ملاذ
بليل ميار اكلت راسي بس تخليلي ماسكات على وجهي اسراء وريم كلشي مايعرفن بس يضحكن وهم شاركن كل وحده ترست وجهه
ام حيدر
يم اسم الله يمه شبيجن تخبلتن شنو هذا الصخام الي بوجهجن
ميار
يوم حبيبتي هذا ماسك مال وجهه يصفي البشره ويفتحها ويشدها تعالي اخليلج وجهه صاير مجعد تعاي جاي تضهر علامات الشيخوخه
ام حيدر
ولج ولي لا اموتج شتعوفيلي عوزني كبر ههههه
دخل سيف
اعوذ بالله من غضب الله يم شنو هذا ولجن ريم شنو هذا وانتي مرت اخوي عود اكبر وحده العاقله بيهن هم صابغه وجهج
شنو هذا جير لو شنو
اسراء
هههههه يمعود ماسك مال وجهه
ريم
شبي حبيبي شنو عجبك ههههه
سيف
ولج خاف مو زين على الطفل
ريم
يا سيف شبيج شنو السالفه يا مو زين ماسك مال وجهه عادي مايسوي شي لطفل ههههه اسئل خالتي
ام حيدر
يمه شيسئلني مفتحه صالون وهم صدك ولج رويمه وانتي الخ اسراء خاف مو زين وانتن حوامل يله امسحنه هاي سوالف ميار ام البلاوه اعرفها
ملاذ
صدك تحجون انتم هههههههه
ميار
هههههههههه يمه راح اموت بطني كامت توجعني
سيف تعال اعوفلك انته هم صاير اجلح
ريم
ولج لا تحجين على زوجي شبي شحلاته
ميار
اي شحلاته دير بالج
سيف
ترحيلي فدوه انتي وعطوبج
ميار
هلو خلي تروحلك فدوه مرتك مو اني
سيف
هههههه انجبي ولج لسانج اطول منج.... لسانج يطول اي بس طولج ماكو متوقف
ملاذ
تريدها تيل اصلا الكصيره حلوه تخبل مو 😁😎
سيف
لو اريدها تيل جان مازوجت هل برغي
ريم
اني برغي اصلا طولي حلو
ام حيدر
يمه كافي شكد تحب اداهر هههههه
اني رايحه أنـام تصبحون على خير
ويمه امسحن هل صخام خاف مو زين
اسراء
لا خاله حبيبتي والله مابي شي وصار هسه نمسحه
ام حيدر
عفيه بجنايني يله يمه تصبحون على خير
وانتي بخير
ملاذ
غسل وجهي وطبيت سبحت حضرت هدومي مال مدرسه متحمسه بس خايفه بنفس الوقت
