عشق الروح بقلم مريم محمد

البارت الأول

ماما يا ماما

تعالى يا حنان أنا فى المطبخ

حنان بانزعاج:يا ماما كام مرة اقولك متعمليش حاجة ومفيش فايدة اتفضلي دلوقتى سيبك من اللى فإيدك دة من فضلك ومالكيش دعوة بأي حاجة واقعدى كدة

ردت عليها فاتن قائلة:يا بنتى انتى بتيجى من الشغل تعبانة وبعدين بقى بكون زهقانة مش بلاقي حاجة أعملها خصوصا لما سبت الشغل

حنان:ماما من فضلك بلاش تلفى وتدوري فى الموضوع دة لأنك عارفة رأيى كويس أوى وفرى على نفسك وعليا كلام ولا هيودى ولا هيجيب علشان خاطرى ياماما خلى بالك من نفسك أنا ما ليش غيرك عايزة تسيبينى انتى كمان

فاتن:ياحبيبتى انتى عارفة إن الاعمار بيد الله وإن لكل أجل كتاب أنا عايزة أطمن عليكي قبل ما أمو

قاطعتها حنان بحزن ودموع فى عينها قائلة:هششششش أرجوكى يا ماما متكمليش انتى عارفة كويس اوى مبحبش أتكلم عن الحاجات دي وحضانتها حنان جامد كأنها عايزة تخبيها جواها انتى مش هتسبينى أبدا هتخليكى معايا مش كدة يا ماما إوعى تسيبينى زى ما بابا سابنى اوعدينى إنك تخلى بالك من نفسك

فاتن بعدت عنها حنان ببطء ومسحتلها دموعها بإيدها وقالتلها اوعدك يا روح ماما وبعدين تعالى هنا انتى قلبتها دراما كدة لية كل دة علشان تعبت شوية تعب بسيط يلا بقى علشان نتغدى سوا

حنان:معلش يا ماما مليش نفس

فاتن مسكت حنان من ايدها يلا أنا مش باخد رأيك

وبالفعل استسلمت ليها حنان وقعدوا يتغدوا سوا وكان الصمت رفيقهم التالت

وبعد ما خلصو غدا لمت حنان السفرة وغسلت الاطباق ورتبت المطبخ وعملت اتنين شاي ليها ولوالدتها وراحتلها البلكونة

حنان بمشاكسة:الجميل سرحان فى اية

ردت عليها فاتن مبتسمة:اقولك ومتزعليش

ياترى فاتن هتقول لحنان اية🤔🤔

وإية اللى هيزعل حنان 🤔🤔

استنونى فى البارت القادم وهنعرف فيه أحداث اكتر ويارب تعجبكو ❤️❤️❤️

لو عجبتكو شجعونى بتعليقتكم وأصواتكم... وشكراً ليكم لدعمكم ليا،😘😘😘