فقط اردت اهتمام

بارت ١٩

الكاتبة زيليش

اصفن 😯ع الوكت⌚خلصته بس هموم😴
واباوع 👀ع الزمن⌛وشلون جازاني👋
اثاري بهل الوكت👇 ماينفع الطيب😔
والطيب يضل👈كل عمره وحداني 🚶
واليمشي🚶عدل ع النيه ويه الناس 👬
يضل✋طول العمر مجروح ويعاني💔

..............
(توضيح بنات تره يسر مواليد٢٠٠٠ يعني هي ٢٠١٤ لازم ثاني متوسط )
مرة كم يوم واحنه عايشين يمهم نسوانه همنة شلون ناس معدلة واهل كرم حتراوا شيطون للنازحين وناس الي ماحصلت مكان اخذوهم بسيارتهم وخذوهم لكريبهم بغير مناطق ابد مانسه وكفتهم والاحلى من كلشي كربلاء والنجف قريبات علينه كمنه كل فترة نروح نزور صح كلوبنه يم اخواني وبكل دقيقه متوقعين تجينه اجنازة لان الوضع كلش أيسنه منه

داعش جان مبين عنده ضهر قوي لان ماكو هيج قوة وهجوم وسلاح مينين عدهم ذخيرة ومخطط للسقوط العراق من زمان مو بيوم وليله

مرت سنه على الاحداث بسنه ٢٠١٥ اجه اخوية سامر شهر وراح بس رجع لنه رشا وبرة شهر وراحوا لان من رايحين مابشرين بالاقامه حتى يكدرون يسحبونا اذا دهورت احوال العراق اجتي يمنه رشا شهر واخوية ذبها وراح لان احد الضباط جان وياهم كله ترة داعش مسوين تهديد بمجموعه اسامي كبار جيش واني وانته واحد من المهددين بالقتل

امي من سمعت هيج وابوية كامو يلطمون وابوية حجزلة تذكرة واخذه بيده للمطار وكله اني ارجعلك رشا

رشا مراحت وياها لان تريد تسوي الجوازات جهالها حتى تاخذهم وماكدرت تروح وياه لان مامكملين اي شي بقت يمنه بس ماكدرت كلما تروح يكلولها انتوا نفوسكم واقامتكم بالموصل هناك لازم بس واحد من شيوخ كربلاء دخل بيها وكلهم حلوها لازم اكو حل خطيه وين يكدرون يروحون للموصل وهي خطرة بقه شيخ يحاول وياهم منا لحد ماقبلوا وجراءت طولت كل يوم رايح وراجعه هي وابوية
طلعت روحنه من جهال وكحين وحمودي كل عيطه تهز البيت هز ومسلوعين (ضعيف) من كد الحركة

فديوم جنه كاعدين بغرفتنه العصرية امي راحت ساعد نسوان بالخبز لان يخبزن ويسون اكل للحشد شعبي والجيش يودونةالهم من خلال شباب وحندتى مرات اخوية صغير يروح وياهم

بيومها احنه جنه البنات كاندات بالغرفة ورشا برة كاعده بالهول صار الها وجهالها

سمعت الباب ندك

سناء. كومي يسر شوغي منو بالباب

يسر. لا بله وليش اني شمعنه

سناء. اصغرنة خادمنه

يسر. استغفرالله بتليت طلعت بالاخير اني احس نفسي مثل حكاكه تمن بس وكت جوعتكم تجون تاكلوه بس والله اذا شبعانين كبل انذب بزبالة

مريم. هههه خوش تنطين مواعظ ولج كومي

كمت واني اتأفاف هف هفففف هففففف
(زيليش.بنات ماوصللكم هواء اني وصلي )