رؤآيَــآت لَيَبّيهٌ هـٰهـٌآذَيَ رابــٰطٓ 🐼💛
https://wa.me//218944599677
.
.
.
#ظلمت_ابني_ليس_له_ذنب😥
#"رواية من الواقع ليبي"💔
# ⁽ حٍِـہﹷـمــآدِيَہٰٰ الُـزۙرٍ୭ۆق ˛"🕸🍿)ء
_____________
•_"مقدمه"♧
"تعريف الشخصيات"
لبنئ: م 1991 وحيدة اهلها
الام:زينب
الاب:عاطف
"عايشين ف سياحيه"
خوالي يسكنو ف الصابعه......عمامي يسكنو ف ترهونه....عندي عم واحد يسكن جنبنا ف سياحيه
كنت مش متواصلهمعاهم هلبا نمشو ل بعض بس مش ديما
بروحي عايشه ف الحوش شبه مهجور كليا وسبب اني وحيدة عند اهلي كل حد ف حاله نتلاقوا ب ع طاولة الاكل وتعودنا بس عندي نقص جتني حاله نفسيه من كثر مانقعد بروحي مع الحيوط ل درجة نقعد نتكلم مع روحي كان عندي ثلاته بنات عم محبوبات تحطيهم ع جرح يبرا بس مشكله فيا كنت متعوده نقعد بروحي معرفتهمش الا ف الاخير....😥
الاء: م 2/4/1991كانت من عمري بس كانت بنت قايمه خشمها وتتكبر وتتكلم من فوق ل فوق😐🤨
نهال: م 6/7/1993 طيبه هلبا وتفهم فيا وتساعد فيا وفهما وضعي وحالي😍
خديجه:م 8/12/1997لسانها طويل بس طيبه للي ع قلبها ع لسانها وصغيرة وقتها
عمي عبدالله....مرته فتحيه....عائله مجتمعا وتفرح مع بعض تخشي ل حوشهم ف نوع من الفرح ...مش كيف اهلي عائله ب الاسم بس حوشنا عباره عن كئابه مافيشي شي يخليك تفرحي
باتي ديما مسافر برا يحمل ف بضائع ويخدم ف شحن الاثاتوضعنا المادي كويس الحمدالله
ماما حنونه هلبا بس ماتحسش بيلي حساسه بيه( وب الاصح مش فاضيه بيا )
كنت نحسد ف يلي عندهم عيله ويلي عندهم خوات وخوت يتعاركو وقت يطيحو ف مصيبه تلقي من يصبي معها ولا كان فرحانه عندها مع من تشارك فرحتها ولا كان مضايقه عندها مع من تفتفض عايشه بروحي ف حوش ع دورين نضايق بروحي نفرح بروحي .....
"اليوم الصبح ساعه7:30"
انا: نضت ناشطه جوي كان حلو لبست وجهزت روحي وطلعت لقيت ماما نايضه موتيا الفطور.....وبابا مزال راقد مشيت نوضه باش يوصلني للمدرسه....وخطمت ع بنت عمي الاء مكنتش نحبها ولا هيا تحبني(شعور متبادل)...مشيت المدرسة راية الحرية ف غوط الشعال...كانت مدرسه مختلطه بنات و ولاد....
كانت الاء مع سلتها يلي كانو يقروا معا بعض ف اعدادي ديما تنابش فيا ....ومرات نقفو مع بعض
نروحو ع رجلينا انا والاء بحكم حوشنا بداية سياحيه منتكلموش لعند نوصلوا .....
نوصل للحوش نلقئ ف ماما تجهز ف روحها
لانها كانت تحضر ماجستير تطلع هيا من هني وانا نقعد بروحي مكسده دمعتي خانقتني شعور اشبه بالموت نحس ف روحي يتمه....😥
نمشي ف الوقت ع نوم او اي شي تاني مرات نطلع نشري اي شي قدامي... ومرات يخطمو بنات عمي
" مر اسبوع ع مدرسه "
انا: الاء بعتت بنت من قروبها تناشب فيا تعاركت معها نزلونا الاداره قعدنا لنهاية دوام درونا استدعاء والي امر....
طبعا روحت حكيت ل ماما وماسئلتش شن سبب مشي اليوكم عادي نفس كل يوم...
نضت الصبح وذكرت ف امي ف الاستدعاء طلعت ناسيه موضوع بكل(خلت ف بالي الاسئله زي ان حستني مش بنتها )...مشت قالت ل بابا وهو مسئلش عن سبب ونزل معاي للمدرسه ومعي الاء
بابا: خش ل مدرسه ومشي ل الاخصائيات كانو شريرات سم ف عيونهم...شكو ل بابا ودرت تعهد ع روحي ...روحت للحوش لقيت بابا مسافر(زي العاده تمنيت نروح نلقه متعفلق ويكشخ عليا يحسسني بشعور الاب )...ومقالش ل امي ع موضوع الاستدعاء وشن سبب وهيا ماسئلتش ومدورتش...روح بابا من سفر وتمنيت يناقشني او حتي يعاقبني .....
بابا اعطاني فلوس وقالي:
بابا: اشري بيهم للي تبيه
انا: سكتت وقعت نبحث فيه ف عيوني هلبا اسئله (انا مش بنتهكم علاش مش مهتمين بيا وعلاش وعلاش) اكتفيت بصمت
جت الامتحانات ودرت دور تاني وتمنيت بابا يعاقبني او ماما تكشخ عليا وتضربني وتقولي هدا من اهمالك هدا من عدم قرايتك هدا وهدا....لكن عكس ماتمنيت قالولي تو تنجحي حتي ندخلوك مدرسه خاصه .....انا مش شاطره بس نقرا ننجح لكن جتني حاله نفسيه نفش ف غلي ف روحي....فديت من درسه وقتلهم يحولوني مسئلوش عن سبب ...كانت امي لاهيه تحضر ف ماجستير وتعطي ف محاضرات ماكتنش لاهيه بيا( حسستني ان لقتني قدام باب جامع او متبنيتني نحس ف روحي مش بنتها)
"حولت مدرسة التقدم ف سراج...كنت نقرا عشيه مره نمشي وعشره لا"
تعرفت ع بنات ف مدرسه جديده وتاقلمت معاهم
مها: م 1991 بنت طيبه امها مدرسة رياضه....
دنيا: م 1991 بنت يلي ف قلبها ع لسانها كانت دبدوبه
"صحبتهم كلهم وتقربو مني...."
نتلاقو ونطلعو ونغيرو جونا كانتت حياتي حلوه بس تنقلب اول ما نخش الحوش....
#يتـاابـ؏
.
تفاعلو
