ادعولي بالعوض

الجزء الاول

لقيت مريم معاها علبه شكولاته وبتوزع علي السكشن كلو وكل شويه تردد ادعولي بالعوض >>.
وندتلي..
فاطمه..؟ اتفضلي شكولاته وادعيلي بالعوض
بصتلها لقيت في اثار في وشها كان حد ضربها ومتعلمه جدا وشكلها كانها منمتش ميه سنه
وجملتها  دي بجد اثرت فيا جدا مع ان معرفتي ب مريم معرفش غير انها معايا في سكاشن الكليه وبتحضر محاضرات بس مش كتير
فضولي قتلني والافكار اشتغلت والف سؤال لف في دماغي ملهوش اجابه .
بصلتلها وقلتلها شكرا  ودعتلها وحضنتها ومشيت..
خرجت من الكليه وافتكرت مريم وجملتها لحد ملقيتها فجاه بتناديلي مكنتش متوقعه ان هشوفها تاني النهارده وقلت لنفسي يمكن وقعت مني حاجه بالغلط وهي جايه تجبهالي (اصل انا لما بتشتت ببقا متهوله في نفسي وممكن انسا الفون اصلا) رديت عليها وفجاه عيطت..
معرفتش اعمل وقتها اي لان انا للاسف مبعرفش اتعامل في الامور اللي زي دي .. وكل اللي عملتو ان حضنتها ودمعت فجاه بصتلي وقالتلي انتي عارفه بقالي قد اي بتعذب بقالي قد اي مفرحتش بقالي قد اي بحلم ان اتحرر وابقا حره نفسي او علي الاقل الاقي اللي يحترمني.,
كنت وقفه مزبهله ومش عارفه هي فاهمه اني مش فاهمه حاجه ولا هي واضحه كدا والمفروض اني غبيه وافهمها وهي طايره؟؟
بصتلي لقتني مبرقه وقالتلي عارفه انك مش فهماني ممكن اخد من وقتك نص ساعه افضفضلك محتاجه اتكلم جداا؟
مكنتش مصدقه نفسي ان اخيرا هعرف حكايتها وقعدنا تحت شجره بعيدا عن عيون صحابنا اللي بيحبو الفضول زيي*
ابتدت تتكلم عن حياتها قبل الكليه وان قد اي كانت هاديه ومفهاش دوشه لحد مخلصت ثانوي والتنسيق جبها كليتنا العظيمه*
دخل باباها وقلها ان متقدملها شخص وعيزها تقعد معاه وعايز الخطوبه بدري لانو مسافر..
وفقت تقابلو عشان زن اهلها وقالتلي عارفه يا فاطمه لو رجع بيا الزمن مكنتش وافقت غلطه حياتي ان وافقت يارتني يارب موفقت انا كنت وفقت اقابلو بس وارفض بعدها بس هما اجبروني وعيطتت*
هديتها وحولت اغير الموضوع .. كملت قالتلي دخلت لقيت شكلو كبير قوي فكرتو ده ابو العريس او حد من اهلو مكنتش متصورا ان قليله عند اهلي كدا انهم يخلوني اتجوز واحد اكبر مني ب17 سنه في اواخر التلاتينات وانا لسا مكملتش 19 سنه
فهمت وقتها ان ده شريك ابويا في مشروعو الجديد وطبعا ابويا عايز يكسب ويبقا زيتنا في دقيقنا ..
قعدت معاه وكلامو كلو كان صعب افهمو ان هبقا في بيت عيله وفي سلايفي التلاته وان هخدم مامتو وابوه الكبار في السن وان مش هكمل تعليم***
اول مسمعت الكلمه دي يا فاطمه بصيت لابويا ان يقول اي حاجه لقيتو ساكت وقال طبعا دا كفايه الثانوي خدت اي من التعليم؟؟
وفجاه قرئو الفاتحه وانا متصمره في مكاني مش قادره اتحرك كانهم بيقرئو عليا الفاتحه كاني مت..
حسيت سعتها ان باب جهنم افتح عليا حسيت ان مليش حد بعد ماهلي رموني الرميه دي..
جريت لامي وعيطلها ازاي توافق ترميني كدا مش شايفه اسلوبو ومش شايفه قد اي كبير ازاي انا مش بعرف اعمل حاجه انا لسا صغيره نفسي ادخل الجامعه يا ماما واترميت في الارض يا فاطمه ومحدش عبرني حتي يشوفني مت ولا اي حصلي...
صحيت تاني يوم لقيت في اغاني كتير في البيت وابويا قالي يلا خطوبتك النهارده..
سعتها معرفتش اعمل اي اهرب؟؟
طب لو هربت  اهروح فين طيب ؟ انا مش مستوعبه حاجه في خلال يومين كنت اتخطبت لواحد كبير عني ب17سنه
معرفتش اعمل اي غير ان استسلم للي انا فيه وقلت مش هخسر دنيتي واخرتي عشانهم*اصل فكرت انتحر بس منفعش*
بس قررت اقدم في الكليه من غير محد يعرف وفعلا خليت صحبتي تقدملي ملفي وكانت دي احلي حاجه حصلتلي في الدوشه والهبل اللي بيحصلي ..
تعبت في فتره الخطوبه دي كتير قوي مع انها كانت شهر بس اتعذبت كتير منو ومن اهلي ومن مامتو
تصوري انا اضربت من خطيبي كام مره وقدام اهلي عشان كنت بقولو ان هنزل اصلي التراويح؟
لقيت كميه شتايم وتهزيق من مامتو اللي هي حماتي عرفتني ان حياتي الجايه هتبقا سودا..
بس اللي كان مصبرني ان قدمت الكليه خلاص وانو بعد الجواز هيسافر لان طبيعه شغلو مع بابا فيها سفر كل 15 يوم فرتبت نفسي ان 15 يوم الاجازه اروح فيهم الكليه واغيب ال15 يوم الباقين لحد ماتجوزت.....
.
رن تلفوني ان الباص بتاعي وصل واستازنتها مع ان هموت واخليها تكملي حصلها اي بس وعدتها ان لينا قاعده مع بعض تاني عشان تكملي..
ومشيت والف سوال في دماغي💔
.
ازاي في اهل كدا من كلامها وقصتها الغير مكتمله بالنسبالي عرفت قد اي هي اتبهدلت في الاربع سنين اللي فاتو
ازاي اب يبهدل بنتو كدا ويبعها لحد اكبر منها بالشكل ده ويسمح ليه انو يضربها وهما لسا في فتره تعارف؟؟
>💔
لقتني بكتب بوست  بلسان مريم وبقول..🌸
ليت لي حق التعبير بالرئي ويسمحون لي بالمناقشه
ويوافقون علي ما اريد ويرفضون مالا اريد
كنت سا فوز بكم فوزا عظيما يا من اناديكم ابي وامي
#قصه #ادعولي #بالعوض