الدعاء 😌🌸
طبعا بدون شك إحنا كلنا مفتقرين إلي الله ومحتاجين ليه وهو لايحتاج وهو الغني عن العالمين
والدعاء ده فرض علينا زي باقي الفروض .. "وقال ربكم ادعونى أستجب لكم إن الذين يستكبرون عن عبادتی ...." أي عن دعائي 🌸
وقال صلي الله عليه وسلم : "من لم يسأل الله يغضب عليه"
فالدعاء ليه منزلة كبيرة جدا عند ربنا .. والدعاء نوعين ✌
النوع الأول : دعاء عبادة زي الصلاة والصيام
النوع الثاني : دعاء مسألة
*طيب إيه أفضل .. القرآن ولا الذكر ولا الدعاء ؟
-أفضل الأعمال قراءة القرآن طبعا .. ثم الذكر والثناء ثم الدعاء والطلب .. ده إجمالا بس في أوقات بيكون الدعاء فيها أولي من قراءة القرآن زي يوم عرفة مثلا💙
*أيه أسباب إستجابة الدعاء ؟
-في عندنا أسباب ظاهرة وفي أسباب باطنة
الظاهرة : إنك تقدمي العمل الصالح .. زي الصدقة .. والوضوء والصلاة
وإستقبال القبلة ورفع اليدين (بس ترفعيهم بطريقة صحيحة ! تلصقي الأيدي جمب بعض والإبهامين يكونوا مضمومين جمب باقي الأصابع وفي إتجاه القبلة ) ❤
والثناء علي الله .. ربنا قال" مامن أحد أحب إليه المدح منى "💙
مش عارفة تمدحي قولي (يارب لاأحصي ثناء عليك أنت كما أثنيت علي نفسك )!
وكذلك تستخدمي أسماء متناسبة مع دعوتك .. لو بتدعي بالجنة تضرعي بإسم الرحمن .. لو بتدعي علي ظالم مثلا متستخدميش الكريم لكن تستخدمي القهار ، العزيز وهكذا
وكذلك الصلاة علي النبي أول الدعاء وفي وسطه وفي آخره وبعدين تحمدي ربنا وتقري بذنوبك ثم تدعي بقي ويفضل يكون دعائك جاامع .. كده الدعاء بإذن الله يرفع 💙
يعني مش من الأدب مع ربنا ترفعي ايدك مره واحدة وتطلبي .. لاء نلتزم بالأداب دي 😌
-الأسباب الباطنة : إنك تقدمي التوبة الصادقة .. وتردي المظالم لأهلها .. وتكثري من الطاعات .. وتطيبي المطعم والمشرب والمسكن 💙
والإكثار من الطاعة والبعد عن الحرام والتعفف عن والشهوات والتضرع لله وقوة الثقة فيه وتفويض الأمر لله وكثرة الإلحاح عليه وقطع النظر عن سواه
*في أوقات معينة يفضل فيها الدعاء عن غيرها ؟
-طبعا في .. الدعاء يوم عرفة .. والتماس ليلة القدر .. ومن الأشهر شهر رمضان .. وفي الأسبوع يوم الجمعة .. وفي الأسحار .. وكذلك إغتنام الأماكن الشريفة زي مكة .. والأوقات الصالحة زي نزول المطر .
وبعد الوضوء وعند الآذان وبين الأذان والإقامة .. وفي السجود وعند الفطر في الصيام .. وبعد كل صلاة .. وبعد تلاوة القرآن .. وعند صياح الديك
*أشخاص يقبل منهم الدعاء ؟!
-دعوة الوالد ودعوة الأم .. ودعوة المسافر .. ودعاء المضطر .. ودعوة المسلم لأخيه بظهر الغيب .. وعلى رأسهم دعوة المظلوم 💚
*طيب إيه موانع إستجابة الدعااء ؟
-الأسباب لعدم إستجابة الدعاء أو تأخيره كتيره .. زي
-دعاء غير الله مع الله الجماعة بتوع السيد البدوي والسيدة معرفش مين .. حرام أصلا ده شرك أصغر
-والتفصيل في الدعاء زي اللي يستعيذ من حر جهنم ومن ظلمتها ومن ضيقها .. مع إنه كفاية تستعيذ من جهنم بس مش لازم تفاصيل
-ودعاء المسلم علي نفسه أو علي غيره بالظلم والإثم وقطيعة الرحم💔
ـوتعليق الدعاء بالمشيئة يعني تقول اللهم اغفر لي إن شئت !! ده غلط
ـالإستعجال والإستحتار الأولي يعني يقعد يقول دعوت ولم يستجب لى .. والتانية يعني يترك الدعاء علشان الإستجابة إتأخرت شوية وكذلك التعجل في الدعاء وعدم التأدب بين يدي الله💔
ـترك الدعاء تعبا ومللا وعدم الإدراک للکلام اللی بتقولیه وربنا لايقبل الدعاء من قلب ساهٍ لاهٍ
-رفع الصوت المبالغ فیه فی الدعاء .. طبعا ده لاينطبق علي الإمام اللي يفعل في وسط الدعاء وصوته يرتفع غصب عنه
-الدعاء بأمر مفروغ منه زي انك تدعي بالخلود في الدنيا أو إن ربنا يكلمك مثلا .. حاجات منتهية من زمان والقلم رفع بشأنها 🌸
-السجع المتكلف في الدعاء قال تعال : "ادعوا ربكم تضرعا وخفية إنه لايحب المعتدين " قال ابن عباس:
"فانظر السجع من الدعاء فاجتنبه فإني عهدت رسول الله وأصحابه لايفعلون إلا ذلك .. يعني لايفعلون إلا ذلك الإجتناب" .
