إنسان عاقل جدا، ومؤمن بربنا وبقضاءه والقدر ،وتتكلم معاه تحبه واجتماعي ومثقف وبيعمل الخير وبيفكر يساعد غيره ♥️ وتشوف ضحكته قلبك يفرح وتقول لسه الدنيا بخير، انسان لما تشوفه تقول ربنا يزيده جمال فوق جماله ، خفه دم متتوصفش. مع دقه الساعات بيقعد الإنسان دا مع نفسه إنسان وحيد ومعقد وكئيب ،إنسان فاقد الاهتمام مش حاسس بحاجه حواليه بترن الكلمات في ودنه إنت مش مهم ،انت نكره ،انت ولا حاجه
انسان حساس مش قادر يعبر عن إللي جواه ومش عارف يثبت انه جدير بكل الثقه بس مستني فرصه يعبر بيها عن نفسه ،إنسان بيتحطم من جواه كل يوم بس بيدي نفسه امل ان كل حاجه ربنا هيعدلها من عنده. متفاءل بغض النظر عن كل السواد إللي حواليه
كل مشكلته إنه بيفكر في غيره ومبيفكرش يساعد نفسه ولما جه يساعد نفسه ملقاش الغير حواليه.
انسان فقد الشعور وبقي خالي المشاعر بس حنين.
حاجات كتير حواليه بتفسده وهوا مازال متفاءل ومؤمن بربه وانه قادر علي كل شئ....
