زياد
سدته بوجهي وهيا مقهوره وتحجي بحركه ههههههه
اخخخ انوب عصبيه اروح فدوه
رجعت دكيت عليها انطت رفض يبوي زعلت هاي دزيت رساله الها
اذا ماتردين مايصير خير!! من اهددها بسرعه ترد هههههه
دكيت عليها ردت
ملاذ
ها رايد شي ،؟
زياد
اي رايدج
ملاذ
روح لحبيبتك عينيً اني شكو جاي عليه لو اليوم شبعت ونسه انت وياها وجاي عليه
زياد
احاول اكتم ضحكتي
وشبيج ضايجه وتحجين بحركه شني غرتي عليه لازم !!!
ملاذ
خنكتني العبررا يعني يحجي صدك
لااا وعلى شنو اغارر بس ليش تكذب عليه وتكلي اجيت على مودج شنو اني لعبه بيدك ضليت ابجي نزلت دموعي بعد لا ادك عليه وروح لحبيبتك تونس وياها
زياد
هههههههههه ضليت اضحك بصوت عالي على عصبيتها وغيرتها اوف انوب ضلت تبجي سوده عليه هههههه
ملاذ بعصبيه
على شنوووو تضحك ها متونس اليوم كلش انته والمدام مالتك وجاي تضحك ومرتاح كااافي تضحك زيادد
زياد بضحك
لج وعلي جذب والعباس جذب احبج واموت عليج ماعندي لا حبيبه ولا شي جنت افتر ويا وليد صديقي واخوي يوسف شمالج ولج الغيررا سودنتج وما خلتج تندلين دربج جا شكثر تحبيني
ملاذ
ارتاح كلبي من هيج حجه بس ضجت منا خبيث شلون ضل يضحك عليه
ماغارر كتلك على شنوًاغارر
زياد
جذاابه وعلي تغارين وتموتين عليه
ملاذ
كتلك ماغار
زياد
كولي واداعت امي ماغار وصدكج
ملاذ
ضليت ساكته
زياد همست
تحبيني اعترفي ليش تكابرين بويه وعلي تموتين عليه
ملاذ بخجل
كافي زياد
زياد
اخخخ سكتنه على يوم اخليج تكوليها ماسمه زياد اذا ماخبلتج بحبي
ملاذ
هههه واثق
زياد
كللش
ملاذ
الله يديم هل ثقه اكلك يوسف منو خاف هاي صديقتك وسميتها يوسف
زياد
هههههههه لا ولج اخوي الصغير هذا وبعدين ليش اسئلين مو ماتحبيني بويه .....المهم هو انه عندي اربع اخوان واني الخامس اكبر واحد بيهم عماد وزيد وياسر ويوسف
وخت وحده زينب يجي يوم وشوفيها 😉
ملاذ
ها الله يحفظهم الك
زياد
ويحفظج الي ... بعد بيتي
ملاذ
استحيت كل شوي وذبله كلمه تخجلني
زياد
جا بس انه اسولف سولفي انتي على حياتجً
