#الندامة.
بعد متفيد الندامه
بعد ميفيد الأسف
ما درينه الريح عالي
لمن اهتز السعف
صدفه اجينه ،، وصدفه رحنه
والعمر كله صدف
وگطره ...
گطره ...
ومادرينه ...
ينشف الماي ونشف
احنه ضيعنه هوانه
وضاعت اسطور البدايه
ما درينه شلون ،، تالي
ينكتب فصل النهايه
مدري ذنبك ؟
مدري ذنبي ؟
مدري صدفه من الصدف !!
گطره ...
گطره ...
ومادرينه
ينشف الماي ،، ونشف
ومادرينه الريح عالي
لمن اهتز السعف
بلا ثمر كلما زرعنه
بس حسن شجرة الزينه
لا زرع منه حصدنه
ولا مطر منه روينه
بعد لتگول انتلاگه
آنه وانت عالصدف
كلمن يروح بطريقه
دربك ،، ودربي
اختلف ..!!
- هازال 💜
أنت تقرأ
أشعار
Poetryما بين هوسة عرف و وجوه متطشرة ،، بس انت وجهك بقة يستاهل اتـذكرة ،، انا القطار المشة ومخنوك كلش اجه من الناس الـبصدرة ،، من گتلك اگدر چذب محبس بـ اصابع طفل يـفراكك شـكبرة ..!ع - هازال 💜
