خلايا الحب

16

قالو لي الاتنين بصوت واحد
مش انتي ريااان !!! 😳 طبعا انا الخطر في بالي حاجه واحدة بس ، ان نازك بتكون هضربت بأسمي ماليها فهم غير كداا ،، قلت ليهم ايوة انااا ، البنات فرحوو
قالو لي انحنا حبياناكي والله و محتفظة بصور ليكي 😳 عاينت ليها و نسيت اصلاا ان ممكن يكونو شافو صوري بتاعت الاعلانات ولا عارفه انها نزلت ، و عاطف جمبي و انا استوعبت قصدهم متاخر ، قلت ليهم شكلكم ملخبطين و جري نزلت تحت ،
وبقيت بفتش و للاسف في تالت غرفه ف الصف لقيتا مجدوعه زي الدلقان م معروفه حيه ولا ميته ولا فيها شنوو ، بس وقفت جمب الباب وقعدت ابكي شدييييد لمن روحي دي دايرة تمرق وبقيت بكورك ، انتوو مستحيل تكونو بشر كلاب لهب احسن منكم انتو طينتكم شنو ، مخلوقين من شنو انتو لا يمكن ما تكون عندكم ذرة رحمة ولا شفقه ياخ انحنا بشر ربنا وقفنا لبعض ما ممكن تكون مستشفي فوق ما هي زباله تكون بالمستوي داااا ،، وبكورك باعلا حسي للحظة لقيت المستشفي دي اتلمت فيني ، بس جو ممرضات و ومرضين و دكتورين ، انا من شفتهم ما روقتا بالعكس شيطاني مرق زياده لان هما سبب الحاله دي ،،
واحد من الدكاترة شكلو شاب الاتنين في اواخر العشرينات تقريباً ، واحد فيهم قالي علي فكرة دي مستشفي و البتعملي فيهو دا غلط ، قلت ليهو ما هي للاسف الشديد انها زززفت مستشفي دي المغسه هناا انها مستشفي يا دكتور ، تقدر تشرح لي دا العلموكم ليهو في مهنه الطب انك ما تعالج مريض عشان ما عندو قروش هاااا ، وريني صحبتي مجدوعه هديك ليها في عنبر عادي و هي في امس الحاجه لعلاجات مكثفه ابسطا غرفة نضيفه ، لمن تموت بتقولو قضاء و قدر صح ؟ ما بتشيلو نفسكم الذنب لانو اساساً اي مريض هو مريض عندك كاش تتعالج ما عندك تموووت لمن تدود مش كداا يااخ تفي علي دي مستشفي و تفي عليكم و علي العلموكم ان الطب قروووش ، حسبي الله ونعم الوكيل ، لكن وديييني و ايماني نازك لو حصلت ليها حاجه انا حعمل المستحيل ان اوديكم ورا الشمس ، و مكانك حتلقي في كرسي في القهوة .. طبعا مبحلقين عيونهم و مستغربين فيني ، رد لي الدكتور التاني ، و رغم الظروف الانا فيها الا اني مستحيل ما كنت حلاحظ انه شاب في منتهي الوسامة و الوجاهه ، بس شايفاهو شيطان ما عندو رحمة ما رأف بي بني آدمة ، قال لي ممكن تروقي ؟
قلت ليهو لا والله ما بقدر كل البعرفو اني محتاجه ورقه الخروج للمريضه دي و حالتا بدقة لاني ححولا لمستشفي خاص ، مستشفي هاا ركز ما اوتيل خمس نجوم تدفع و تقعد ، قال لي يا آنسة الكلام والتفاهم ما بالطريقه دي ، قلت ليهو مافي طريقه غير دي اقدر اتبعا معاكم لانو انتو وصلتوني الحد ، بالجد م كنته متخيله في حاجه زي دي في السودان ، وووين سماتنا الحلوة وين ترابطنا وين مساعداتنا وين الحاجات دي كلها ما اقول الا حسبي الله و نعم الوكيل فيكم ، حسبي الله .. قال لي انا نا حكتب خروج الا
تصليني المكتب و اقدر اشرح ليكي ، قلت ليهو اتفضل ، مشا قدامي ومشيت وراهو سلالم زي السم لمن ركبي ديل ماتو ، فتح مكتبو دخل و دخلت وراهو .. (بقلم/سحر سمير ) .. قعدت ، وهو قعد في مكتبو ، قال لي اذكري الله ، قلت ليهو لا اله الا الله .. قال لي صحبتك ولا قريبتك دي ليها اسبوع في المستشفي ، اول ما جابوها بالاسعاف انا كنت اجازة اليوم دا ،
و انا بمر علي الغرف ، لقيت و سالت زميل لي شرح لي حالتا ، اولا صحبتي دي كانت حامل ،انا هناااا مطرة وصبت فيني ،
من غير ما احس قلت ليهو انت مجنون !
قال لي عاذر ردت فعلك و ما حأدقق في كلامك ، و الشي التاني محاولة انتحار و قبلها مضروبه صرب بشع ، ودا عمل ليها نزيف في المخ ، و الشي الوحيد القدرنا نعملو نوقف النزيف لانها سقطت ، و دي مستشفي خاص و اي مستشفي ليهو قوانينه الخاصه ،
و المريضه دي من جات بالاسعاف اهلها ظهرو وفجاه اختفو و المستشفي ما بتقدر تتحمل تكاليف ، وبعدها جا واحد لقيتو قدام الغرفه لمن سالتو عن المريضه ، وانو محتاجين تكاليف ، قالي انها يتيمة و دي زميلتي في الجامعة و ما بقدر اساعده البتقدرو تعملو اعملو والما بتقدرو خلو، و كن محتاجين بينات ومعلومات و مافي زول ادانا ليها ، يبقي ما تلومينا المستشفي ما مجبورة تتحمل حالات زي دي ، كلهم يغلطو و يوم تحصل ليهم مصيبه انحنا النتكلف ، كان دا فهمك ف فهمك غلط ، اسي املي لينا الاستمارة و انك تتحملي مسؤليه المريضه انا بعالجا علي حسابي الخاص ... طبعا كتمتت حقول شنو ؟ كلامو صح ،، قال لي حتي لو حولتيها من المستسفي دي مافي مستشفي حتتحمل مسؤليتا ، وصعب عليها و عليكي ،، قمت علي حيلي قلت ليهو وين الاستمارة المفروض املاها ؟ قال لي انتي حتتحمليها ؟
قلت ليهو بأذن الله ، الناس للناس والكل لرب العالمين ، قال لي لحظة ، طلع برا و جا شايل ملف نازك ، مليت استمارة الدخول و المعلومات كلها و انها علي مسؤليتي .. الدكتور مستغرب فيني شديد بعاين فيني بتعجب ، وانا بقرا في الاوراق وبكتب ملاحظة انو بعاين فيني ، قلت ليهو لو سمحت انا ما بحب زول يعاين فيني بالطريقه دي ، قال لي سبحان من خلقك ، قلت ليهو وسبحان من عملك دكتور وما قادر تحترم نفسك ، قام وقف علي حيلو قال لي انتي مالك من جيتي متنرفزة و نتعصبه ، قلت ليهو م مجال اختصاصك ، ادفع وين ؟ قال لي براا قلت ليهو فضلاا تدخل العنايه اسي و كل المحتاجه ليهو اعملوه ، ولو في علاجات من برا اكتب لي الروشته انا بجيبهم اسي وبجي ، بس بعاين فيني ،
قلت ليهو سمعتني ؟ قال لي ايوة ، ممكن نصرف العلاجات من المستشفي و الحساب كله يتدفع ، قلت ليهو التشوفو بس بتمني تعمل قدرة الله الخاتاها فيكك و امون شاكرة ليك ، و طلعت برااا ، بفتش في عاطف ما لقيتو ،، طلعت تلفوني اتصلت علي استاذ ادم البشتغل معاهم ، قلت ليهو مش في كم اعلان ف اباسبوع دا طلبتهم مني وانا رفضت بسبب الضغط ، قال لي ايوة ،، قلت ليهو انا جاهزة ليهم و اي اعلان انا جاهزة لاني محتاجه قزوش ، قال لي لو محتاجه بنسلفك م تضغطي روحك ، قلت بيهو لا باخد بتعبي ،
بكرة باذن الله من بعد الضهر بكون معاكم ، قالي عديله .. مشيت محل بدفع حمدلله القروش ابكانت في شنطتي كانت قدر النبلغ المطلوب ف الوقت الخالي والباقي بدفعو بعد يخرجوها كان اتسهلت .. حمدلله دفعت
و نزلت تحت بفتش في عاااطف ،،،
و كانت و المفاجأة هنااااااا ..
شفتا ........

استككانة🏃~

يتبع .... توقعاتكم عشان اتم الباقي