Just If (What If It's Love, Published Under Summit Media)

Chapter Twenty Two

TWENTY TWO

Copyright © Marco Jose (SiMarcoJoseAko)  

Dinala ako ni Axcel sa parking lot kung saan naroroon ang kanyang sasakyan. Alam ko nang galit s'ya pero hindi ko alam kung bakit s'ya galit. Akala ko rin kanina ay umalis na siya at inihatid si Thalia, pero hindi pala.

"Bakit hindi mo sinasagot ang mga texts ko?!" Singhal n'ya sa akin pagkatapos niya akong bitiwan. Bakas sa mukha n'ya ang galit at inis. Magkasalubong din ang mga kilay niya at diretso siyang nakatingin sa akin habang nakasandal ako sa sasakyan n'ya. Hindi ko magawang salubungin ang matatalim niyang tingin.

"I—I don't want to disturb your date with—" Hindi ko na natapos ang sasabihin ko ng magsalita ulit siya.

"The fvck with that answer!" Sigaw n'ya. Oo, aaminin kong maraming beses ko na siyang nakitang ganito at kalimitan doon ay kapag nagagalit o naiinis siya sa akin.

"Totoo naman ang sinasabi ko, Axcel." Mahina kong sabi habang nakayuko.

"Tang ina, kahit simpleng reply lang wala ka?! Tapos makikita kitang kasama mo silang lahat?! Hindi mo man lang ako tinext o tinawagan na kasama mo sila, samantalang ako alam mo lahat ng ginagawa ko! Pwede namang ako ang isama mo kung gusto mong lumabas, hindi ba? I am just here, just fvcking here!" Kitang-kita ko ang galit sa mukha n'ya. I know he's frustated, I knew him. Kita kong may bigla s'yang kinuha sa bulsa niya, sigarilyo.

Lumayo siya sa akin ng kaunti at tsaka tumalikod. Sinindihan niya ang sigarilyong hawak n'ya.

"Damn this." Narinig kong sabi n'ya at tsaka bumuga ng usok. Biglang nanigkit ang mga mata ko.

"Itigil mo 'yan." Mariin kong sabi. Napaharap naman s'ya sa akin at tinignan ako ng diretso sa mga mata. Those stares, those eyes.

"Ngayon may pakielam ka na sa akin dahil naninigarilyo ako? Dahil—" Hindi ko na pinatapos ang sasabihin n'ya.

"I said, stop it!" Hindi ko na napigilan ang mapasigaw. Hindi pa rin s'ya tumigil at parang sinusubukan pa ako dahil bumuga pa siya ng ilang ulit. I don't want my man taking cigarette. He'll just kill himself.

"Make me stop." Nanghahamon n'yang sabi. Hindi ako nagsalita, tinignan ko lamang siya ng diretso sa mga mata n'ya. Ganoon din ang ginawa n'ya, nakipagtitigan lang siya sa akin na tila ba hinahamon ako sa isang duwelo.

"If that's what you want, make yourself stop." Mariin ngunit mahinahon kong sabi at tsaka ko siya tinalikuran.

Hindi ko alam kung bakit ganito ang nararamdaman ko at para bang kakaiba. Sa bawat tingin n'ya, hindi ako makakilos ng ayos. Sa bawat salita n'ya, nagwawala ang sistema ko at kapag nandyan na siya, bumibilis bigla ang tibok ng puso ko. Ayoko ng ganito, ayokong makaramdam ng ganitong bagay. Dahil alam ko ang ganitong pakiramdam, alam ko.

 

Nakakailang hakbang pa lang ako ng may biglang humablot sa braso ko at iharap ako sa kanya.

 

"Dammit!" Bulong n'ya sa kanyang sarili at tsaka ako kinaladkad papasok sa sasakyan n'ya.

 

"H'wag na h'wag mo akong tatalikuran, Heena." Mariin n'yang sabi pagkapasok namin sa loob. Hindi ako nagsalita, nakatingin lang ako ng diretso sa may harapan. He suddenly started the engine kaya napalingon ako sa kanya.

"Don't leave." Seryoso kong sabi sa kanya.

"We won't, binuhay ko lang para may aircon." Sagot n'ya sa akin. Sumimangot lang ulit ako.