سلوان

البارت الاول

سلوان انتي مش قلتي لي امبارح اصحيك بدري عشان عندك مشروع ولا ماعارفه ليك شنو قومي يلا

سلوان : أمي انا قلته ليك الساعه سته ونص دة شنو مصحياني تمنيه ماشه الدكان انا قال ليك " قالت الجمله دي سلوان وهي مفوهه وبتعاين للساعه فوق الحيطه القصاديها والبطانيه نصها في الارض والنص التاني في طرف رجليها "

يابت انتي جنيتي انا صحيتك كم مرة قريب العشرة مرات لمن قلته داخله في غيبوبه

سلوان : أميييييي والله الموضوع خرب خلاص.... وعايني بلاهي متصلين لي كم مرة وااااايييييي " قعدة في السرير وهي بتعاين للتلفون وبتبكي عشرة عشرة وتقشقش في دموعا وانفها " والله يا امي حيسبو لي .... واااااايييييي

عشان تاني لمن اصحيك ما تقومي لي تستاااهلي كيتن عليك "قالتها ليها امها وهي بتضحك فيها ضحكت سخريه كدة " تاني شي مالك قال ما عندك تلفون تختي فيو منبه وقفت علي انا اصحيك .... تستاهلي الوقت زاتو ما إتأخر ... صحي المشروع دة شنو كمان " تمت امها الجمله وهي بتغمز لي بتها بي عيونا وبتتبسم ليها متكله على يدينها في طرف السرير "

سلوان : طيب بس كدن اشوف الموضوع لو ما خرب بوريك لو خرب ما بوريك تمام " قالت سلوان الجمله دي بي سرعه وهي شايله تلفونها بتفتش في رقم عاوزة تتصل عليهو "

لا ياااخ وريني

سلوان : امي اقسم با الله احيانا بحسك طفله ...

خلاص انا ماشه .... هيييي صحي ما وريتك
محمد ولد فاطمة

سلوان : هي يا أمي مالو ان شاء الله خير "قالت جملتها وهي خاته يدها في صدرها ومخلوعه كدة"

لا لا خير يا بتي .... عاوز يعرس الاسبوع الجاي ان شاء الله وعزمونا

سلوان : الله مبروووك ليهم ان شاء الله ..هييي محظوظ والله والحتعرسو محظوظه اكتر حقيقا الولد دة مؤدب شديد و عيونو ما برفعا لمن اجي اسلم عليو  وأهلو كمان ناس كويسين غ
خالص بجد حظهاااا الحتعرسو " تمت جملتها وهي قايمه من السرير ماشه على الهول وخاته  في السماعات في اضنيها والابتسامه شاقه وشها "

اي هي محظوظه بس كنته عاوزاك تكوني انتي المحظوظه بيهو مش هي " تمت امها الجمله بي صوت واطي عارفه ردود بتها الانفعاليه  "

سلوان : "نزلت السماعه براحه واتلفت على امها وصدرها دة بينزل ويطلع بي سرعه خارقه وقلبها بقه زي دلوكه انصاف ونفسها دة بقه سريع شديد لمن بقه يتقطع زي الجاريه في مرثون " امي انا كم مرة قلته ليك الموضوع دة قفلناو "تمت جملتها بي كلو هدوء وفجأه صوتها عيلا " ياخ ود الناس لا عاوزاهو لا عاوزني وبعدين معاكم امشي امسكو من هدومو اقول ليو تعرسني هسه ولا بخبتك... شايفاني بايرة ... بعدين انا يا امي زولة ومثقفه وما تميت جامعتي لمن اتمها حيحص العاوزاهو يا امي اصبري بس " تمت جملتها بي هدوء وكأنها عاوزة توصل لي امها المعلومه "
طيب ما قلنا شي هدي روقي المنقه