البارت الأول
اول شي هما كل خميس عشيه يلتمو في فيلتنا نحنى ويباتو ويروحو الجمعه بعد العشاء
الصبح :
&روند &
.
.
.
.
.
.
خشت عليا امل وفي ايدها كأس ماء مسقعه وصباته عليا وتضحك
انا:نضت منفجعه كنك ياحيوانه 😲😥
امل: قاتلك ههههه ماما هههه نوضي ههه وراك ههه
انا: ادوي بدون تسهويك (ضحك) 😒
امل؛ به خلاص سكتت 🤐ههههه آخر ضحكه خلاص ههه
انا؛ ادوي احسن مانصبيلك 😠
امل؛ قاتلك ماما نوضي اقري لي امتحانك😅😅
انا؛ الساعه كم تو. شفت فوني وكانت الساعه 5:30. مزال بكري وبعدين انا امس لعند موخر ونا نقرأ
امل؛ مش شوري امي قاتلي نوضيها
نضت بتأفف خشيت غسلت وتوضيت وطلعت صليت شفت الساعه كانت 6:15 مسكت كتابي📘وكان عندي ميكانيكا 😭😭منحبهاش بكل قريت قريت قاطع قرايتي فوني الي يرن ستغربت من يرن عليا ومسكن فوني وشفته القيته هيمو (إبراهيم خوي طبعا كلنه نقولوله هيمو) ستغربت ورديت
انا؛ الو كنك هيمو شن فيه ران عليا
هيمو؛ هههههه نعيمن قالو دارولك حمام مسقع ههه
انا؛ ههه ههه ههه متضحكش ره 😒
هيمو؛ لاكن انا ضحكتني هههههه🤣
انا؛ ادوي شن فيه بنكمل قرايتي
هيمو؛ انزلي افطري راهو الساعه 7:10 تالي عليك خلاص
انا؛ 😱هي هي نبدل ونجي ع السريع سكرت منه ونضت لبست
قميص حني فوق الركبه شوي وسروال اسود وحذاء اسود وشارب حنى وكنت مطلعه شعري من قدام شوي مش هلبا وشنطه سوده "خليني نقوللكم مواصفات طبعا اول شي طشه بالحيل 😂 سمره شوي وكل شي فيا صغير فمي صغير وخشمي صغير فيكم تقولو عيوني الحاجه الوحيده الي مش صغيره كانت مش صغيره ولا كبيره متوسطه يعني ولونهن عسلي فاتح مايل للأخضر هذا شكلي باختصار" ونا نازله من الدروج يلاقيني هيمو
هيمو؛ بلي فيك عليك طرف
مكملش كلمته الا ونا طايحه من الدروج 😭😭😭
انا؛ يماما اي 😭قول مشاءالله خزي معيان باهي الي جت ع هذي
هيمو؛ 😂😂 ماسك بطنه من الضحك والله اول مره نعرف اني معيان ههه
انا؛ خزي 😒
صبيت ونا نعرج ومشيت لي الكوجينه لقيتهم يفطرو
انا؛ صباحو صحه صحه
الكل؛ سلمك
نعيمه؛ كنك رنوش تعرجي 😲
انا؛ يمامي هضا هيمو كنت نازله...... وحكيتلهم الي صار
كلهم؛ هههههه معيان
مع خشت هيمو والله اول مره نعرف روحي معيان 😂😂
كلنا؛ هههههه
قعمزت وفطرت ونضت شفت فوني لقيته الساعه 7:45 غصيت مدتلي ابتسام كوب ماء هك اشربي كنك بسم الله
انا؛ تالي عليا هيا هيمو
هيمو؛ فمه مليان تو كيف قعمزت ناكل
كلنا؛ ههه
انا؛ بس نوض هيا والله تالي عليا
هيمو؛ ماشي هي
بست رأس ماما وبابا ومديت يدي ✋"بمعنى وين مصروفي"
أحمد؛ ضحك ومد وحط ايده في جيبه وطلع لفلوس ويعطيها منهن 10 فرطت من يده وهي تضحك وهربت
أحمد؛ به يابنت الكلب على يعطيك مره اخرى وهو يضحك ههههه
انا؛ لو سمحت معاش تغلط في بابا هض آخر مره نبهك وهي تضحك ههههه
أحمد؛ به اسف معاش نغلطو في باتك ههه
انا؛ ايوه بسته ع راسه وطلعت لقيت هيمو في السياره يسب ويلعن عشان طولت فتحت باب السياره وركبت
هيمو؛ سنتين بيش تطلعي حتى الفطور مخليتيني نفطر
انا؛ به خلاص ياهيمو اسف وبسته ع خده 😘☺️
هيمو؛ عرفتني منحبش نستنا حد
انا؛ بهمس تو تشوفو سوما شن أدير فيك 😒😂
هيمو؛ شن تقولي علي صوطك
انا؛ لاسلامتك قتلك اسف
هيمو؛ اها به
وطول الطريق ونحنى نتناقرو تقول ضراير ههه
وصلت واخيرا نزلت
انا؛ ثنكس ☺️
هيمو؛ ولو امتى نجيك
انا؛ تو نرن عليك
هيمو؛ اوكي سلام
انا؛ سلام ومشيت لي صاحباتي
******
في حوشنا
.
.
.
نعيمه؛ هيا بسرعه نوضو اليوم خميس خلونا نحوسو في الحوش والي بدير حاجه اديرها
امل؛ حاضر ياماما وخاطري في بسبوسه بالقشطه بنديرها اليوم
ابتسام؛ بهمس انتي خاطرك فيها ولا حبيب الألب
نعيمه؛ نوضي الي بديريه ديريه وانتي فكيني منك ومن وشوشتك صبي
امل ابتسام؛ حاضر
¶¶¶¶¶¶
محمد؛ صباحو ياقلبي وباسها ع خدها
مرام؛ صباحو حياتي
محمد؛ هيا نوضي ديرينا فطور
مرام؛ حاضر من عنوني
محمد؛ تسلم عنونك وباسها ع عيونها
مرام؛ حبي اليوم خميس نمشو بكري قبل الغداء لي حوش هلك عشان نساعدهم
محمد؛ براحتك كيف ماتبي بس بسرعه عشان نحطك قبل مانمشي للشركه
مرام؛ حاضر هي
فطرو وغيرت ملابسها هي وبنتها وطلعو
§§§§§§
فاطمه؛ صباحو
عبدالله؛ صباح النور
فاطمة؛ هيا الفطور واتي
عبدالله؛ هي نخش نغسل ونجي
فاطمه؛ ماشي علي مانوضت لصغار
عبدالله؛ ماشي تمام
فاطمه نوضت اسلام وسلام "توأم ولاد" وسلسبيل وسراب
¥¥¥¥¥¥
&روند&
.
.
.
.
.
خشيت للامتحان وكان صعب بس الحمدالله حليت طلعت ولقيت ريهام تبكي جيتها نجري كنك ريهام شن في
ريهام؛ الامتحان واعر 😭😭
انا؛ قصدك ماجاوبتيش ولا شني
ريهام؛ لا جاوبت الحمدالله
انا؛ آمالا عليش تبكي 😒
ريهام؛ مش عارفه 😭
انا؛ باهي سكري فمك 😒
ريهام؛ 😂😂😂😂😅
انا؛ حيوانه😂😂
انا؛ اسمعي بنكلم هيمو يروح بينا روحي معاي هلك بعدين يجو
ريهام؛ به تو نفوتهم هلي اليوم 🖖😂
طلعت فوني ورنيت ع هيمو
هيمو؛ الو
انا؛ها ياهيمو هي تجيني
هيمو؛ هي اني جاي
انا؛ معاي ريهام ره
هيمو؛ ماشي شوي ونوصل
انا؛ تمام هي وجك
هيمو؛ ماشي تشاو
..
انا؛ اهو جاي
ريهام؛ هي نمشو نشرو شقاشق
انا؛ هي 😍
ونحنى ماشيين جونا 3 شباب
شاب 1؛نعليا قمر في الصبح
شاب2؛ نعلي منك يابرو
شاب 3؛ العسل من وين
مشينا ومعدلناش عليهم بس قعدو يلحقو فينا وفجأه..... 😱
زعما شن صار
استنوني في البارت الثاني
عطوني رايكم في الروايه
ومتنسوش التفاعل
للكاتبه؛ ﴿♬ MØømä Hë ❤♩℡┊❥..
