لحدي ما طلعت استاذة نور من المكتب جوه ، كنت بتفرج على فيديوهات توم و جيري😂😂 و انا شكلي عندي سنين كتيرة فايته علي 😂😂 معمر قدمها لباب العيادة و عاين لي بطرف عينو الكحيله😭 قال لي بتحضري في شنو ؟ قلت ليهو بحضر في اطفال بس ما تضحك عليك الله ، قام ابتسم و قبل وشو قلت ليهو معمر؟؟ قام ضحك😂 قلت ليهو مش حلفتك قبل شوية؟😒 قال لي يعني انتي نااايمه من بدررري شكلك 😂😂 لا شكلو كده لازم نبدا العلاج من مراحل متأخررة ورا😂😂 قلت ليهو معمر احسن ليك ، والله اقوم هسي ازعل .. قال لي تفطري شنو؟ قلت ليهو والله الليله نفسي مفتوووووحه قال لي هي بقت مفتوحه ليها كم يوم😂😂 لمن زدتي قلت ليهو يعني انا بخجل ياخ ما تقول قدامي كده ، قبلت وشي منو على الجهه الشمال قال لي ازددتي و زدتي حلا 💓 هنا بالجد اتبسمت بسمة خجل شدييد ، قال لي تفطري شنو ؟ قلت ليهو اي حاجه ، قال لي انا مافارق معاي قولي انتي ، قلت ليهو حنفطر هنا جوه؟ قال لي وهو بعاين للساعه ايوة ماعندي طريقه اطلع والله لانو في مريضه مواعيدها الساعه ١٢ ضهر قلت ليهو بس خلاص مدام بنفطر هنا ، نجيب بوش ظااابط😍 جنبكم محل مبااالغه المرة الفاتت شميت ريحت الفول و هو سخن ياخي قربت ابكي ، و انا بحكي ليهو بتشويق و هو مركز معاي عايز يضحك فيني قال لي طيب ارح نطلع نجيبو و نجي .. على حيلو و قال لي ناس الاستقبال ، يا شباب تفطروا بوش؟ قالوا ليهو يادكتور شكرا بنجيب سندوتشات من هنا ، قال ليهم بوش رهيب قالوا ، قمت ضحكت 😂 قالوا ليهو طيب يادكتور و كورك لي محمد ناداهو يجيب لي مفتاح العربيه ، قال لي ارح .. ركبنا سوا في العربيه و دورناها .. كنت مبسوطه للدرجه الخالاني احس بنفسي اسعد وحده ، وصلت التلفون و شغلت غنية اليسا عايشة حالة حب💓 بعد دقيقه انتبهت انو انا بفضح في روحي كده علنا والله😂 قفلتها سريع سريع ، قال لي قفلتي الغنية مالك يا سندس؟ قلت ليهو ساي بس عشان وصلنا المحل .. نزلنا و دخلنا جوه طلبنا البوش وريناهم البنفع معانا شنو فيهو ، المحل كان زحمه والطلبات كتيييرة رجعنا للعربيه شغل المكيف و قعدنا فيها ، قال لي ظاهر انو مكان ظابط و الا ما كان الناس بكونوا مزدحمين كده ، قلت ليهو اي والله كلمتك انو مكان حلو شديييد قال لي اها احكي؟ قلت ليهو شنو؟ قال لي قفلتي الغنية مالك؟ قلت ليهو ساي والله ، قال لي نحنا مش طلعنا من العيادة ، نتعامل بي اننا اصحاب بس انتي مفروض تردي على صاحبك السألك ده ! قلت ليهو معمر والله ساااي😂😂 قال لي ما ساي والله ، قلت ليهو اجي؟ انت قاعد في مخي ؟ قال لي طبعا قااعد و عاارف بتفكري في شنو قلت ليهو والله؟ كمان واثق من كلامك ؟ قال لي بي ابتسامة ثقه طبعا 🙂قلت ليهو اها بفكر في شنو؟ وريني عليك الله عشان اقتنع بيك .. قال لي طيب مسافة يجببو لينا البوش انا ح احكي ليك قصه عشان تعرفي اني بقرا افكارك قلت ليهو اها قول ؟؟ قال لي في بنتين حلوات شديييد و جميلات لأبعد حد ، وحده كانت محجبة ومخطوبة لواحد وسيم و حلات الدنيا عليهو و التانيه لا .. قامت البت البتطلع شعرها حست بالغيرة من التانيه المحجبه ، قامت اتحجبت برضو زيها .. و بقت حلوة و احلا منها زاتو ، قلت ليهو اها؟😒😒 قال لي بقوا الاتنين نفس الاستايل بس البخطب ديك منو ؟؟ قلت ليهو قصدك اني غرت من غفران عشان انا بايرة؟؟ قام ضحك و قال لي انا بحكي في قصه الجاب سيرتك و سيرة غفران منو، قمتا صريت وشي و اتضايقت فعلا .. و قبلت على شباك العربية خليتو يتم قصتو لنفسو .. قال لي البت الما مخطوبة حسدت المخطوبة على خطيبها السمح .. في جواي قلت ليهو شايف روحك شديد😒 قال لي المشكله انو البت الغارت دي ما عارفه انو في بطل تاني في القصه ، قمت قبل عليهو و رفعتا حاجبي .. هز لي راسو ايوة في بطل تاني في القصه و هو خطيب البت المحجبه الامورة 💓 قلت ليهو كيف يعني؟ انت ما خاطب غفران ؟ قال لي و خطيب البت المحجبه التانيه قااااعد كل يوم بسأل عنها .. قمتا قلت ليهو منو؟ قام ضحك و قال لي انتي هسي ماقبلتي وشك ما دايرة تسمعي ؟ قلت ليهو خطيبها منو البت التانيه؟ جا الولد دق القزاز قال ليهو طلبكم خلص فتح ليهو الباب و قال ليهو شكرا ليك ختيت الشطه بره صح ؟ قال ليهو اي قال ليهو شكلو مسسسخن 😍 قتل ليهو ايوة يا حبيب و ده البيبسي بتاعكم قال ليهو طيب تمام تسلم كتير .. قفل الباب وركب عشان يسوق لقاني لسه خاته يدي بسأل فيهو منو يامعمر؟ قام ضحك قال لي لاحولاا ولاقوة الا بالله انتي لسه معلقه مع القصه😂😂 كنت بهظر ياخ ، صريت وشي بضيق لانو بلعب بي و قبلت منو لحدي ماوصلنا العيادة و دخلنا ادينا ناس للاستقبال طلب بي باردهم العائلي و نحنا دخلنا مكتب معمر بي طلب و بي بيبسي اتنين بااارد 💓 دخلنا غسلنا يدينا و قعدنا في الارض اتربعنا ، البوش في نصنا و اي زول جنبو قزازة البارد حقتو .. قبل ما نبدا ناكل قال لي انا ما خاطب غفران ، غفران صحبتي بس و اخت صديقي يعني زي اختي تماما .. قلت ليهو انا كنت قايلاك خاطبها لاني سمعت ناس الاستقبال بعلقوا عليكم ، قال لي هم ماعارفين انها مخطوبة لانها بتلبس الدبله مرة مرة .. قلت ليهو ايواا ، بالمناسبه انا ما بغير منها قام ضحك😂 قلت ليهو مابغير والله قلت ليك 😤 قال لي سندس اكلي ، قلت ليهو تم لي خطيب البت المحجبة التانيه منو؟؟ قال لي دكتورها ياسندس ارتحتي؟ هنا انا خرستا تماما من الخجل ، بقيت متحنه فيهو ، قال لي و هو مبتسم انتي ماغرتي منها انتي غرتي علي منها ، اتبسمت زي العويرة و نزلت راسي اكلت بي ادب😂 ساكتين لحدي ما كملنا البوش و البيبسي ، قمنا غسلنا يدينا و جينا قعدنا في الارض اتكلنا على الحيطه ، قال لي سندس عايز اشوف الدفتر وينو؟ طلعتو مديتو ليهو من الشنطه و فتحو قرا الكلام بتاعي الكاتباهو عنو، سألني الكلام ده لمنو😋 قلت ليهو لخطيب البت المحجبه😂😂 قال لي و هو بضحك ، عارفه ليه انا بريدك؟ نزلت رساي من الخجل و رديت ليهو ماعارفه ، اول مره اعيش احساس خجل بالطريقه دي قال لي عشان انتي بريييئة شديييد و نضيفه من جوه .. ابتسمت و انا ساكته قال لي و بحب عيونك و رموشك الطويله و شعرك الطويل و وشك المافيهو جضوم ده💓 و يدينك لمن تضفريها و غيرتك الحلوووة دي .. و هدوئك الطوالي ده 💓 و من الليله ح احب كتاباتك البتكتبيها 💓 و محظوظ انا لو كنت الزول البكتبو عنو و اكتر حظ لو كنت ملازم قلمك طوالي💓 عارفه انو الكتاب ديل حاجه عظييمه في الدنيا ، الكتاب عبارة عن زول بعبر عن ناس غيرو و دي حاجه عظيمه جدا .. عارفه انو الكتابه بتخفف عن ناس كتار و هي الملاذ لناس كتار و بتعالج و بتشيل هم ناس كتار ، و عارفه لمن الكتابه و الكاتبه يكونوا الاتنين جميلييين كده بحصل للقاريء شنو ؟ قمت ضحكت و قلت ليهو شنو ؟😂😂 قال لي بتخلي القاريء يتمنى قربه منو الكاتبة اكتر .. قلت ليهو كيف يعني اكتر ؟ قال لي يعني ما يفارقها يوم ابداً ، قمت قبلت عليهو وقلت ليهو هوي يامعمر اسمع هنا كلام الدكاترة والفلسفه دي ما بتنجح معاي اذا بتحبني زي ما انا بحبك كده و من اول يوم مكسرة فيك قولي لي وخلاص ريحني ما تشبكني خطيب البت المحجبه و تمرق روحي وتشحتفني😂😂 ياخ اي انا بحبك شديييييد كمان دي لادايرة ليها لف ولا دوران ولا درس عصر ، اي غرت عليك و ح اغير عليك كده لمن اموت لاني بحبك .. كان صااني بعاين لي لمن وقفت من الكلام ضحك وقال لي مجنووونه جن😂😂 رجعت للحيطه اتكلت و انا مرخمه من البوش و بضحك معاهو ، قال لي سندس انا عايز اخطبك ، وقفتا على حيلي و قلت ليهو لا دقيقه، انت الليله مالك .. ماقادرة اصدق😲 عايز تعرسني انا ؟ معمر انت جادي معاي ؟ يعني انا و انت نعرس ؟ كان بضحك في حركاتي وبقول لي يتبت اترزعي في الواطه دي😂😂 اي داير اعرسك موافقه؟ قلت ليهو معمر؟ براحه براحه عيد لي الكلام تاني؟ جراني من يدي .. قعدني في الارض و قال لي اي يابت الناس الإسمك سندس انا برييييدك و عايز اعرسك و تكوني حقتي براااي، و كتاباتك كلها تكون حقتي و عني💓 موافقه انو حبك ده يكون حقي انا بس؟ تكوني لي براي؟؟ قلت ليهو معمر ماقادرة اصدق ، براحه براحه علي .. ضحك تاني و قال لي ربنا يخليك لي💓 احمد قطع لي اللحظات الجميله دي بتلفون منو ، قال لي قربت على الجامعه .. طوالي قفلت الخط وقلت لمعمر احمد جاييني نسيتو والله و قمتا اتكبكب و البس في الاسبورت و الشنطه كان بعاين لي بإبتسامه ملياااانه ريدة .. لحدي ما ودعتو و سريع طلعت منو ، ركبت الحافله من وراي معمر شال تلفونو و اتصل لأحمد سلم عليهو و قال ليهو ، اخدت راي اختك زي ما قلتي لي ، احمد قال ليهو و هي رايها شنو ست البنات؟ قال ليهو موافقه💓 بعد ده لازم اسمع القرار منك انت ابوها و اخوها و اي شيء في دنيتها .. قال ليهو و انا ح القى عريس يصوم اختي ويحافظ عليها اكتر منك ! ده غير انها بتريدك ريدة قدر دي؟ طبعا موافق يادكتور و لا كمان لي الشرف اناسب دكتور بقدرو زيك كده . اتفضلوا عندنا يوم الجمعه بعد المغرب انت و الحجة بإذن الله 💓 قال ليهو بإذن الله منتظر منك تكلم اهلك و احمد رجاء لحدي ما اصل البيت سندس ما تكون عارفه بي علاقتنا انا و انت ، ياريت لحدي ما الخطوبة تتم حتى انا اشرح ليها التفاصيل طيب؟ قال ليهو طبعا يادكتور انا مستحيل اجيب ليهل سيرة اني بعرفك ، انت كلمها انك جاي البيت و هي ما حتخاف لانو الطريق رسمي و واضح .. حتورينا براها تمام ، قفل من احمد و بعدها اتصل على امو ، سلم عليها و سألها امي الخطوبة بتلزم شنو؟ ضحكت و قالت ليهو العروس وافقت تجي البيت؟ قال ليها شبه كده .. اها اسوقك المساء السوق نقضي حاجاتنا؟ قالت ليهو اي طيب ياولدي اساسا هي حاجات بسيطه للتعارف ما بتاخد مننا وقت ، و قبل ما تقفل الخط قالت ليهو والله البت دي اهلها راضيين عنها وعافيين 💓 ربنا ادها ولدي الهدي و الرضي دايرة من الدنيا شنو تاني! قال ليها يا امي لمن تشوفيها حتعرفي انو بسببك رضاكي علي و دعواتك لي ربنا اداني ليها 💓 قالت ليهو والله نفسي اشوفها عشان اعرف انت بتريدها كده لشنو ، هي عارفه انك كل يوم بتجي تحكي لي عنها و عن هي عملت شنو ؟ عارفه انك ما بتفك سيرتها لامك لحدي ما تنوم ؟ قال ليها والله يا امي بريدها بريييدها شديييد وماعارف السبب انا زاتي 💓
#تابعووني💓
اسفه على الجرجره اساسا قربنا لنهايه القصه 💓
