بسم الله الرحمن الرحيم
حبيت اعرفكم شوية عن القصة دي من ورا الكواليس يمكن😂 مش عارفة ممكن اسميها ايه بس القصة دي احتاجت وقت كتير اوي لحد ما تطلع كدة
اولا احب اعرفكم بنفسي ككاتبة الرواية *بعمل نفسي حد مهم*
اسمي نهر، من مصر و عندي 17 سنة
فكرة اني اعمل القصة دي كان حرفيا هزار بيني و بين صحابي اني عايزة اشوف جين في دور دكتور في اي دراما!
و حققت دة بالنسبة لنفسي من خلال القصة دي
صحابي هم الدافع الاساسي اني انزل حاجة زي كدة خاصة اني اول مرة اكتب قصة في حياتي!
قالولي انها حلوة، فكرتها حلوة و جديدة، علي الرغم من اني حرفيا مكنتش حاسة بكدة!
كل يوم كنت بتردد اني اكملها والله!
كان كل تفكيري، مين هيقراها؟ هل حد هيهتم اصلا؟!
في قصص علي الواتباد احلي من بتاعتي بكتير ازاي افكر اني ممكن اجيب حتي الف قراءة
و يشاء القدر انه يديني بالالم علي وشي و يقولي فوقي انت فعلا وصلتي لالف قراءة و اكتر!!!
اليوم دة انا كنت هموت من السعادة و يمكن معرفش اوصف انا ازاي لسة ممتنة لكل شخص بيقرا القصة ووصلها لعدد القراءات دي حتي لو مش بيعمل ولا تعليق!!
احب بس اقولكم اني فعلا فعلا مش ببالغ، بحب كل شخص فيكم انكم علي الاقل ادتوني ثقة ولو 1٪ في كتابتي اللي لسة محتاجة تبقي احسن! و ان شاء الله تبقي احسن بإنتقادتكم البناءة!!
لازم برضو نذكر ان القصة خدت الوقت الطويل دة بسبب اني غبية و ابتديتها وانا داخلة علي ثانوية😂 يعني امتحانات وضغط كل يوم فكنت بحاول انزل اول بأول رغم قلة الوقت و رغم ان الافكار كلها مكنتش عايزة تخرج من دماغي بسبب الدراسة
فاحب اعتذرلكم علي تحديثاتي كل قرن و قرن و اشكركم علي صبركم معايا!💜
ندخل في المهم!
سبب اني اكتب الجزء دة هو اني اعرفكم اني عاملة نهايتين!
ايوة نهايتين...
نهاية سعيدة و نهاية حزينة😂💁🏻♀️
انا كنهر عندي حب لا متناهي للنهايات الحزينة و القاهرة دي😂
بحس بجد بكل اللي الابطال ممكن يحسوه و بتعاطف معاهم و بيفضل قلبي متعلق بكل لحظة في القصة بسبب النهاية الحزينة دي مش اكتر!
و يمكن القصص الي قريتها بنهاية حزينة هي اللي فعلا علقت في دماغي و مقدرش انساها، اكتر من اللي بنهاية سعيدة!
بس...
مقدرش اجبر الناس تحب النهايات الحزينة زيي😂
خاصة اني عارفة ان نص القصة دة لو مكنش كلها كانت حزينة
فعملت نهاية سعيدة برضو ارضاء للجميع!
مقدرش اقول اني مش متحيزة للنهاية الحزينة اكتر😂
بس حاولت في الاتنين اخرج احسن ما عندي!
دي النهاية برضو مش اي حاجة💁🏻♀️
فتلخيصا لكلامي دة.. اللي مش بيحب النهايات الحزينة يقف عند الشابتر اللي انا كاتبة عليه Happy ending
و اللي بيحبها زيي ينضم ليا و يقرا الشابتر اللي مكتوب جنبيه Sad ending
و اللي هيقرا الاتنين يبقي كتر الف خيره😂😂
المهم عندي ان كل اللي بيقرا يبقي راضي عن النهاية جدا!
*باجي من وراكم و بقول بهمس "لازم تقروا النهاية الحزينة برضو" 🤭*
مش قادرة استوعب ان دي نهاية قصتنا!
نهاية كتابة اكتر من نص سنة، بين تردد، و نسيان الاحداث و الافكار و بين خوف من ان القصة متجبش اي اعجاب زي ما كنت عايزة
وبفضلكم بعد فضل الله القصة وصلت اكثر من 8000 قراءة و دة اكتر بكتير من ما كنت احلم بيه!!😭
ومع نهاية قصتنا
احب اعرف منكم ايه اكتر شابتر حبتوه؟
*بالنسبة ليا كان الشابتر اللي ميكيلا كانت بتجرح رجليها و اديها فيه*
احب اعرف برضو كنتوا بتفضلوا ميكيلا مع هوسوك ولا مع جين
*بالنسبة ليا كنت بفضلها مع هوسوك في الاول الصراحة😂 بعدين غيرت رأيي*
اي تعليقات او اي انتقادات هتقبلها بصدر رحب حتي لو قلتولي امسح الرواية دي كلها، هتقبلها و هسألكم ليه و هنتناقش مع بعض!
اي مشكلة قابلتكم خلال القصة؟ جزء مش مفهوم او كلام مش مفهوم، اخطاء املائية لفتت نظركم و دايقتكم؟
اي حاجة اي حاجة!!😂
وبس كدة!
شكرا ليكم تاني و تالت و عاشر علي كل الدعم اللي وصلتهولي حتي لو مش بتعملوا فوت او تعليق!
شكرا لكل حد لسة بيقرا قصتي و اتمني انها تكون او كانت عند حسن ظنكم
و اخيرا و ليس اخرا اتمني ان النهاية تخليكم فعلا متنسوش قصتي، وانها تكون موجودة في مكتبة قراءتكم علي الواتباد علي طول!💜💜
بحبكم💜💜
أنت تقرأ
My Momentous Doctor // KSJ *COMPLETED*
Fanfiction"هل انت مستمتعة بكونك مشلولة؟!" "ان كنت طبيبا فاشلا و لم استطع مداواته، يمكنك تركي و سيصبح لك الحق تماما بالا تريني مرة اخري، لكن ان فعلت و تمكنت من اصلاح ما افسدته، عديني ان تبقي معي باقي حياتي، وبمقابل ذلك اعدك بان تكوني ملكة عالمي.. " Started: 28...
