انتقامي : جعلته يعشقني بعد أن تزوج علي ..باللهجة الجزائرية ❤ مكتملة ❤

.

  فالعشية كي كملت كلش طلعت بدلت حوايجها وطلعت كادو لسهيلة تاع العرس .. طبطبتلها كي فتحت شافتها بذوك الحوايج معريين كثر من ساترين وتفكرت روحها اللي جامي لبستهم معمرين الخزانة برك  .. قاتلها وي وش تسحقي
جبتلك كادو العرس
شديه عندك حبيبي عمرني كاداوات بصح مدامك جيتيني برجليك نحب نسقسيك ... وقتاش معولة تخرجي من الدار دوك نرفد الكرش ومانقدرش على تروازيام ايتاج ... نحوس نهبط
راكي عارفة هذي صعيبة شوي عليا وعلى هذا العايلة
لازملها شوي وقت
ايه انا كي شفتكم هاك حسيت بلي ماراكيش معولة تخرجي منا
ان شاء الله اذا كتب ربي راني مانطولش ونخرج
مالا لازم توالفي على فراق حبيبي .. اذا تحبي تقدري تقوليلو مايزيدش يبات عندك ...
شوفي ذالساعة راه راجلي انا ثاني حقي وحقك كيف كيف نهار بنهار مافيهاش نقاش  ... بصح انا دايراتو خويا اللي ماجابتوليش يما كون عيني فيه كون راها كرشي خارجة قدامي بالحمل مالقري تو لابغا بالسيف عليه ... لحد الساعة  من لي سمعت بيك تجرحت بزاف وماحاولتش ندخل بيناتكم رغم اللي ربي محلو ليا ومحرمو عليك ... هذاك علاه حابة نقلك خلينا خيات من ذك لين يفرقنا ربي
اممم تعرفي تهدري ماتبانش عليك شفتك مقبيل دايرينك كالجفافة وخارجة عليك
ذيك عايلتي وذا واجبي وواجبك
معليش وقيل نحاولو بش مايطلقكش تنفعي فخدمة الدار ...
انا نقلك ربي يهنيك راني رايحة واذا رضيتي على الكادو دهميني نمدهولك  ..
مع هي هابطة لقات اسحاق يتصنت