جين : نوضو راهي الوحدة قالكم واحد ... روحو كاش ما تخدمو على روحكم
كوك : وشنو أذن ...
جيمين : صاح ! وين التمر
ارام : ياه هاداوين تنوضو نتوما راكو خمرتو .. لوكان ماشي شوية ينوضولكم لي شومبينيو .
تاي : شومبينيو وين رآه و الله غير تشهيتو
جيمين : فف تعيو حسبتلي اذن ...
جيهوب : صباح الخير واش كاش ما شريتنا ماكلا ماشي قلتنا راح نشري الزلابية تاع بوفاريك وين راهي
شوقا : بلعو عليا ... جايين تعيطو هنا فوق راصي ما خليتو لبنادم يرقد بسلام
جين : ارقد ارقد ... هادا واش خصنا غير كي تزيد تهضر
شوقا : واش قلت مسمعتكش مليح ... لسانك طوال ياك
جين : خلاص خلاص ارقد و هنيني
كوك : تخاف منو ياك ... تعرف عليمن تعيط
جيمين : نقلكم حاجة لخاوة انا نروح للجامع ماشي خير
ارام : هاو العاقل فيكم رايح يقرأ فالمصحف أو يعبد ربي كيما باقي العباد ماشي كيما نتوما
جيمين : سمحلي ... ارام مي بصح انا كنت رايح باش نرقد لتم .. راك عارف الكليماتيزور تاعنا خسر أو السخانة قتلتنا يا محاينك
كوك : اييه ... و الله تخمملها جيمينشي
شوقا : تعجبني كي تخمم يا جيمين .... ايا نروحو دك ...
....
راح جيمين أو جونغكوك أو شوقا للجامع
كان فارغ أو بارد ... ضربوها برقدة ما تعرف ايدا حيين و لا ميتين
....
جين : ارواحو نتوما الزوج علابالي بلي تاخدولي الراي
تاي : الراي ؟؟ ... ياك ماشي مليح لغنا فرمضان ... تسمع الرأي جين متحشمش على روحك 😤
جين : يا ربي طحت مع مهبول .. علاه مارحتش معاهم
جيهوب : هيا واش نديرو دك
جين : شف نتا عسلي على الشوربة راهي الطيب ... كل خمس دقائق حركها
و نتا .. ارواح تخدم معايا البوراك
تاي : ايه .. خلاص معليش
....
جين : شوف انديرو الباطاطا و نزيدولها شوية فيوند اشي و شوية زيتون ...
أو نزيدولها الفورماج أو شوية معدنوس
تاي : يااه ... هاد الشي يخدمو البوراك بالباطاطا و نا حاسباتلي هاديك زبدة
جين : و علاه كاش نهار حسباتلك حاجة أو كانت صح
جيهيوب : اسمع انا عييت مصباح و انا نحرك
جين : خلاص دوك يكمل تاي يدير البوراك اومبعد ونتا اقليه .. انا
راني رايح نسغم الشمبرة لي رديتوها مزبلة
جيهوب : ايه .. ايه روح برك
...
نص ساعة أو يأذن
جا شوقا و جيمين و كوك للدار بالمخايد في يديهم
جيمين : ضربناها برغدة فور
شاقا : راني ميت بلعيا مشينا بزاف
كوك : ترقد عيان أو تنوض ميت بالعيا
جين : هاداوين جو نتوما ... مادامكم هنا روحو وجدو الطابلة
..وجدو الطابلة أو جا ارام و معاه الزلابية ..
≤ اذن المغرب ≥
الجميع : باسم الله
كانو ياكلو اومبعد ...
بزق شوقا الماكلة من فمو : وشنو هادا حبيتو ترهجونا أو زيد فرمضان
جين : اسمع ماتهدرش على الماكلة ديالي هاكا عمرها ما كانت ماشي بنينة
شوقا : دوقو البوراك أو شوفو
جين : مابين والو
ارام : بنين
جيهوب : ايه بنين
جيمين : يااع وشنو هادا واش حطيتو فيه
كوك : وش فيه البوراك ياع
تاي : انا حطيتلكم فيه الزبدة او نحيت الباطاطا باسكو لبوراك يجي فيها الزبدة ياك جين
جين : وفتاه هادي حطيت فيه الزبدة
تاي : كي رحت تلم الزبل
جيهوب : قصدو كي رحت تسڨم الشومبرا
جين : ديجا تستاهلو ماخدمتو والو قاعدين راقدين حتى المغرب و تحوسو غير على كرشكم
شوقا : نتا منبعد نتفاهم معاك
تاي : انا كنت حاب برك نطيب البوراك هادا ماكان
...
راح جين أو جيهوب أو ارام للجامع
وقعدو لوخرين فالدار
كان جيمين أو كوك أو شوقا يتفرجو في ولاد الحلال
أو تاي واحد ما علابالو وين رآه
...
جيمين : اسمعو ... ياك انا شباب على زينو
كوك : هادي حاجة باينة صاحبي
شوقا : راك من نيتك واقيلا امنت روحك بزاف
جيمين : علاش وش خصني
شوقا : خصك لعجار أو الحايك باش ما يشوفوش البشاعة
* تم القصف *
كوك : خلاص خلونا نشوفو ....
جيمين : أيا ... خطفو ربيع
كوك : علاش مسكين علاش
شوقا : لجماعا وين رآه تاي واقيلا خطفوه هو تان ..
رآه بهلول كابابل يخطفوه نورمال
جيمين : طلع للصطح
كوك : واش رآه يدير لتم
....
جاء تاي
شوقا : وش كنت الدير لفوق
تاي : كنت نشوف فالذبان لبيض .
كوك : وشمن ذبان
تاي : هاداك اللي فالسماء
جيمين : يالحمار هادوك نجوم ماشي ذبان بيض
شوقا : اواه انا مانقعدش معاكم صينو نهبل
.....
واش عجبكم ولا لا
ايا كمنت تشو 💬 أو زيد معاها ★
ايدا لقيت بزاف تفاعل نزيد ندير جزء واحداخر
