Poem For You

(26) Sampu-Bilang Para Palayaiñ Ka

Title: Sampu–bilang para palayain ka
✍@atingbitter
Dedicated to: Angelica Joy Ovilo

Masakit pakawalan ang taong mahal mo pa
Pero magpapakatanga pa ba ako kung mayr'on ka nang iba?
Sampung bilang, sampung kataga
Magbibilang tayo hanggang sa ika'y mapalaya ko na

Pagbilang ko ng sampu malaya ka na
Malaya sa pagmamahalan natin na tila nawala
Nawala dahil may iba ka na, iba na ang nagpapasaya sa 'yo sinta

Una, maraming salamat at ika'y nakilala
Kahit sa una tayo'y nagkahiyaan pa

Dalawa, masaya ako sa mga araw na nakasama ka Kahit isa na lang itong ala-ala

Tatlo, sa mga problema'y 'di tayo nagpatalo
Mga suliranin na nagpatatag pa sa 'tin lalo

Apat, di ka nakuntento kasi, 'di pa ba ako sapat?
Kahit naging tapat pero 'di naging karapat-dapat

Lima, hindi mo na nais makasama
Iba na ang nagpapasaya sayo kaya siguro ito ang tama

Anim, mundo ko'y mababalot ng dilim
Sapagkat wala ka na sa aking piling–napabuntong hiningang malalim

Pito, napakasakit sa akin nito
Bakit nga ba kailangan pang mangyari sa'kin 'to?

Walo, bakit napakahirap sabihin nito
Hilam na sa luha ang mga mata ko

Siyam, binitawan ang salitang paalam,
Paalam sa mga sandaling hiram

Sampo, sampung hakbang papalayo ang ginawa mo
Lumingon ka lang handa ulit akong magpakatanga sa'yo

Umasa nanaman ako, mas gusto mo'ng saki'y lumaya na
Pinapakawalan na kita, pumunta ka na sa kanya

Pero tandaan mo ika'y mahal pa,
Hihintayin ko na lang yúng araw na ako'y mapagod na–na di na ikaw ang tinitibok ng puso ko sinta