم حاسبوا ورجعوا الشقة و كل واحد فتح بالمفتاح و دخل شقته
عند رمضان ......
رمضان بصوت عالى: آييييية فينك
مفيش رد
راح عند الحمام و خبط مفيش رد فتحه ما لقهاش بردوا راح المطبخ بردوا مش موجودة
رمضان : هتكون راحت فين من غير ما تقولى اتصل بيها
بيرن عليها لقها ناسية التليفون على الشاحن
رمضان : ممكن تكون عند نور هروح اشوفها
لسه بيفتح الشقة لقى حسام قدامه
حسام : هى نور عندكم
رمضان : انا جاى اسئلك آية عندكم
حسام : ازاى يعنى راحوا فين من غير ما يقولوا لا و كمان ناسية التليفون
رمضان : رمضان آية بردوا تعالى كدا نشوفهم عند فاطمة
حسام : يلا
عند عمرو بعد ما اشترى الورد خبط على الباب كان البوكيه قدام وشه 🙉🙈
فاطمة فتحت الباب
فاطمة : مين ايه دا
عمرو نزل البوكية و قدمه ليها و هى اخدته و شمته و فرحت بيه اوى دخل عمرو و قفل الباب
عمرو : اسف انى سيبتك و نزلت و ما قدرتش موقفك انك لسه مش متعودة عليا و انى شخص لسه جديد فى حياتك اسف انى ممكن اكون زعلتك بعتذر بجد 😔❤
فاطمة بابتسامة : و انا كمان اسفة انى كلمتك باسلوب وحش بعتذر بجد
عمرو : عمرو و لا يهمك خلاص انا بس عاوزك تبدائى تدى لنفسك و ليا فرصة بس
قطع كلامة خبط على الباب
عمرو : ادخلى جوا و انا هشوف مين
دخلت فاطمة الاوضة و فتح عمرو الباب لقى رمضان و حسام الاتنين قدامه شكلهم قلقانين
حسام : آية و نور عندكم
عمرو : لا مش عندنا تعالوا ادخلوا الاول فى ايه مالكم
مشان : آية و نور مش موجودين و ناسين تليفوناتهم و مش عارفين هما فين
عمرو : استنوا اهدوا كدا هنادى فاطمة ممكن تكون عارفة يا فاطمة تعالى
فاطمة : ايوة فى ايه
رمضان : تعرفى آية و نور فين
فاطمة بخضة : هما مش فى الشقة لا انا اعرفش راحوا فين هما ما قالوليش
عمرو : ازاى يعنى صاحبتهم و ما تعرفيش انت بتكدبى
فاطمة بنرفزة : انا مش كدابة يا عمرو يعنى و هو انا لو عارفة ايه اللى هخلينى موجودة هنا و ماروحتش معاهم لما قالولى هنخرج
و دخلت الاوضة و هى مضايقة انه أحرجها قدامهم
حسام : ايه اللى قولته دا و هى هتخبى ليه
عمرو : انا مش قصدى هى فهمت غلط مش قصدى ازعلها دا انا لسه مصالحها بس😔
رمضان : ادخل اتاسف تانى و احنا هنرجع الشقة يمكن رجعوا لو ما رجعوش هننزل نروح بيت عيلتهم يمكن هناك
مشى رمضان و حسام كل واحد على شقتة و دخل عمرو الاوضة يصالح فاطمة
عند رمضان اول ما رجع لقى اية فى الاوضة
رمضان بزعيق : كنتى فين 😡
آية : روحت انا و نور الجيم شوية ورجعنا
رمضان بنرفزة جامدة : انت ازاى بتنزلى من غير ما تقوليلى لا و كمان ناسية تليفونك و اروح ادور عليكى عند صاحبتك و كنت هنزل اروح لعيلتك ما فكرتيش انا هقلق عليكى ازاى
آية بعياط : انا اسفة ما اقصدش انسى التليفون و بعدين انا و نور متعودين نروح كل يوم
انا بكره حد يزعق فيا كدا مش قصدى قولتلك اسفة
و قعدت تعيط رمضان كان مضايق اوى منها بس ما قدرش وراح ليها و مسك إيدها و مسح دموعها بإيده
رمضان بهدوء : خلاص بطلى عياط و ما تعمليش كدا تانى انا كنت قلقان اوى عليكى و انت و لا هامك كدا و صاحبتك اضايقت من جوزها بسببنا كدا و ازاى هى ما تعرفش بردوا
آية : انا اسفة انا اول ما فتحت الشنطة و اكتشفت أن التليفون فى البيت رجعنا بسرعة انت كنت برا البيت و انا و نور بنروح كل يوم فى الميعاد دا و نسيت اقولك و فاطمة ماتعرفش موضوع الجيم لأنها رفضت قبل كدا تروح معانا هى بتكره الرياضة فعلشان كدا ما تعرفش
رمضان : من هنا و رايح اى مكان تروحيه تقوليلى و كمان علشان اوصلك تمام
اية : حاضر 😟💔
رمضان : خلاص بقا اتفضلى ياستى اشترتهم على شانك لما نزلت
آية : شوكولاتة و نوتيلا الله 😍 شكرا بجد
رمضان : العفو يا حبيبتى 😍
آية اتكسفت و بصت فى الأرض
رمضان : أم خدود حمرا اهى 😍😂
آية : بس بقا 😳
فجاة خبط الباب
قام رمضان و فتح الباب
حسام : الحقينى يا رمضان نور مشيت
نرجع بعد ما حسام وصل الشقة دخل حسام لقى نور فى المطبخ
حسام بهدوء: كنتى فين
نور ببرود : روحت الجيم انا و اية
حسام : من غير ما تقوليلى و سايبة تليفونك
نور : انت كنت برا البيت و التليفون نسيته عادى بتحصل
حسام بزعيق : انت ازاى كدا انا كنت هموت قلق عليكى و مش عارف انت فين تنزلى من تانى يوم من غير ما اعرف و راحين الجيم وحدكم من غير ما حد فينا يوصلكم دا احنا كنا هنتجنن نروح لعمرو نسأل فاطمة عليكم ماتعرفش و كنا هنزل نروح لعليتكم يمكن عندهم و انت جاية بتكلمينى ببرود كدا
نور : المفروض كنت اقولك صح
حسام : انت مجنونة انا جوزك يعنى كل حاجه اعرفها و ماتروحيش مكان الا بإذنى انا فاهمة 😡
نور : لا مش فاهمة و ما تعليش صوتك كدا
حسام اتعصب جامد وخبط ايده فى الحيطة جمبها هى اتخضت جامد و دخل اوضة الأطفال و قفل الباب جامد
نور وقفت مكانها تعيط و عارفة أنها غلطانة بس بتعاند و دخلت الاوضة اخدت شنطتها و مشيت سمع حسام الباب لما اتقفل و خرج ينادى عليها ما لقهاش بص من البلكونة لقيها ركبت تاكسى و مشيت دخل قعد على الكنبة و حط ايده على رأسه مش عارف يعمل ايه قرر يروح لرمضان علشان اية اكيد عارفة هى هتروح فين
نرجع بقا ..........
رمضان بزعيق : ايه بتقول ايه ازاى تسيبها تمشى
جات اية على صوت زعيق رمضان
آية : فى ايه يا حسام نور حصلها حاجه
حسام : نور مشيت ما اعرفش رايحة فين
آية : انت بتقول ايه
حسام : زعقت فيها جامد علشان خرجت من غير اذنى لا و مش معترفة بغلطها و سابت البيت
آية : إيه نور ملهاش مكان تروحه غير عيلتها و البيت بتاعنا بس دا مفاتيحة دلوقتى مع بابا يعنى اكيد راحت لعيلتها لا و دى كارثة والد كل واحدة فينا لما قالنا على خبر كتب الكتاب دا قالنا خلال الشهر دا لو حد فيكم زعلنا و المشكلة ما اتحلتش و خلاص حاولنا و مش قادرين نكمل معاكوا باقى الشهر و حد فينا رجع البيت هيطلقها فورا يا حسام دا كارثة
حسام بصدمة : ايه انا مش هطلقها لو ايه حصل دى روحى فى حد يقدر يعيش من غير روحه اه هى غلطانة و انا زعقت فيها جامد علشان احسسها بغلطها ماكنتش متخيل أنها تمشى كدا
آية : استنى بس انا هتصل بيها و نتاكد
رمضان : أطمئن أن شاء الله خير اهدى
اتصلت اية بنور و فتحت وحسام شاور لها تفتح الاسبيكر
نور بعياط : اية تعالى
آية : أهدى بس كدا
نور : زعقلى و ضرب الحيطة بإيده خفت اوى منه
حسام سامع و زعلان اوى
آية : انت فين
نور : انا عند بابا
آية : قولتيلهم ايه
نور : قولت انى فى حاجات كنت عاوزها من اوضتى ضرورية نسيتها و جيت اخدها هما استغربوا اوى لما شافونى و بابا قالى كنتى استنى أسبوع ازاى تنزلى من 2 يوم كدا
آية شاورت لحسام يطمن هى عارفة صاحبتها مش هاتقول لانها عاوزة تدى حسام فرصة
نور بعياط : ماقولتش انى زعلانة لانى عارفة انى اللى غلطانة هو لو كان ما زعقش فيا كنت هعتذرله و الله
حسام : خليكى عندك هاجى اخدك
نور : ايه دا انت بتكلمنى ليه كدا يا اية
حسام : فكرتى هسيبك تمشى ابدا انا جايلك دلوقتى و قفل المكالمة و خرج جرى نزل
آية : تفتكر هيقدر يصالحها نور عنيدة اوى
رمضان : واثق زى ما صالحتك هيصالحها و هيرجعها يا حبيتى 😍
آية : حبيبتى تانى 😔😳
رمضان : تاتى و تالت و عاشر كمان انت مش بس حبيبتى انت حياتى اللى ما اقدرش استغنى عنها زى ما حسام ما يقدرش يستغنى عن نور روحه و هيرجع بيها
........................................................... .........
بارت طويل اهو اتمنى يكون البارت عجبكم 😊
أنت تقرأ
محبة بعد عداوة
Romanceرحلة الحياة قد تكون طويلة أو قصيرة لكن فى فترة ما ستكون مليئة بالاحداث الغامضة التى نتعلم منها و نكافئ عليها ، رحلة الحياة تستحق أحيانا القتال من أجلها من أجل من نحب من أجل أن نعيش تلك اللحظة و لو مرة واحدة فى الحياة فهى لن تتكرر ، صحيح فى البداية...
