سويلها مُحبس گطن ي ألنداف
ناعم اصبعها من
الذهب يتخرمش ؟
................
ملاذ
صارت سـاعه ١١
وزياد لا حس ولا خبر كلبي كام يوجعني وين راح ليش لا دك لا دز مسج اجيت ابجي دموعي صارن بطرف عيني
صارت ب ١ واني التفكير اكل مخي جان يدك تلفوني فزيت شفت رقم زياد
كبل فتحت خط
كال بصوت تعبان
الو ملاذ
ملاذ خنكتني العبره ماعرف ليش
كلته انته وينك حتى مادزيت مسج اطمن عليك وين جنت
زياد بتعب وذب حسره
اسف والله اسف شبي صوتج شني باجيه
ملاذ بخنكه
لا بس جنت خايفه عليك
زياد
يبعد عمري وروحي اسف خليتج بقلق بس اخوي تعرض لحادث هذا الي اجه وياي البغداد يوسف
ملاذ
شهكت يا عزا صدك هسه شلونه
زياد
والله الحمدالله احسن هسه بس خلانه بقلق صارلي يومين مانايم
بس ضل بالي عليج فتحت الفون وشفتج هل كثر متصله ودازه مسجات كلت اكيد مشتاقه هههه....
ملاذ بخجل وجها صار احمر
ها لا بس ضل بالي عليك
زياد بهمس
همم يعني هسه انتي مامشتاكتلي بس شو انه كتلني الشوك لصوتج
ملاذ بخجل
ها اي هسه روح نام انته اكيد تعبان
زياد
شمالج تردين بس تخلصين مني رايح يابه رايح اخلصي مني
ملاذ
لا لا والله مو هيج قصدي بلعكس بس لان صارلي يومين مانايم كلت تعبان خلي يرتاح
زياد بمكر
ها يعني بلعكس ترديني اضل مو يله اعترفي ويضحك هههه
ملاذ بخجل
اي زياد شبيك كافي حباب
زياد
اخ شحلاته اسمي من شفايفج جا شمالج ماتريحين كلبي بكلمه اجر الحجايه منج بحبل
ملاذ
هههههه يله روح نام
زياد
ماشي بعد كلبي ديري بالج على نفسج ونامي لا اضلين سهرانه ماشي حبيبت كلبي
ملاذ بخجل
ماشي صار انته هم روح نام ودير بالك على نفسك بـاي
زياد جر حسره
مع السلامه مريتي احبج
سدته كبل هههههه
ملاذ
مخليه ايدي على خدودي واتنفس قوي كلبي يدك حيل اوف من سوالفه توكف كلبي
دخلت ميار للغرفه
شبيج هيج وجهج احمر شنو حجيتي ويا مو ههههه
ملاذ
اي ولج خطيه تعبان واخو مدعوم وبلمستشفى
ميار
يا بس لا هذا التعاركت ويا
ملاذ
اي هو يوسف
ميار
عزا خطيه والله انقهر عليه بس لا يموت
ملاذ
ولج انجبي خطيه اسم الله عليه بعده شاب
ميار صدك انقهر عليه صح هو اتعارك وياي بس حلو حرمات يموت
