خلايا الحب

25

عاينت ليها لقيتا نازك .. عاينت لندا بزعل قلت ليها انا ماشه سلام ، مسكتني من يدي قالت لي كل المطلوب منك تسمعي للاخر ابتداء بي وختاماً بنازم في حاجات لازم تسمعيها ، عصرت علي نفسي ليمونه و قعدتا ، ندا ابتدت تحكي : يوم ساقك سفيان وركبني الامجاد بعد انتو اتحركتو انا رجعت المستشفي لنازك و لقيتا منهارة و بتبكي بقيت معاها لمن هدت و حكت لي كل الحصل و عشان انحنا بشر وكلنا بنغلط انا اتعاطفتا معاها و حابه انك تسمعيها ..
نازك تحكي : اولاً الحأحكيهو حاجه غايبه عن تفكيرك ، يوم طلعتي لاقيتي محمد في المخزن و كنته منتظراكي في ناصية الشارع قبل اجي اسوقك من البيت انا شفت خالد واقف مع وحدة عشان الضلام ما عرفتها ، لمن دخلت ليكي البيت وطلعنا و واقفه في ناصية السرع شفت خالد وهو جاي علي الدكان ، بعدها جات وحدة مسكتني و هددتني اسكت ولا ما حتخليني في حالي ودي ياها البت الانتي شاكلتيها في دكان محمد يوم كنا ماشين الجامعة و ما اكتفت بكدااا طلعت متفقه مع مالك انهم يوقعوكي و وكانت ضاغطه علي شديد ، قبلها انا كنت بجي بيتكم عشان عاطف ولد خالك ، مرة في مرة لمن اتعرفنا بي بعض وبقت في بينا علاقه و مالك دا اصلا انا ما حبيتو بس كنت فاقده عاطف و متغير علي ، لحد ما حصل حمل من غير تفاصيل ، و مشيت كلمتو نكر الموضوع ، وكان ساعي انه يخرب علافتك بمحمد و هو الاجبرني قبلها اكذب فيكي لمحمد ، والله ي ريان المواضيع مشربكة شديد ، والاتهجم عليكي منو ؟ عاطف؟
سكتت قالت لا اميره
تتزكري لمن اجبرتك تجيني البيت هي كانت معاي وبتصغط علي عشان اجيبك وانا حاولت معاكي ورفضتي تجي بس بفت تضرب فيني بعنف و غضب و اغلبا في بطني و طلعت ، لمن الوجع حاولت انتحر واقططع شرايني ،بس ما مته جيتي انتي وانقذتيني ، قلت ليها خلصتي ؟ قالت لي ايوة
قلت ليها حقي بلقاهو قدام و اميرة بتلقي جزاها ، قالت لي فعلا لقتو وحصل ليها نفس الحصل لي ، قلت ليها تمام ، العفو والعافيه و مشيت ،، ندا نادتني قلت ليها تعبانه عايزة انوم .. فاتت الايامم و متواصله مع سفيان وكان خير صديق لحد عرس عبير اختي تم الحمدلله، بعد العرس باسبوع سفيان اتقدم لي وافقتا اااي وافقتا ما تستغربو ، والعرس تم بدون تفاصيل وانا قراري ما كنته متاكدة منه بس ماقدرت احبو ، فاتو شهرين علي زواجنا وكنت شغاله و خلصت امتحاناتي و شغلي رفعني للسما ، رحلتا اهلي في احسن حته و وضعي المادي فوق الممتاز ، انا وسفيان حتي حياتنا الزوجيه كانت اصحاب ما حصلت بينا حاجه ، لحد مافي يوم كان عندي جلسة تصوير ، و دخلت الحمام و حصل خطأ واتحبست جوة وكان في زي طفايه الحريق وانا م عارفه بقيت بخبط بيها لمن نفست في وشي ، و في لحظة من ريان الجميله اتحولت لريان القبيحه ، وشي عشان يتعالج لازم سفر برا وجسديا ما اتضررتا ، والايام ديك سفيان كان برا و ما كلمتو ، و اهلي و اهلو كانو واقفين معاي ، لحد ما جا في يوم ودخل علي في الغرفه وكنت مادياهو ضهري و واقفه ، جاي بلهفه : ريوون اشتقت ليكي يا اميرتي الحلوة ، بس من شاف وشي اتخلع و رجع مترين ورااا ، قالي دا شنووو ؟ يا ساتر اووف دا شنو دا ؟ قلت ليها قضاء وقدر و طلع من الغرفه و ما شفت وشو لمدة تلاته يوم ، لحد ما رسل لي ورقتي وانا في بيتهم ، ندا زعلت منه شديد لدرجه بقت ما متواصله معاهو لمن رجعت بيتنا كانت ندا معاي ما فارقتني نهائي و بكل هدوء حكيت لناس بيتنا وانا ما متفاجئه والله ، قررت اسافر و ندا معاي و خالد كان راجع عسان يسافر معاي الاردن ، مشيت الجوازات ومعاي ندا انا بطلع بالغطوة ، مشيت عشان اقطع التزاكر صادفت منو ؟
صادفت محمد كنتا قاعده في المقاعد و هو قاعد جمبي وماسك تلفونو ، بعد شويه عاين لي في سري قلت سبحان الصدف ، جيت اقوم قالي ريان ؟ انا هنا اتخلعت عرفني كيف و وشي متغطي ، قلت ليهو لا يا اخ غلطان ما ريان ، قالي لا ريان دا صوتك وريحتك والاقوي من كل ديل احساسي ، سكتت ، قالي ، غريبه لابسه نقاب ، قلت ليهو ما منقبه بس ظروف ، قالي ممكن رقمك انا حابي اتكلم مععاكي فلت ليهو لا مافي بينا كلام ، الح علي بصورة م عاديه ، جات ندا قالت لي اسي اتكلمو لسه اليوم طويل بعد تخلقي رني علي ، مسك في فكرة ندا وصمم علي رايه ،، مشيت معاهو ، قالي انا غلطت في حقك بس عفا الله عما سلف و يشهد الله انك مافارقتي بالي لحظة يا ريان انتي حب حياتي ، قلت ليهو ما ظنيت تحبني ، قالي وكتابه الكريم بحبك وححبك حتي لو رفضتيني ، قلت ليهو فعلا رفضتك ، قلت احسن تجي مني وما تجي منو لسه الجرح جواي ما برد ..
لمن لقيتو مصمم رفعت الغطا من وشي قلت ليهو لسه بتحبني ؟ بس ما حسيت بيهو الا قام علي حيلو وجا علي بخوف و يكورك ريان دا شنو الحصل ليكي انتي كويسه ، معقول ، طيب وشك بيوجعك في الم فيكي شي احكي ، و حضني عليهوو ، بالجد انا هنا انصدمتا و صدق القال الناس معادن ناس مصدية وناس جواهر .. فعلا عفا الله عن ما سلف .. ساقني بي عربية م عارفاها حقت منو بس العرفتو من مشينا بيتهم كان عندهم ورث من ابوهو ولا حاجه المهم وضعهم اتحسن و بقي شغال و بيتم دراستو .. ساقني البيت و قعد مع ابوي ، قاليهو تعقد لي علي ريان قاليهو كانت متزوجة ، قاليهو م مهم ، و فعلا ف ايام العقد تم ، علي زكرغم ندا كانت حزينه علي العلمو اخوها الا ان كانت فرحانه لي ، خالد جاااا وخطب ندااا
و عاطف العيلة اجبرتو يتزوج نازك وفعلا اتزوجاات ، وعلاقتي بيها عاديه ..
سافر معاي محمد للعلاج و اصلو ما قرف مني ولا اتغير علي ودايماً بيشغلا لي يا شينه بهزار وقف معاي خطوة بخطوة لمن ملامحي ابتدت ترجع و اتحسنت ورجعت زي ما كنتا ، رجعنا السودان وعمل لي عرس من اول وجديد ، و ما سافرنا شهر العسل بس اتفاجأ ان رغم ابوي قاليهو اتزوجت الا اني بنت ، وحكيت ليهو حكايتي مع سفيان ..
بعدها انا فتحت عيادة واتخصصت جراحه تجميليه و حبيت شغلي مع Eve ووبقيت معروفه نوعاً ما ...
و في عرس ندا وخالد اخوي كان اول لقاء لي مع سفيان بعد اتحسنت .... وهنا كانت ملامح الحسرة والندم
اما انا ومحمد حياتنا كانت ومازالت حلوة شديد كلها حب لدرجة بضربو بينا المثل ساندنا بعض في اوقات كتيرة ، وبالجد خلايا الحب عمرها ما تموووت ...

*النهاية*
اتمني تكون نالت رضاكم واستحسانكم ّودمتم بحب و في انتظار تعليقاتكم ❤