تااائر : هاري أيدك ميكونش راسك قاصح ....هااري أيدك بااش نعااونك رااه بااينة فيك مقصحة
زووهرة وهياا معصبة : بالغواااات سير عطيني التيساااااع وشبر ديال الراحة متعوني منعونك بلاما تبقا تشفا فيا الله يرحم بااااك.... سير غير بحاااالك
تاااائر :( وهوا مغوبش ومااعجبوو حاال )ياااااااااك االالة هدا هوا جزاأي لي بغيت نعاونك .....الصراحة أنااا لي مدير فيك راسي بقاي غارقة في هاد الشي لي نتي فيه حيت تستاهلي أوجه الزبل تفو على بشار كيف دايرة قالك دير خير يرجعو ليك بي بو مزوي
بقيت كنشوف فيه ومخنزرة واحد العداد ودموووووووع هابطين معاا حنااكي سخالن ونعض في القنوفة لتحتانية نبرد فيها لغديد والشمتة....... الصراحة مكرهتش نتلاح عليه ونطيحو حديا ونتمرمد أنا وياه في هاد الزبل ولاكن دوماج لقاني معطووووبة ولي عطا الله عطاه مجاااوبتو مكلمتو باركة عليا غير هاد الشي لي أنا فيه ودربة لي عاد مزادت عطاتني الصداع لفخد حسيت بيه غادي يطير من بلاصتو غير صاابرة وكاارزة على النفس
داك فار خلاني وتم غادي خارج غير وصل وسط ديال الكوري ووقف ودار عندي وهواا معصب
تاااائر : هنا كنتسناك خارج مني تفكي من خنزك أجي نهدرو برى ومشا خرج
زووهرة :( وهياا كتبكي ) سير الله يخد فيك الحق أولد الكلب لاخر..... يا الشماتة يا الز..... يالموضر الله يوضرك علي الدنيا ودين (هاد الشي كامل قلتو حتا خرج حيت مني خرج عاد تسرح ليهاا للسان كيفما شتو )
بديت نتجبد ونتركل باش نوض واحد العداد وأنا نتمرغ حيت الضربة لي ضربني لعجل واعرة بزاف كون قرب شوي كان غاد يجيبها ليا في لحم رگيگ ويگرص بوه وتصدق هديك هيا شفيا ليا وضحكة لعديان وليني والله الى بقات فيه بوه الى منخليهمش ليوما صايمين بلا ماكلة بلا وريد راني منتسماش الزوهرة ومن لا يعرفوها
بقيت نتجبد ونتنتر حتا ندت من بلاصتي كولي مطليه زبل وعاد زيد عليها ريحة لي ولات تعطعط فيا بقيت غادة على رجل حتا وصلت جيهت المجور ديال لبهايم...... أول حاجة درت هيا حيدت لبوط ديال الميكة وتبعتو الكومبيليزو حتا هوا حيدتو بقيت غير في واحد السروال واسع ولاكن رهيف ديال الصيف في لكحل وسليب صمطة بيض بقيت نقز على راجل وخا حفيانة حتا وصلت جيهت الباب خديت الصندالة ديال الميكة لبستها ومشيت لروبيني لي في لمرح منو لاأرض وتحتو بوديزة صفرة ديال لوسيور محسوكة من نص مديرينها هيا لابابو زعمة ناس طورت بزاف ......ولاكن لعروبية فاتتهم في لحداقة وتطويرة غسلت حالتي هاد الشي كامل ضرتو ومحبساش بتزينين حيت مقصحة بزاااااااف باين ليا غادي نكون مهرسة ممنهاش مشيت دخلت لطوليط حيدت السروال بااش نتأكد ونشووف الضربة بان ليا لفخد داغي ولا زرگ ومحروض وفيه ضغطة كبيرة ديال الضربة غير شفتو وأنا نعطيها لتزينين كتر .....حيت صافي هاد الضربة جابت ليا جوج وضامة هيا الصراحة مولفة ندارب وندابز ومولفا نتدرب وبزاف ديال لحويج واقعة ليا ......... حيت هاد الراس مدازش عليه غير شوية ولاكن هاد الضربة سلات معايا وجابت ليا جوج وگرش وليت غير هازا رجلي بحال داك لكلب لي مزگينو لرجل بحجرة ولا مضارب في شي ( الصارفة )مشا يزها ويتمعشق زهاو بيه
أنت تقرأ
🔪شمكارة زووهرة 🔪 (مكتملة )
Fiksi Umum💞بقلمي أنا الكاتبة ميراااال 💞 ⛔⛔لا أحلل النشر بدون ذكر أسمي ⛔⛔⛔ 💞قصة مغربية 💯في 💯 كتحي على فتاة عانات بزااااف في حيااااتها _فتاة عمرها عااااشت حياتها بحال باقي لبنات ولا دوزات مرهقتها بحال باقي فتيااات -قصة لفتاة مراهقة ومشاغبة ومتسلطة ف...
