انتقامي : جعلته يعشقني بعد أن تزوج علي ..باللهجة الجزائرية ❤ مكتملة ❤

.

شغل ختو ....عمرتلو الخزانة وحكماتو ليلة حكاتلو على المرة كيفاش تحب الراجل يكون وش يلبس وش يدير وش هوما الحوايج اللي ماتقبلهمش ... كيفاش يتعامل معاها وباش تنحي الحدود مابيناتهم حكاتلو مام على امور خاصة وتفاصيل اللي تهم العرس  ...كانها صاحبو صاحبتو واختو وامو وكلش وين ما يشوف يلقاها قدامو وين مايحصل يكلمها ...
حتى خطيبتو  لاحظت هاذ الشي .. قاتلو مش تكلمني وخليتني وووو نكد نكد نكد اللي هو اكثر شي يكرهو الرجل ميش ذكية كيما هدى ماعرفتتش تتعامل .. وهو اللي يصرالوو مع سهيلة يحكيهولها وهي كي العادة تنصحو وش يدير وسايس وساعف ووو حتى نهار تزوج زغرتتلهم من باب الدار لباب الشمبرة من بعد زادت طلعتلهم العشاء كأنو عرس خوها وهو فرحان ووو  كي دات العشا فتحلها هو الباب  شد عليها السنيوة ضحكت وغمزتلو قاتلو .. دير رايك ... قالها خاطيك عليا وقعدو يضحكو راحت هي رجعت تغسل فالماعن وغصتها حاصلتلها واهلو بنات عمو وخوالو مقصرين عليها ذيك الليلة .. مالا هي راحت  قعدت معاهم وجابو طبل وبندير يطبلو ويغنو  وحايرين فيها كيفاه قاعدة معاهم وكون ناضت هي روبلتها تبان بلي راها مغصوصة وحابة تبين العكس مالا حكمت سلمى قعدت معاها يتحاكاو وكلش من بعد تفرقو ... راحت هي لدارها فرغت عليها بلاراجلها والسيد قاعد مع مرتو زاوجة راحت نظفتها وقعدت تكونيكتي طاحو دمعاتها وحدهم غسلت وجها ودعات ربي يفرج عيها راحت تتقلب و عقلها مع اللي دارت كلش باه ترجعو يحبها