انتقامي : جعلته يعشقني بعد أن تزوج علي ..باللهجة الجزائرية ❤ مكتملة ❤

.

كمل ذيك السمانة وهو مش حابها تفوت كل يوم يرقد في صدرها ولا يرقدها في صدرو لمت حوايجها غير اللبسة والحاجة اللي ضرورية خلات كلش كيما راه   هبطت بقشها وهوما قاع يبكو عليها من عجوزتها لخوتو وهو خرج قدامها يستنا فيها فالسيارة وهي تبكي  تسلم عليهم وتستسمح منهم  غير ضرتها فرحانة  خرج معاها شيخها الكابات وركبت من قدام مع اسحاق ووجهو احمر باينة  يبكي  مسحتلو على راسو ماتخافش كلش يتحل ... رفدها  هو يسوق وهي تنسي فيه قاتلو ولدي الكبير نسميه عليك ونتا اذا جاتك طفلة سمي عليا هذا وعدنا اوك ؟
ودمعة تطيحلو .. سواسوا وصلو لدارهم .. قتلو رايحة نتوحشك حضناتو وجات خارجة
راكي متأكدة ؟؟ هذا وش راكي حابة تديري ؟(بصوت مغصوص )
ياك خلاص هدرنا فذالموضوع
قالها
هدى نحبك ....
وشنو ؟؟ 
نحبك ...... تعيشي مهنية وتعطي لراجلك راحة البال اللي عطيتيهالي وتسمي عليا ودموعو يهبطو وحدة مور لخرى ... عاودت رجعت ريحت مسحتهملو ... ماتخافش كلش يفوت  .. مانروحش حتى تسكت
مالا مانسكتش
هاااياااا اخطينا ... يللاه ذوك تجيك بنية تشبهلي نضمنلك مرتك قعدت غير تتوحم عليا
ان شاء الله .. بصح راه عندك حاجة مادرتيهاليش
وش هي نديرهالك قبل مانروح