منقول
#يوميات_امراجع 1
اسمي رجعه عمري35 سنه اول ماوعيت ع الدنيا وانا نسمع في نفس الكلام, رجعه لمراجع ومراجع لرجعه😌
ولما وصلت عمر الزهور 16 سنه , صفت دغري , دغري لقيت دبله في يدي
حكيت من هنا ومن هنا , ياهوه يهديكم الله راني مانبيش امراجع , ياهوه راه نقتل روحي, بس لا تنادة لمن حياتي( لا حياة لمن تنادي)
صمتت علي رائ وخاصة انه امراجع مايحبش التكنولجيا وكيف بنت نفسي ماتستخدمش الهاتف النقال😒
جيت حكيت الامي وقلتلها ياامي مانبيش امراجع , نبي نعيش حياتي نبي نطلع من عيلتنا الكئيبه🙂
قالتلي انتي تبي تقرضي بيني وبين سلفتي وعمك
انا: توا قعدت سلفتك مايومتها قلتي عليها سنونها اكبار ومسوسات واي عم تحكي عليه هذا لي سلف من باتي 3000 وردهن لهن 1500 مش هك يومتها قلتي هك😒
امي: طيح سعدك ياخلاطه النواجع والله نحرش بوك
ومانندري الا علي صباط طن في راسي , طن يعني طب اي وقع 😌
خشيت لدار متاعي , طبعا هما يقولو داري , بس فيها اطناشر طرف صالون مرفع فوق بعضه, وصندوقين زيت وصندوق طمام وشوال رز ونص شوال سكر😌 وفي زاويه فيه عقاب فراش عليه فوطه ومعزوقه علي مخده بس بفضل ربي والحمدالله يعني , بريزة الشحن جنبي دركت اي دغري اي مباشر جنبي 😌
ودولاب فرده طايره وفرده قاعده😌 ويجو يقولولي انت بدارك وتدلعي وتشغلعي , تي انا لو يسير زلزال ولا سقف يطير يحسابوني فاتحه محل جمله😒
ماعلينا خن نكمللكن , ومن سوء حظي انه ماعنديش خوات ولا خوت, لالا مانبيش وحده تقولي وحيده اكيد مدلعه😒اسكتن واسمعن😒
#المهم
امي واكله وجهي رجعه سيقي رجعه طبخي رجعه اسقي الورد رجعه ارمي التنور😌 لا التنور هذا كذب 😒 مليت من الشغل بصراحه☹
لنقاني هذكين اليومات قلت الامي نا مليت تقول فله تحرثي علي ليل نهار😒
امي: تي من فله هذي😒
انا: هذي لي ماتت امها ومرات باتها خلتها خديمه وخواتها الاثنين يحفرلنها ديما😒
امي: هههههه😂 تي هذي ريمي مش فله
انا: احلفي 😂
امي: وانا توا مرات باتك قعد يابنت طوووووط ياكلبه ( معليش نعتذر علي كتابة النص)
انا: ووووه وووه مليت من شتايمكم اعتبروني موافقه علي امراجع وح نتزوجه😡
طلعت امي مبتسمه ومع ساعه 10 في ليل دق باب حوشنا😕وفي العاده بعد ال7 معش يدق الباب زمطت ريقي وقلت من 🙄
لو لقينا تفاعل وتاقات يمسحن الكبد 😌 نكملو القصه و ح تنزل علي صفحتي بس
# جرجيره العرفي
