قدري

قدري $ البارت الثاني عشر

قدري $ البارت الثاني عشر

في صباح اليوم التالي تجلس هي وشقيقتها الصغري  في حديقة القصر كانت ياسمين شاردة في معشوقها فهي لا تعلم عنه شئ منذ امس وهاتفته اكثر من مرة ولكن هاتفه مغلق قطع شرودها صوت يارا وهي تهتف ب :- ياسمين ........ياسمين
ياسمين بشرود:-ايه فيه ايه
يارا:- مالك كده بكلمك بقالي كتير مش بتردي ليه
ياسمين:- كنتي بتقولي ايه يا يارا
يارا:-بقولك جيسي في المستشفي ايه رايك نروح نزورها
ياسمين:- طيب هقوم اغير هدومي واجي معاكي
يارا:- طيب بس بسرعة بقااا
ياسمين:-طيب

يجلس بجوارها في المشفي يناولها الطعام بيديه
جيسي:-كفاية كده يا عاصم مش قادرة والله
عاصم:-لا كفاية ايه انتي لازم تتغذي كويس يا حبيبتي
جيسي:-طيب كفاية دي اخر واحدة حقيقي مش قادرة
عاصم:-امري لله خلاص يا ستي
جيسي:- هو انا هخرج من هنا امته انا زهقت
عاصم وهو يمسك يدها ويقبلها :- هتخرجي النهاردة يا حبيبتي بليل علشان انتي وحشتيني اوي
جيسي واحتضنته حينئذ :- وانت كمان وحشتني اوي يا حبيبي ......عاصم حبيبي
عاصم:- ايه يا حبيبتي
جيسي وهي تنظر له :- هوا انت فعلا كنت بتعيط لما انا كنت في غرفة العمليات
عاصم وامسك وجهها بكفيه:- ان مكنتش هبكي عليكي انتي وازعل عليكي هزعل علي مين انا بحبك اوي يا جيسي
جيسي بدموع:- وانا كمان بحبك
عاصم:- لا يا حبيبتي انا مش بحب اشوف دموعك تنزل من عيونك ابدا
جيسي:- بحبك اوي يا عاصم

جناين واسعة خضراء في منطقة ريفية يجلس علي اريكة خشبية وهو ممسك بهاتفه ويتفقد صورهما معا ابتسم بخفة علي مظهرها الطفولي وهي تحتضنه وتاكل المانجة قطع شروده صوت "راضي" عامل المزرعة حينما هتف ب :- زين بيه الاكل جاهز تحب اجبهولك هنا
زين:- لا يا عم راضي انا مليش نفس اكل دلوقتي
راضي وهو يضع يده علي كتف زين:- مالك يا ابني انت فيك حاجة مزعلاك
زين:- لا يا عم راضي مفيش حاجة
جلس راضي بجانبه ثم ربت علي كتفه بهدوء وهتف ب :- لا فيه يعني هتخبي علي عمك راضي برضوا يا ابني دانا اللي مربيك يا زين
نظر له زين وعيناه مملؤة بالدموع وسرعان ما ارتمي زين باحضان راضي وبكي بحرارة شديدة
راضي:-احكيلي يا ابني مالك شكلك شايل في قلبك كتير اوي
هدأ زين من روعه وقص ل راضي جميع ما حدث
راضي:- هوا دا اللي مزعلك يا ابني
زين:- مش مزعلني وبس دا قهرني اوي يا عم راضي انا مخنوق اوي سبتها ومقدرتش اوجهها لاني مش قادر خايف تطلع مظلومة ابقي جرحتها وخايف تطلع الصور حقيقة وتكون ياسمين فعلا بتخوني لا بس هي بتحبني يبقي ازاي كده
راضي بابتسامة:- اهدي يا ابني كده دي مراتك برضوا وياسمين انا حاسس انها مظلومة واكيد حد بيحقد عليكم حابب يوقع ما بينكم لازم تواجه مراتك يا ابني علشان ترتاح من اللي انت فيه دا
زين:-مش قادر اوجها يا عم راضي انا حاسس اني ممكن اتهور واضربها او اجرحها باي كلمة سعتها هي عمرها ما هتنسهالي وكمان دي حامل في ابني
راضي:- لازم تواجها يا زين لازم قوم دلوقتي كل واهدي كده شوية وبعدين روح لمراتك وكلمها وافهم فيه ايه
زين:- لا انا هفضل هنا يومين تلاتة كده انا مش قادر اوجها دلوقتي باي حاجة
راضي:-طب قوم يا ابني واللي فيه الخير يقدمه ربنا .