خلايا الحب

18

ف علا يميني كانت نازله من السلم ندااا ، بس المعاها كان منو ؟ اااي ياهو زاتو الدكتور الاتطاولتا عليهوو ، ف سبحان الله ، بالجد سبحان الله ، تلقائياً وقفت علي حيلي و صريت وشي ، ف استبعدت ان تكون في علاقه ولا صلة ، انا عامتاً اي مواقف بيمر بي بواجهه بحسن نيه لحد ما افهم..
وصلوني و فعلا هو ماشي وراها لمن وقفت قصادي وقف جمبها وهي مبتسمة ، وانا صارة ، قالت لي خلاص فكي وشك دا ياااخ
وحات الله يا ريان كان شفتي ضحكتك دي تاني عمرك ما حتصري الصرة دي ' ضربتني في كتفي بهزار' قالت لي اهااا ، الليله حابه اعرفك علي اول فرد من افراد اسرتنا المتواضعه ، انا هنا اتصمغتا و اتاكدت و كل المشاعر الملخبطة والجايطه جواي ، وهو زاتو بعاين لي بتعجب و زي الزول الداير يفهم حاصل شنو ، عاينت ليهو ، قالت ليهو سفيان اعرفك بالزوله الصرعت ليكم راسكم بيهاا ريان الحب علي رغم من اني عرفتها في فترة وجيزة الا انها غاليه علي قلبي شديد ، واعرفك يا ندي دا اخوي سفيان الريد حقي ، م قدرت اتكلم و قام سبقني و هو مادي لي يدو قاليهات اتعرفنا بي بعض مسبقاً ،
بس دا حعتبرو تعارف من اول وجديد و فرصه سعيده ولا تحبي اقوليكي صدفه سعيدة !! بما اني ريان ما بتخلا عن طباعي و طولة لساني والجواي بقولو لو خاتين في رقبتي سيف ، مديت يدي و قلت ليهو هي فعلا صدفه غريبه بس سعيده دي يمكن عشان في وجود نداا ، علي العموم تشرفنا ، ندا قالت لي هوووي هااا دا شنو وش الخشب دا ، كلو الا سفيان اوووعك ، ضحكت والله من ملامحا الطفوليه ، قلت ليهت نعتذر يا افندم ، ف بالجد الزول دا لمن ضحك علي ضحكتي كأنو نسمة هواء باااااردة في عز السموم ، رجعت قعدت مكاني
قالت لي لازم بعد دا ترجعي انا من ما خليتك واناي بي ملابسك دي يا ريان واكيد ما اكلتي حاجه من الفطور عارفاكي ، ياخ قومي حرام عليكي نفسك دي ، قلت ليها منتظرة عاطف شفتو قبل شويه واسي اختفي تاني ، براي بالمواصلات دي صعبه ، قالت لي سفيان دوامو انتهي وهو بيوصلنا ، قاليها انا دوامي م انتهي في حالة محتاجه متابعه بس اكيد حأوصلكم ، قلت ليهو لاول مرة حأكلمك ك دكتور و انا قلبي شفقان علي صحبتي فا ارجوك طمني نسبة انها تتحسن كم في المية ؟ قال لي مافي حاجه اسمها نسبه الحاجه دي بيد رب العالمين انحنا بنعمل العلينا والباقي علي الله ، قلت ليهو ونعمه بالله ، انا بكرة عندي دوام وشغل و ما حقدر اجيها ، ف لو ممكن تكلم الممرضه المتابعه انها تديني رقما واطمن من خلالها ، حسيت وشو عبس من كلمتو اني ما حقدر اجي ، قالي لا اكتبي رقمي انا ، طبعا اترددتا و عاينت لنداا قالا لي اكتبي خلصي 09 ،، قلت ليها انتي حافظة يعني ؟ قالت لي اكيييييد ، قاليها محشورة وفارضه روحك بي قصرك داا ، قالت ليهو ما دخلك اكتبي يا ريان 099 ، كتبتو
و مشينا ،طول السكة مناكفه وهزار وضحك هو وندا و مشغلنها لبعض كأنهم في عمر بعض و بالجد محبوبين شديد ، وحتي سفيان شكله طيب ، و للحظة زعلت من كلامي القلت ليهو ضاديتوو بس كدا لله في لله ،
و صلني البيت ، نزلت وقلت ليهم اتفضلو رفضو ، دخلت لقيت ابوي راقد ، ابوي دا طبعاً مسكين شديد لا بطقع لا بجيب الحجار زول الله عايش لينا و بينا وعشانا الله يديهو العافيه ، بس بكلمو بتحركاتي .. دخلت لامي طمنتها علي و دخلت استحميت و مشيت الغرفة ، مي بتتكلم في التلفون لدرجة انها ما حست بوجودي اساساً ، بس بسبب نفسياتي
م سالتها ، رقدتا نمته ، صحيت زي 11 بتلفون من المشغل ، منتظرني ، قمت جريّ
مشيت واليوم دا سبحت علي الجامعه عشان اوفر باقي المبلغ لعلاج نازك ...
مشيت ، و ابتديت لبس و مكياج واليون دا كان زحمة ما عادي وكنت بعرض فساتين زفاف اكتر موضوع مرهق بس استحملتا ، لمن خلصتا 6 مساء ، ضمنت النبلغ نزل في حسابي و مشيت البيت هلكانه م قدرت امشي المستشفي ف.. ما كان عندي حل غير اتصل بي سفيان .. جيت علي الرقم اكتر من مرة بس غلبني ادوس اتصال
طوالي اتصلت بي ندا وكلمتها عايزة اتصل وخجلاني كلمي انتي وخلي يرجع لي لو في جديد لو مافي خلاص علي مدا لحد ما بكرة امشي ليهااا ، قالت لا بكرة جمعه عزومتك عندنا وريتك ، قلت ليها صعب لازم امشي نازك ، قالت لي قعدتك مع نازك ما حتغيدا بشي ، المهم يا نداا بمشي اطمن برضو وبعدها بجي عليكم ، قالت لي اتفقنا حشوف سفيان وارجع اكلمك ..
بعدها بعشرة دقايق ، دخل لي رقم ، رديت لقيتو سفيان ، سلمنا و اطمنت علي نازك قالي بس ابتدت تستجيب للعلاجات زوله عندها امل ف الحياة ، قلت ليهو بفضل رب العالمين ، و استاذنت وقفلت .. و مشيت لعبير بقيت بتونس معاها اصلو ما ساعدتها بشي ، بس قلت ليها : بيرووو ، قالت لي هاا
قلت ليها نفسك تلبسي وين وزفافك من وين ؟ قالت لي هههه من اي مكان قدر استطاعتنا واكيد ايجار و بكرة بشوف لي محل رخيص ، قلت ليها م تفتشي حاجه ، لحظة
مشيت جبت مجله حقت المشغل وقلت ليها اختاري البعجبك و بكرة وريني ، اختاري كل شي دايراهو ... طبعا مخلوعه و بقت تضحك باستهتار ، قلت ليها عبيررر اقسم بالله جادة
بمرة القاكي مقررة ، يلا تصبحي علي خير .. من الخلعه م ردت علي ، خشيت سبحت و نمتا .....
تاني يوم صحيت زي 10 لبست عبايه ومشيت المستشفي ، الوضع عادي في المستشفي بس لحد ما وصلت غرفتا لقيتا فاضيه ، انا هنا جسمي بدا يرجف ، ناديت الممرضه قالت لي حولناها بس اطلعي الطابق الفوق طوالي غرفه رقم 815 قلت ليها حمدلله ،، طلعت فوق الغرف دي خاصه و انضف غرف ، المهم بفتش في 815 بس اللقيتا حاجه غير 815 لقيت ....

استككانة😪~

يتبع ......