دخلت الكافيه ال انا متعوده اروحه .. وطلبت قهوتي .. وقعدت مستنيه .. وبالصدفه ببص ع الترابيزه ال قصادي اتصدمت.ودمي اتجمد ف عروقي.!!!!
معقول هو ولا انا بحلم .. في اللحظه دي حسيت ان قلبي هيخرج من مكانه من الصدمه او من الفرحه مش عارفه ..
فضلت مبحلقه لحد م هو خد باله .. وبصلي وحسيت ان هو كمان اتفاجأ لما شافني ..
فوقت من صدمتي وأخدت شنطتي وجريت ع برا ..
مش عارفه اي خلاني أعمل كده بس .. مش هقدر استني ف المكان ده وانا عارفه ان هو فيه..
طول الطريق ولحد م وصلت البيت قلبي مبطلش دق بعنف ..
وصلت البيت دخلت أوضتي بسرعه وقفلت .. حسيت ان رجلي مش شيلاني قعدت ع السرير نزلت دمعه من عيني ..
وسرحت في الماضي ..
والحكايه ال ابتدت من أيام ثانوي .. لما شفته ف المدرسه وأعجبت بيه .. وبمرور الايام بدأ يكون بينا كلام كأصدقاء .. ايا كان المسمي بس انا عمري ابدا م كنت بعتبره مجرد صديق معاه .. ورغم انه لاحظ دا كتير لكن معترفليش بأي حاجه جواه ..
فضل بينا الكلام لحد م خلصنا المرحله الثانويه وكل واحد فينا راح كليه مختلفه .. لكن الكلام فضل ما بينا .. كنا بنبعد مهما نبعد ويرجع الكلام مابينا تاني ..أه كان قربه حلو حتي لو معترفليش بحاجه .. بس ع قد حلاوة القرب ع أد وجع قلبي ال كنت فيه ..كتير كان بيحصل ونفترق عشان أسباب لكن ..كنا بنتلاقي تاني
وهو علي حاله مش راضي ينطق
لحد م قررت أني أتخلي عن الحب ده لأنه هيكون فيه وجع قلبي وبس إتأكدت وقتها إني مليش نصيب من حبه حاولت أيام وليالي أقنع نفسي بالحقيقه دي لحد م قررت أخيرا إني أنهي كل شئ ..
في اليوم ده وال عمري مابنساه قررت اصارحه .. واقوله ان مش عايزه يكون في بينا كلام تاني ..
وهو يسألني ليه ..هأ ع أساس انه مش عارف ليه
نهيت الموضوع .. مش هارفه ليه وقتها كان بيجادل معايا كتير ان لا متبعديش .. كان بيتوسل ذي م يكون طفل مش عايز يفقد أمه.. وبعد نقاش طويل نهينا الموضوع وقطعت كل الطرق ال ممكن توصلني بيه.. ومن يومها واحنا منعرفش حاجه عن بعض
ودي تالت سنه معرفش اي حاجه عنه .. لكن ليه بعد كل يظهر قدامي من تاني .. ليه القدر مصمم يخلينا نتلاقي بالطريقه دي؟!
دا كله وراه أي؟!
بعد م شفته النهارده حسيت إن قصتي معاه بدأت من الاول شريط حياتي من بداية م قابلته لحد اللحظه دي كان قدا عيني .. حسيت ان كنا لسه بنتكلم إمبارح أخر مكالمه بينا ..
فوقت من صدمتي .. مسكت فوني وكلمت هاله صحبتي .. وانا مش عارفه أبطل عياط
ألوو .. هاله .. بكلمها وانا مش قادره أمسگ نفسي من العياط
ياسمين مالگ ف اي ؟؟ بتعيطي كده ليه؟
شفته ياهاله .. شفته النهارده ف الكافيه
شفتي مين؟! .. إهدي كده وقوليلي
أحمد ياهاله .. شفته النهارده وانا ف الكافيه
