البارت الثاني
ونحنى ماشيين جونا 3 شباب
شاب 1؛نعليا قمر في الصبح
شاب2؛ نعلي منك يابرو
شاب 3؛ العسل من وين
مشينا ومعدلناش عليهم بس قعدو يلحقو فينا وفجأه في حد مسك ايدي وتلفتت لقيته هيمو
هيمو؛ مش قلتلكن خليكن برا 😠شن اديرن هنا
انا؛ كنا ماشيين للكافيتيريا ولاقونا شباب وقعدنا نجرو وهم ورانا ومعرفناش كيف وصلنا هنا
ريهام؛ تبكي😭😭
هيمو؛ عليش تبكي انتي
ريهام؛ خايفه
انا؛ عليش خايفه
هيمو؛ هيا نروحو
انا وريهام؛ هي
طلعنا وروحنا وطول الطريق ساكتين
وصلنا للحوش ونزلنا للفيله
خشينا وسلمنا ورقيت انا وريهام لي داري كسدنه نا وياها شوي وبعدها كلمونا ع الغداء ونزلنا تغدينا وخشينا غسلنا العوايز انا وريهام وابتسام وأمل وبعدها رقيت نا وأمل ورقدت نا وريهام وأمل دارت البسبوسه وابتسام دارت كب كيك
&&&&&
خشت علينا فاطمه وحنان وحنين وابتهال ينوضن فينا نضنا وهدرزنا شوي وخشت مرام شوي شوي وتزحم الدنيا منال ومريم واحلام وملاك وسهام وسناء و فدوى وهدرزنا شوي ونزلنا سلمنا ع عماتي وصبايا عمامي وقعمزنا جنبهن شوي ورن فون عمتي خديجه....
$$$$
&خالد&
كنت كسد مع الشباب شوي وجاني فون رديت وقالولي انه انمكمل بعد سبوعين فرحت بالخبر لأنه كان من المفروض نقعد شهر ونص بس بعد اصريت عليهم خلوهن ليا سبوعين من يوم طلعت من ليبيا معاش رديتلها ليا تقريبا 7 سنين أو أكثر ماشفت هلي
مسكت فوني ورنيت ع امي الغاليه الي ليا كم سنه مشفتهاش مشتاقلها مشتاق نضمها لي صدري مرايف عليها وع خوته وهله الي ميعرفهمش كلهم
€€€€€€
ردت عمتي ع الفون ؛ الو خلوده حبيبي اشحالك شن داير
خالد؛ والله تمام الحمدالله شن حالكم انتو شن دايرين
ع خديجه؛ والله الحمدالله كلنا كويسين اهو قاعدين ملتمين
خالد؛ قاعدين مزال كل خميس اتلمدو يعوينمك
ع خديجه؛ الله غالب اهو هانت مزللك شهر ونص وتجينا
خالد؛ اي يما هضا عليش مكلمك نا
ع خديجه؛ متقولش بتزيد أخرى نلقنك متزيدش تعال نا معاش نقدر مرايفه عليك واجد وقعدت تبكي
خالد؛ لا يايما بعد سبوعين جاي لي ليبيا
ع خديجه؛ لرلولولولي 😭
خالد؛ 😭😭والله حتى نا مرايف عليكم
ع خديجه؛ والله حتى نا ياولدي بعد انه بعد سبوعين معناها ندورلك عروس من بنات خوالك
"طبعا انا وريهام شفنا في بعضنا طول لأنه مفيش غيرنا"
خالد؛ شن قلنا ياامي مش قتلك مش مقتنع بيه سبركم هضا منبيش ناخذ من العيله قتلك من قبل
ع خديجه؛ ساهل ساهل بعد تروح نحكو في الموضوع هضا
خالد؛ تنهد ماشي يامي تو سلام
ع خديجه؛ ماشي دير بالك ع روحك
خالد؛ أن شاء الله سلمي واجد ع العيله كلها سلام
سكرت عمتي الفون وتلفتت عليا انا وريهام كانت مقعمزه جنبي خالد بيجي بعد سبوعين وبندوروله عروس وانتو عارفين السبر عيلتنا
كلنا يوصله ربي سالم
نعيمه؛ ونحنى قده السبر أن شاء الله
مرت عمي مبروكه؛ بإذن الله انكونو قده والي فيه الخير يجيبه ربي
ع خديجه؛ أن شاءلله المهم نا عطيتكم علم
حنى؛ انا حاطه عيني ع وحده وان شاء الله حنجوزها له
كلهم؛ إن شاء الله
همست ريهام عشان نرقو فوق وصبيت انا وياها ورقيت لي داري
ع خديجه؛ ضحكت تحشمن ههه
°°°°°°°
رقيت انا وريهام وكنت معصبه لأنه مش مقتنعه بسبرهم بكل
انا؛ انتي عارفه اني انا منحبش سبرهم ومقتنعه بالزواج عن حب اف ياربي اف
ريهام؛ بس انا عكسك تماماً انا مقتنعه بالزواج التقليدي ولو خالد ختارني انا راح أوافق بدون تردد
انا؛ خلاص معناها هكي نتفقو انتي تاخذي خالد تمام
ريهام؛ بس القرار مش ليا ولا لك لي خالد
انا؛ اف ياربي ان شاءلله ميختارنيش انا
ريهام؛ أن شاء الله يختارني نا 😂
انا؛ إن شاء الله 😂😂
مر اليوم عادي تعشينا وروحو المتجاوزين الا ابتهال وراجلها وقعدنا نحنى الشباب "يعني انا وأمل وابتسام وريهام وسهام وفدوى وسناء وريم وهيمو ورمزي ورامز وسند وعبدالمعز ومعتصم ومؤايد"
كنا كلنا مكسدين في الجنان ونهدرزو قصدي كل اثنين يهدرزو مع بعض. قعدت نا وريهام وفدوى ووسناء وعبدالمعزورامز
انا؛ شن رايكم نحضرو فيلم
ريهام؛ فيلم رومنسي 😍
عبدالمعز؛ لا فلم رعب 😈
فدوى؛ انا بنرقد معاش نقدر نقاوم 😴
سناء؛ تثاوب حتى نا شيليني معاك
ناضت فدوى وسناء ورقدن وناض وراهن رامز
رامز؛ بكرا الصبح بكري عندي رحله كشافه تصبحو ع خير
ومشا وقعدت نا وريهام وعبدالمعز
عبدالمعز؛ نحضرو نحنى معناها ولا في حد يبي يرقد
انا وريهام؛ لا مصحصحات ☺️
"طبعا انا كنت عارفه انه عبدالمعز
معجب بي ريهام من نظراته وحركاته بس هيا مش حاسه" خشينا لي الصاله وتعركنه ع الفيلم وقدر علينا عبدالمعز وحط فيلم رعب 😈
جبنا بطاطين وتغطينا كنت انا مقعمزه جنب ريهام وهي في النص بيني وبين عبدالمعز شوي ونضت
انا؛ نمشي نجيب شقاشق ونجي
ريهام عبدالمعز؛ تمام
نضت لي الكوجينه حطيت سمينسه وبرنقز وعصير ومكسرات وشكولاطه
®®®®®
عند ريهام وعبدالمعز
.
.
.
.
كانو يتفرجو وريهام كانت خايفه وعبدالمعز شوي شوي ويشوف فيها و...... 😠
ايش تتوقعو يصير في البارت الثالث
وايش رايكم في الروايه بكل صراحه
متنسوش التفاعل
للكاتبه؛ ﴿♬ MØømä Hë ❤♩℡┊❥..
