Gun N Roses

Gun & Roses part 5

Part 5

Baka disemayaka Mumy dia Iya mai Lyana meli gari enggau kereban penganta .Lebuh maya seduai ka rindang milih gari ba Mall dia Lyana tak betuju balakang enggau laki siku baju chelum ngena ceremin mata chelum .
"Ohhh manuk!" ko Lyana nyau latah laban ka tekenyit dituju laki nya ari tisi .
"Sorry !!!sorry !!!sorry !!!" Lyana berumban merening gamal laki nya ninga jaku laki iya narit ati indu iya .
"Enda ngawa " ko Lyana mata iya enda empesat berati ka mua laki nya ukai enda sigat agi nyau ngasuh lempuang iya asaika dipalu umba kesal ati bai tekenyit .Laki nya lalu tuchum meda gaya Lyana merening iya bakanya .
"Nuan ok ka ?" ko laki nya nanya Lyana iya jaku iban .
"Endai sangka ku ukai iban nuan tadi " ko Lyana tuchum enda nyangka laki nya ngenemu nya jaku iban .Ari panyun mua laki nya Lyana nyagam laki nya bisu darah penakan .
"Yup !ok aku deh ...sorry mega laban bejalai enda meda nuan tadi " ko Lyana bejaku bebasa ka laki nya .

"Enda ngawa aku pen enda meda nuan bejalai tadi tembu rindang meda gari ..ok meh aku mupuk dulu agi bisi pejalai "ko laki nya ka mutar ka diri.
" Aok enda ngawa nya "ko Lyana nimbal laki ka enda dikelala iya nama nya ati iya berasai asa taja berandau ngerampas aja .
" Lyana !sapa perening nuan kin aku tu ka rigau rigau ngaga nuan tadi .."pia ko Mumy nya sama merening tunga alai perening Lyana tang mata iya nadai meda urang .Kebatang iya ati Mumy nya mega kesal nangi ka Lyana ngelari ka diri ari iya .
"Ditu meh aku ...nuan ka nadai meda aku " pia ko saut Lyana lalu mai baju siti tama ngagai Fitting room alai iya nguji ka baju ti dipegai iya ari tadi .Mumy ti meda ulah Lyana mina ngilik ka pala aja sambil iya entudi Lyana ari belakang .Udah ngapus ka ari bejalai bebeli ka baju kasut enggau kereban bukai seduai iya pen mulai ka diri ka burung terebai pulai ka sarang .

Bepun ari nya pengidup Lyana berubah iya diajar Lysa enggau Mumy bakani berandau sereta nunggah urang laki ka datai ngagai iya .Lyana diajar ngena tips tang bedau kala diajar begulai tubuh enggau urang laki .
"Aku enggai iya dikeremah urang laki laban bisi urang udah ka ngambi iya ." pia ko Mumy mekat Lysa laban urang ka ngambi Lyana nya ukai urang sengapa seduai iya sama bela ngelala 'urang nya' .Lysa natuk ka pala tanda mereti ka pekat taja ati iya bisi enggai alah mimit ari Lyana .
'Nampuk meh bos nya ka Lyana indu ti baru bau lia ukai bisi utai temu .Aku meseti dulu agi meri bos tetarit ati ngagai aku .'pia ko telai ati dengki Lysa dekat betapat enggau Lyana enda bemunyi .

Flashback

Sebulan ka udah ....

"Nama rita bosku..." pia ko Mumy nanya rita siku lelaki ti bebaju kot chelum sambil iya nyua ka segelas ai bisa ari Francis .Gamal sigat darah penakan iban cina campur Australia Browen Morgan .Mumy ngelala bendar sapa lelaki nya sereta nemu nama utai ti deka pinta iya .
"Manah rita aku ..." ko iya nyambut gelas ai bisa .
"Nama pejalai nuan bos lama nuan udah enda kitu bayam manuk inang aku ." pia ko Mumy tuchum ngerandau Browen .
"Aku ka nuan ngiga ka aku siku indu bungas " Mata Mumy lalu tepelut ninga peminta urang bujang nya .
"Apuuu boss dini aku ngiga ka nuan indu bakanya ..ba ditu dini aku bulih ka nuan indu bakanya ...Lysa indu paling hot ditu mayuh custemer pandai agi enggau besulu nuan enggai ngambi iya ka ?" pia ko saut tanya Mumy nimbal Browen .

"Enggai ku indu udu injau urang kin kia ..aku ka indu enda kala dikeremah urang laki .Aku ka nuan ngiga nya ka aku sebedau aku pulai ari China ila ." pia ko Browen lalu mansut ka cek duit lima puluh ribu ngagai Mumy .
"Lima puluh ribu ...!!!!!!!amat nuan bos enti ngemayuh tu beri nuan ka aku nadai penanggul aku ngiga ka nuan indu baka ka dipinta nuan nya ." ko Mumy lalu beguai ngambi cek duit nya .

Sambung......