قدري

قدري $ البارت الاول

قدري$البارت الاول

أقدرنا هي حياتنا حتما سنعيشها بحلوها ومرها بماضيها وحاضرها لكلا منا قدر من الممكن ان تجمعنا اقدرنا بأشخاص لم يكن وجودهم في حياتنا بالحسبان ومن الممكن ان نظن ايضا ان وجودهم في حياتنا نقمة كبيرة ولكن في الحقيقة انهم نعمة كبيرة جدا من رب العالمين اهداها الينا لنرسم معهم خطوط حياتنا المستقبلية ونحقق معهم احلامنا الوردية.

في منزل بسيط أسرة متوسطة الحال تجلس عائلة ياسمين
محسن:منيرة فين يارا وياسمين لسه مصحيوش

محسن موظف في شركة مستواه الاجتماعي متوسط لا يمتلك إلا راتبه الشهري يحب عائلته جدا تزوج من منيرة بنت عمه وأنجب منها ياسمين طالبة بكلية الهندسة ويارا طالبة في الصف الاول الثانوي

منيرة وهي تضع الطعام :- بيلبسوا وجايين حالا اقعد انت افطر وانا هروح استعجلهم علشان منتاخرش

جلس محسن في انتظار ابنتيه وزوجته منيرة، بينما منيرة ذهبت لأحضار ابنتيها طرقت الباب

ياسمين وهي تفتح الباب:- اتفضلي يا ماما
منيرة بعد أن دخلت الغرفة:- كل دا  بتلبسوا اخلصوا شوية كده هنتاخر علي الفرح
ياسمين بتافف:- أنا والله ماليا نفس اروح هناك مش بحب اتعامل معاهم كتير
منيرة عاقدة حاجبيها:-ياسمين انجزي أنا قولت إيه دي بنت عمتك واحنا هنعمل الواجب وبس وإذا كان علي حكاية أنها بتستقل بيكم فانتوا كبروا خالص لحد ما اليوم يعدي علي خير ولا عاوزين ابوكم يزعل منكم دي أخته الوحيدة برضوا
يارا واضعة يدها علي كتفي شقيقتها ياسمين:- بصي يا سمسم والله ان جيتي للحق أنا كمان مش بطيقهم بس لازم نروح ان مكنش علشان خاطر بابا يبقي علشان خاطر المزز اللي هيبقوا موجودين في الفرح فنتلم ونروح احسن ويلا نفطر علشان انا بطني زقزقت من الجوع

ضحكت كلا من ياسمين ومنيرة وذهبوا لتناول الإفطار مع جو اسري سعيد.

في فيلا فخمة جدا يوجد بها اثاث فاخر مرتب بطريقة عصرية ومنمقة .
تجلس بغرفتها بصحبة أصدقائها المقربين والزغاريد والأغاني الصاخبة تملئ الغرفة

اميرة :- جيسي حبيبتي عاصم رن عليا وبيقولك افتحي تليفونك وكلميه
جيسي: اوكيه مامي

"نقف لحظة"
اميرة اخت محسن الوحيدة تزوجت من محمد العميري وأنجبت جيسي ونور ابنتيها ولكن شخصية نور تختلف عن جيسي تماما فجيسي مدللة بطريقة غير طبيعية ومتكبرة الي حد الجنون تمت خطبتها من عاصم ظابط شرطة من أسرة مرفهة جدا ويعشقها حد الجنون ولكن يريد تغير طبيعتها المتكبرة والساذجة بنفس الوقت اما نور طالبة ثانوية مثل يارا وتعشق يارا وياسمين ومتواضعة جدا عكس طبيعة شقيقتها جيسي المتعجرفة

أنهت جيسي مكالمتها مع عاصم وذهبت لإكمال حفلها مع أصدقائها

مايا صديقة جيسي:- جيسي هي بنت خالك ياسمين جاية الفرح
جيسي لاوية شفتيها:-اه يا مايا جاية وأكملت بطريقة ماكرة:- بس ايه هنتسلي ع الآخر
رودينا :- والله انتوا فاضين وبعدين يا جيسي دي بنت خالك
جيسي  عاقدة حاجبيها:- بنت خالي اه بس مش بطيقها خالص وبعدين هي مش من مستويا أصلا فكك بقا انتي وهيا ويلا نقوم نجهز علشان الكوافير جاي كمان شوية