المتسوله وابن الجنوب

البارت الاول

مرحبا حبايب كلبي 😺👋

هااي اول قصه الي وان شالله تنال اعجابكم صوتولي اذا عجبتكم حته اكمله

احبكم 😻👊

المتسوله وابن الجنوب
منقوول.
الكاتبه : نبض روح ميته
#البارت_الاول.

بغداد 6:00مسااء
3003/4/1 ، حسن تريد جاي. اي والله ام دموع صدك مشتهي جاي. صار تدلل جنك ع جاي بس خليلي دموع يمك تروح تلحكني.  اهووو هم طفت الكهرباء ايات(ام دموع) ديري بالج لتوكعين.... سمعت صوت قصف بده اجيت اركض حسن الحك القص بده تعالي جيبي دموع وخل ننزل بالملجه. يمممه شوو اليوم القصف قووي عفيه حسن شكو. ذكري الله ايات راح تخوفين الطفله.... اندك الباب بقوه ،، حسن: منو منو هذا الي جاي بهذا الوقت. فتحت الباب وطلع رفيق ابو يسر بالباب. حسن فورآ تجي للفرقه رايديكم. صار رفيفي بس خلي اول للمره ولحكك. طبيت. ايات:منو هذا بالباب. حسن:هذا رفيق ابو بسر طالبينا بالفرقه لازم اروح انتي طبي بالملجئ ولا طلعين لحد ميوكف القصف خووش ولاتفتحون الباب ابد. نزلت اني ودموع للملجئ وبقينا خاتلين وكهرباء ماكو ع الفانوس وع صوت القصف غفت دموع بحضني جان عمره سنتين. وره ماهدء القصف غفيت شويه ومادري بروحي حسيت الصبح كعدت وصعدت للبيت. وجاي اسوي ريوك لدموع. وجان اسمع صوت عياط طلعت لكيت جايبين حسن ميت عرفت قاصفين الفرقه مالتهم حضنته وبجيت وضليت اعيط وراه. دفنت حسن بشيخ معروف. لان مكدرنا ناخذه للنجف تعرفون وقته صعربه الطريق وخطر واني مالي غير اخت بالشمال واخ ميحبني ولا يحب حسن وحسن جان وحيد اهله ومن ازوجني تبرو منه مارادوني بقينا اني وياه وحدنه بعدين صارت عندي دموع بعد سقوط بغداد جانت الاوضاع جدا متوتره وخطره طائفيه وقتل ونهب وسلب امان ماكو جنت اشتغل ممرضه بمستشفى بغداد ودموع اخذه وارجعه وياي وبعد سنتين ع موت حسن بقينا لوحدنه اني ودموع واني جنت بوقته صغيره عمري 29 سنه وحلوه بيضه وطويله وجسمي جداا مرتب وصاحبه ورك كبير ودموع طالعه عليه بس عيونه عسلي ع صفار جانوا يتحارشون هوااي بيه بس اغلس مانطي مجال لاحد يتقربلي وبيوم اجتي صديقتي وكالت اخويه مطلك ويريد مره ليش متاخذي سئلته عن سبب طلاكه كالت ماتراهموا موته وكحه وقنعتني بان اخذ اخوه مخلص. كالت الدنيا مترحم وانتي صغيره وبركبتج بنت حراام ميصير وكذا. اقتنعت بكلامه وشفت مخلص جان عادي جدا متوسط الطول والجسم مبين حبابه ومابي شئ قبلت.... وازوجنا ومر شهر ع زواجنه هدوء. (هدوء قبل العاصفه 😫) بعده اكتشفت يشرب ويكبسل بعد ماكدر احجي كلت هسه يتغير بمرور الوقت بقيت بشغلي وكمت اصرف ع بنتي وع البيت وع مخلص هم لان جان كاعد عطال بطال واني اصرف عليه ومرت ايام وسنين ودموع كبرت وصارت شابه جنن واليوم تخرجت من الثالث متوسط واشتريتله مبايل هديه اله حبيبتي واريده تصير دكتوره وتعوض تعبي دموع هادئه ومطيعه ومتعرف اجادل وتحجي جداا خوافه وحبابه مرات اكلله ماما شويه صيري وكحه انتي وحدج بهل دنيه تكولي ماما الي ربي اني مو وحدي طبعا مخلص يوميه عركه وسالفه ويريد يبطله وماقبل اني ابطله وراحت بنوتي للرابع وجاي تمتحن نص السنه رحت للمستشفى كالعاده طبيت وباشرت شغلي... دكتور اياد:ست ايات ووينج. نعم دكتور اجيت اركض. هذا المريض شكليله كانونه وانطي علاج. تامر دكتور حالا جايه حسيت بدوخه دخت وكعت بالكاع مادري شصار بيه حسيت وره شويه نايمه ومشكليلي مغذي وصديقاتي يمي اجه الدكتور كال ها ام دموع خيرج شبيج كتله والله مادري دكتور شكو كال سهله  شويه وتطلع التحاليل وخير ان شالله بقيت بالسديه ساعه واجه الدكتور كال ايات انتي انتي قويه ومؤمنه ولازم بعد كلامي يكون عندج امل بالله والايمان كتله خير دكتور احجي خوفتني شصاير كال هاا ايات انتي مويضه بسرطان الدم واصل لاخر مراحل معقوله محسيتي بعراضه قبل اني دنكت شويه ورفعت راسي كتله الحمدلله ع كل حال دكتور صراحه دكتور احجيلي اكو امل لو شنو كال اكيد بكلشي امل جديد احنه راح نباشر بعلاج الكيمياوي بس تماسكي لان العلاج قوي رجعت للبيت ولكيت دموع مركبه ومحضره غده طبيت حظنتني شلونج بالامتحان. ماما الحمدلله كلش زينه بالامتحان ماما راح اصب غده طبي بدلي وتعالي.بدلت وغسلت طلعت اسولف ويه دموع ماما اريد احجيلج شئ انتي قويه وبنت سبعه ولازم تتفهمين الي اريد احجي اوك.شكو ماما خير .امي دموع اني مريضه مرض خطير واحتمال وماصحه منه اريدج تكونين عدال الف رجال حبيبتي ومتنكسرين بعدي.  ركضت عليه وحظنتني وتبجي لاماما لافدوه لاتعفيني اني مالي غيرج انتي كل دنيتي واهلي حضنته وكمت ابجي وكتله كلشي بيد ربج امي مرت الايام وعلاجي كلش قوي كمت افقد قدرتي وسيطرتي ع مرض وبدست اضعف ودموع وياي تنهار واقوي بيه...... مرت الايام ع مرضي شهرين وبالثالث جانت الجرعه قويه متحملها جسمي.
وشائت الظروف ياابنتي
ان افارق وجهك المنير
لابيدي ولابيدك ان نغير
ماكتب لنا ربك القدير
ماتت مامه وبقيت لوحدي بدون اي احد فقط مخلص الي بعد ماخلص فلوس ماما التركتهم ع الشرب والكبسله باع غراض البيت كله وهسه يريد يبطلني حته يشغلني حته اجيبله فلوس للعرك ماله وفعلا شغلني اووووف وشغلني شغلني مجديه بشارع بترفك لايت يريد يوميه 30 الف لو اجيبهم لو يعذبني ويظربني بتالي ابقه بلا مأوا ولامكان جنت اطلع البس نقاب وعبايه سلاميه واطلع بس اجدي بترفك لايت واجمع ال30 الف وارجع انطيهم اله واحبس روحي بالغرفتي كل يوم مر ع هذا الوضع اشهر وجان بترفك لايت يتعاركون وياي ويظربوني ويطردوني ميقبلون اوكف لان كل منطقه اكو احد  مسؤل ع المتسولين  هناك وجان يردون اجي وياهم بس اني ماقبل شدو وياي يوميه مشكله ويوميه عركه وصلت بيهم يظربوني واني ساكته بسبب ضروفي ماكدر احجي او اكول اي شئ جنت صابره ومتحمله اكول الله يفرجه بيوم من الايام. واني وكاعده اجدي التمو عليه وكالر يله منا لج اني كتلهم ليش ممأذيتكم بشي كاموا يظربون بيه وجرو حجابي ونقابي. وفجأه اجه شرطي صاح بيهم وخرهم واني لبست حجابي وبعدين راح الشرطي حجه ويه ابو السياره وصاحني واحد قربت منه انطاني 5 الالف وراحوا ضليت بنفس مكاني. ومشاكلي ويه هذولي مخلصت نفسه يوميه طلابه وارجع للبيت الكه هذا سكران وطافي وبس يصيح  ويغلط طبعا دفت ماما يم بابا لان جانت رغبته هاي مكدرت اكسرهه ارجع لغرفتي اضل العب بموبايل طبعا ظامته لان هذا اذا يشوفه يبيعه اتفرج بي يوتيوب او ادرس بي لان من بطلني كمت اطلع الدروس ع اليوتيوب وادرسهن اكول بالكي الله يفرجه وارجع ادرس واحقق حلم ماما وانام واكعد الصبح ب6 اروح للشارع اوووف وما ادراك ماشارع البنيه بي مثل شئ رخيص كله تريد تاخذه اله وكله تتحارش يعني طلعوا من ال100 بس 2 ميتحارشون الباقي كله تريد منك غايه وشئ واني جنت ماحجي، ولا حرف ولا اختلط ولا الي علاقه باي احد لان اخاف وجنت ماطول اني بشارع اقره ايات حته ارجع سالمه من هذا المكان 
كعدت ولبست نقابي وطلعت وركبت كيه وصلت للمكان وصلت المكان وياريتني موصلت......

بالبارتات القادمه تتعرفون ع الباقي الشخصيات 😘

انتظرونه بارت جديد ان شالله واذا عجبتكم القصه كولو حته اكمله 🌸

وكلمه (كملي) مجرد تشجيع حبايبي 😻😽

احبكم