انا:من اللي تبي تبات
امال:انا وهنادي و وهويدا انتي وهبه شوفن جوكن وروان عارفتيها ماتقدرش اتسيب جدي بروحه
انا:سهفتني حتي انا بايته وهبه بجوها
مع خشت هبه سألناها تبي تباتي
هبه:انتن عارفات رأي في الموضوع هذا
امال:باهي براحتك حبيبتي
هويدا:بسرعة محمد نزل وكالعادة مستعجل
امال:هيا طلعنا خلاص
طبعاً طلعنا وركبنا في السيارة
بعد حوالي نصف ساعة وصلنا لحوش جدي
طبعا نعرفكم علينا
انا حنين مواليد 90 خواتي امال89هنادي95هبه93هويدا84وروان82
خوتي محمد83وعلي 87
امي حليمةوباتي مصطفي وباقي ح تعرفوه من الروايه
خشت امي اول وحدة وخشينا نحنا وراها
طبعا انا عندي 7 خالات وخال واحد خالاتي متجوزات كلهن وخالي الصغير مازال اعزب
عندي خالتي متجوزة ومطلقة عندها ولدين عايشين عند جدودي عيالها وليد90 وايمن 92 طبعا وليد كان خاطب هبه وفسخو لسبب ح نعرفوه مع بعضنا لان مافش حد يبي يقوله لنا منهم
سامية:خزي عليك هوبا باتي
هبه:سامية انتي فاهمة الجو بروحك
سامية:باهي براحتك
سامية بنت خالتي مواليد ٩٣
اذن المغرب صلينا ومحمد قال هيا لهبه وروحت
نحنا بنات الخالات قريب 20 وحدة مزرورات في دار وحدة ونهدرزو
اشوي يدق باب الدار
وليد:معلش نبي شحن ايفون يحكي وعيونه معزوقات جوا ايدور في هبه
دلال:ماعندناش شحن ايفون وتلفونك وتوكل
وليد:وينها
دلال:روحت
وليد:جديات
دلال:مانك عارف من يوم فسختو الخطبة معش تبات
وليد:باهي باهي تصبحن ع خير
شوي هكي ايجي أيوب يدق
سامية:من
أيوب:انا ايوب
دلال:كنك يا ويبي
ايوب:لا شي امغير جعان ونبي حد ايسخني حليب وشاهي
دلال: حاضر هي جاية
طبعا دلال بنت خالتي عائشة واخت سامية وهي تعتبر بكرية الاحفاد مواليد ٧٩ وهي تعتبر كأنه خالتنا وبنت خالتنا نفس الوقت
انا: احسبينا كلنا بالمرة
دلال: بدال ماتقولي تريحي انا نصبي بدالك
انا:اها صاح عندك الحق تو نصبي انا مروة هيا مريوة نصبو نحنا
مروة:هيا باهي
خشينا لمطبخ وكانت الساعة قريب ٣ يعني الحوش هدووووء فش اي حركة
مروة:شوية حنونه نخش تواليت ونجيك
انا:باهي بسرعة ماتطولش عشان اتشيلي معايا السفرة عليما شلت حليب لايوب ف المربوعة
مشيت خذيت السفرة وشلتها نسمع في ايوب يحكي ف التلفون وشكله يحكي مع وحدة شكلهم متعاركين وهو يراضي فيها
ايوب: والله حقك عليا بس غصبا عني هذي حاجة نحنا مش متحكمين فيها بس مفروض انتي تساعديني مش تجي ضدي
الطرف الاخر:&$#&/#$@
ايوب:انا حكيتلك كل حاجة من الاول من اول ماكانت علاقتنا صداقة عشان تساعديني
انا:سامحني باب كان مفتوح جبتلك حليبك
ايوب:اشوية ونكلمك وسكر الخط
ايوب ماباش ايبحت فيا بكل حسيته كيف اللي منحرج.... باهي تعبتك صحيتي حطيه هنا
انا :ولو مافيهاش تعب
وجيت طالعة
ايوب:حنين كيف حالك
انا:الحمدلله حال التعب قرايا ماغباك فيها قراية الطب
ايوب:ربي يساعدك
انا:تسلم ... وانت ربي يهنيك وغمزتله😉😉
ايوب: 😳😳
مع جيت مروة وينك ساعة نضبحلك
انا: جييييت
طبعا ايوب هضا ولد خالتي فاطمة مواليد ٨٧ صاحب محلات متاع ملابس شباب ومتخرج من كلية الاقتصاد مواصفاته طويل وابيض شعره اسود حواجبه عريضة وجسمه مش رقيق ومش سمين وطبعه هادئ بكل وكتوم بكل
نسيت نقوللكم ع مواصفاتي انا بيضاء وعيوني ع البني مايلات للعسلي وشعري لعند نص ظهري ولونه نفس لون عيوني ورقيقة وطولي وسط مائل للقصر يعني طشة...
خوته حسن وايهاب تؤام امدادي وانا وحسن قراب من بعضنا واجد واجد اسرارنا عند بعضنا......
نكملكم اللي صار هذاك الليلة هدرزنا وضحكنا ولعبنا وانا نحس في روحي متضايقة بس مش عارفة ليش
....................................................................
ثاني يوم روحنا لحوشنا عادي جدا ومشن الايام روتين عادي بدت الجامعة وبديت انداوم
وصال.: والله رايفتلك ي قردة😗😗
انا:انتي لك وحشة اكبر ياويسو🤗🤗
سمر:انا بنت البطة السوداء😔
حضناها انا ووصال وقالنالها تي انتي برنسيسة القروب😙😙😙
ونحنا امصبين خطم علينا احمد طبعا احمد هضا اللي انا طايحه فيه وهو طايح فيا غير داير روحه مش معدل خطم وعطاني نظرة من تحت الاضواء فترشت قلبي
انا:وااااك عليا قلبي الصغير لايحتمل🙈🙈🙈🙈
سمر: الله يكرهكككككك😩😩😩
انا:نبي نعرف بس عليش مش متقبلته ياخيا عسل
سمر: صراحة مش لكي
انا :عارفة روحي احلي منه بس الحب اعمي😁😁
سمر:نحكوش ع السماحة بس هضا نسونجي ماخلي واحدة ف حالها
انا: سيوره يعقل🙂🙂
سمر: براحتك😠😠
خشينا للمحاضرة وطلعنا نهدرزو ونضحكو نلقو احمد امصبي مقابل المدرج ويبحت فيا زين انا في عقلي قلت بسم الله هضا كان مع اني فرحانه لكن كنت مستغربة فجأة قالي
احمد:ممكن لحظة
انا في عقلي ممكن عمري كله مش لحظة😍😍😍
انا: تفضل
احمد: انتي حضرتي محاضرة الدكتور بدر امتاع الاناتومي
انا:اها
احمد:عادي ناخذ ممكن الشيت متاعك انشير منه ع المهم
انا:ااها ولايهمك تفضل😊
احمد:تسلمي كلك ذوق يا؟؟؟
انا:😲😲😲 في عقلي بعد تكبيد ٣سنين تطلع مش عارف اسمي
انا:حنين☺
احمد:عاشت الاسامي
انا:اول مرة نشوفك انت جاي جديد 😈(وحدة بوحدة)
احمد:لا من بداية قرايتي ف الجامعة وانا نقرا هنا اسألي صحبتك اللي يراقبلك فيا قصدي اكيد شايفتتي😉😉
انا:ع العموم فرصة سعيدة
ومشيت لصحباتي راقيلي وهنا ايشيرن من بعيد بمعني شن صار ؟
انا:ماصار شي🙁🙁 تصدقن طلع مايعرفش اسمي بكللل
وصال: طروح هذينا اسأليني انا
سمر: فوتيه مدام يدير ف حركات التغلي
انا:🙁🙁🙁🙁🙁
بعد اسبوعين في جامعة العرب الطبية 🏫
باتي كيف حطني في باركيدجو الصيدلة الدنيا صبح يادوب الساعة ٨ والجو هادي شفت شاب مصبي في ممر امتاع كلية الصيدلة طبعا عاطي بظهره حاط ايديه في جيوبه يخبط بسبيدروه ع الارض وعيونه تحت لعند قربت منه زبطته انه احمد
انا قلبي دق مش ٣ دقات قولي سبعطاش الف دقة لعند حسيت روحي معش عرفت نمشي ونبي نطيح ع الارض
انا:صباح الخير وجيت بنكمل طريقي عادي
احمد:صباح النور حنين استني نبيك شوية
انا: نعم😳😳
احمد: نحبك❤
انا:نعم😨
احمد: نحبببببك❤❤❤❤
انا:ااحححمد شن تحكي انت😳😳😳😳
احمد:حنين انا معجب بيك من اول يوم خشيت فيه للجامعة من ايام الاعداد وانا متأكد انك ملاحظه الشي هضا تي الزف باين فيا اني مهتم بيك.. ومانحبش نشيل عيوني من عليك.. ديما في بالي ٢٤ ساعة ..المحاضرة نقعد غير نملي في عيوني منك.. نحفظ في ملامحك ..نغوص في تفاصيلك.. تي انا طلعت مش معجب بس طلعت مكبد
انا: احمد انت متاكد من مشاعرك😳😳
احمد:تي متاكد وبالمليون%% كل ماكنت نبي ننساك مانقدرش.. نشوفك فيك حاجة بعييييدة بكل...ونقول اكيد مش ح ترضي بيا لانها بنت رافعة خشمها مع اني مش ناقصني شي انا
انا: بلعكس انا ١٠٠وحدة تتمناك😊
احمد:باهي انتي منهن
انا: اها😳
احمد:يعني موافقة
انا:علي شنو؟
احمد:تعطيني فرصة نتقرب منك
انا:تمام
احمد:نعليا انا😍😍صدقيني مش ح تندمي
انا:تو نشوفو🙄🙄
احمد : ممكن تعطيني رقم تلفونك
انا: اكتب *******
مع جيت وصال من بعيد وتوزع في ابتساماات من بعيد
وصال:صباح الخير
انا&احمد:صباح النور
احمد باهي نستأذن توا وحنين زي ماتفاهمنا
انا:تمام😊
وصال:صايعة شن اتفقتو من ورايا
انا:واااااااك عليا بنموت مش مصدقة انه يحبني ويبيني ياويسو يبيني طلع
وصال:ربي يتمملك علي خير حبيبتي بس ماتحكيش لحد اخر غيري انا يا حنو ماشي
انا:ماعندي لمن نحكي الا لكي انتي ولسمورة
وصال:قصدي انا حتي س.....
مع جيت سمر صباحو بنات كيفكن اليوم🤗🤗🤗
انا ووصال:صباحو سمورتي كان نقولك شن صار معايا اليوم
وصال: مش وقتها الدوة هذي توا عندنا محاضرة هيا بسرعة
انا:ماشي نحكيلك بعدين😉😉😉
خشيت حضرت محاضرتي وانا عقلي مش معايا بكل عقلي مع احمد اللي كان مقعمز مقابلني وماشالش عيوني من عليا بكل ويبتسملي بأبتسامته اللي تفترش الحيط مش قلبي بس
عالمهم كملت المحاضرة وطلعت انا والبنات وقعدنا نهدرزو وحكيتلهن البنات اللي صار كله حسيت سمر رقاله ممكن لانها ماتحبش احمد بكل وديما تقولي فوتيه لان امتاع بنات وهكي بس انا الحق ماشفتش عليه شي
جاء باتي وروحت للحوش تغديت وجيت نبي نرقد مع رنة تلفوني لقيته رقم نعرفش
انا:زعمة نرد والله نثقل شويا لا خليه لعند يرن اكثر من مرة ونقوله كنت راقدة
فصلت الرنة وشوية جاني مسج(ردي حنونا انا صاحبتك من الجامعه)
ورد رن مرة واثنين وع الرنة الثالثة رديت 😁😁 عقل مانحكيلكم
انا دايرة روحي راقدة😁😁:الوووو
احمد:كنتي راقدة؟
انا:احمد ؟؟بجعونة طبعا😁😁
احمد:😳😳 اها احمد ياروحه
انا:سامحني غير كنت راقدة شوي نصحصح ونرنلك
احمد:لا خليني نسمع صوتك بجميع حالاته بس تصدقي صوتك ذوبني
انا:احم احم باهي شوي ونحكي معاك
احمد: تمام براحتك سلام توا
انا:سلام
وصبيت قعدت نط ع السرير وااك ياخيا يهبل
مع خشت اختي هنادي: بسم الله كنك
انا:لا بس رنت عليا ويسو توا وقالتي نجحتي في المادة اللي امتحناها الاحد
هنادي:اممممم🙄🙄🙄
انا:كنك يافرخه اتفنصي
هنادي :لاشي بس كان بتمشي لعيت جدي وتي روحم قالتلك امي
انا:اكيد بنمشي مش اليوم بسمة جاية زايرة معناها البنات كلهن ملتمات
هنادي:معناته ابدي البسي مفش وقت طريق زحمة قال محمد راه
انا :هيا هي تو مصبيه نلبس
مشينا لعيت جدي بمجرد ماخشينا من شارع شفنا ايوب ووليد وكأنهم يستنو فينا من الفرحة اللي ف عيونهم
وليد ممكن عشان هبه لكن ايوب؟؟؟؟
عالمهم سلمنا عليهم وخشينا ومانحكيلكمش ع نظرة وليد وهبه💔💔 خاطري نعرف عليش سيبو بس
خشينا سلمنا عليهم كلهم وقعدنا نهدرزو
جتني دلال قالتلي حنين يبيك وليد برا
انا:😞😞وليد ؟؟؟ زعمة كنه
دلال:والله ماني عارفة قالي ناديلي حنين نبيها
انا مشيت لوليد لقيته مصبي في الجنان برا
انا: كنك ياوليد قالو تبيني
وليد:حنين انتي مرتبطة؟؟
انا:😶😶كنك عليش
وليد:باهي شن رايك فيا؟
طبعا السؤالين هذينا سمعهن ايوب اللي كان يدخن في الجنان مع الجنب
ايوب:😳😨😳😨😰
صبا ايوب ع طول وكان راقيله علي زعلان علي حاقد عليا وعلي وليد ممكن عشان خاطر هبه
انا؛:كيف ياوليد شن رأي فيك قصدي من اي ناحية
وليد:حنين تفهمش غلط راه انا مستحيل نحب وحدة اخري غير هبه قصدي شن رأيك فيك اخلاقيا هل انا شخص حقير
انا:حشاك يا وليد عليش تحكي هكي
وليد:باهي عليش اختك ماتبش تصدقني
انا:تصدقك في شنو
وليد:اني انا ماعمري ولاعمري خنتها او نخونها
انا: وليد ممكن نسألك سؤال؟
وليد:اكيد تفضلي
انا:شن سبب انفصالك انت وهبه؟
