وجع الماضي

الحلقة ١٢

#وجع الماضي
#ليوثي المياحي

مشت الايام..وكل يوم يجيني عمي وسمر وانور..يشوفوني ويطمنون علية ويرجعون..عمتي سليمة اتاني اني اروحلهه..هوة بعد لا اجاني ولا شفته من وكتهه..اني فرحت بكل اللي صار..بالرغم من عذابي بس سبحان الله اللي سخر الاسباب..حتى يتغير مجرى حياتي..وعسى ان تكرهوا شيئأ وهو خير لكم..كومت روحي..بعد فترة جرحي طاب وبديت اتشافة ..بس جرحي اللي بداخلي شراح يطيبة..طبت صحيح.. ولازم اروح لبيت عمتي سليمة وابقة يمهه ..وما ارجع لهذيج الدار كرهتهه..لان دائما صدى ضحكاته..والحجي مالتة يتردد بذاكرتي..وكلما اتذكر..تشتعل بيه نار..والزم راسي بثنين ادية حتى انسى..ياما انقهرت..وياما بجيت..ونسيت..يكلون تكبر وتنسة..شكد راح اكعد ابجي على روحي..وعلة اللي فات...كافي لازم ريما تعيش وتربي الريش..مثل ميكولون..كل صفحة بحياتي الا وبيهه..شخبطة..لو نقطة وتوقف..لازم امسحهه او اشكهه او اثنيه..اللي نكسر عمرة ما يتصلح..تجبر الخواطر..واللي بالكلب بلكلب..اليوم راح اطلع من بيت امي ريمة..اجتني سمر عاونتني..لبست ملابسي..وعمي صلاح واكف برة يتانيني..طلعت سمر كدامي.. وهوة طل..ريحته جانت سابقته..كمت اميزهه من بين الف ريحة..لزكت بجسمي من ليلتهه..تذكرتهه واني كلت امحيهه من ذاكرتي نهائي..
لحضات مرة..وجسمي اللي حافظتة..انهتك سترة..اخذت نفس وقويت روحي اني لازم اكون قوية مو ضعيفة..حتى اواجهه ...التفتتلة..اجت العين بالعين..وكل خزرة..بيهه الف سؤال وسؤال..اي كلبي معبة كره وحقد وانتقام...وهوة خزرته بيهه ندم..واحساس بالذنب..لحظات..ممزوجة بالسكات..متوترة..كطعهه بصوت ابح...
الف الحمد لله على السلامة..كتلة يسلم راسك..بسلامة من وصلني للموت...
ريما ...اسمعيني..ما نطيتيني فرصة حتى احجي.. سوي اللي تريدينة بيه ..وشبعي حقدج وكرهج وانتقامج...بس لا ضلين ساكته..واكعدي ابيتنة..تره هوة بيتج..اني اللي راح اطلع منهه..
كتلة..لا..لا.اخي خلي كرمك عندك..مرة وصلتني للموت والمرة الجاية وين توصلني؟؟
_اوعدج..بعد مالي شغل بيج..ولا ازعجج..او اتقرب منج..كلتلة لا..لا ما كو بعد مرة الخ..المرة الخ موت خلاص..دير بالك على روحك يا ابن الناس..رجوع ما ارجع لبيتكم..كافي اللي شفتة بيهه..لزم ايدي..سحبتهه منة بسرعة..عفته ..كرهته كره اعمة..واحتقرتة طوخ..ايدك بعد لا تمدهه علية..وثاني شي وخر من كدامي..اللي فات مات..انتة بالنسبة الي ورقة وشككته من قاموس حياتي..وانتهينة كبل ما نبدي..درت وجهي ورحت امشي..وهوة لا حكني..ومدنج راسة..كالي خليني اوصلج..كتلة لا توصلني ولا اوصلك..روح ابن عمي..الله وياك..عفتة وطلعت من البيت..سندتني سمر..وعمي..امشي بالكوة..احس سجاجين..وتكطع ابجسمي..جابولي كرسي متحرك..كلتلهم لا لا ما اكعد بيه..مو لهل درجة..كمت امشي خطوة..واتنفس .واوكف..عمي..انتبه علي..خليت راسي على جتف عمي حسيت بغواشة على عيوني..وحيلي باد..ما حسيت الا ادين..انلفت علية وحضنتني وشالتني..وكامت تركض..اباوع زين ركزت نظري..عمي يصيح..وراي وسمر..تركض ورانة..وهوة شايلني ويركض..كمت اضحك من الموقف..بس كتمت ضحكتي..لان اخاف على العملية تنفتح..عمي كالة وك عوفهه يا نذل..عوفهه عمليتهه خضرة تريد تموتهه..دا تركض بيهه..
كالة محد يوكفني اني راح اوديهه..
كمت اصرخ..اووويلي..هم اني وياه مرة الخ..وجرحي ما طايب..عمي حسيتة استرخة شوية..يكلك..بلكي الله يهديهم ويتسامحون..
اي كمت اصيح على سمر..تعاي..سمر تعاي..سمر وكفت من التعب وما اجت وياي..فتح باب السيارة..وكعدني بالمقعد الخلفي على كيفة وسد الباب..اني جانت عيوني مغوشة.. ابالي سمر صعدت ويانة بالصدر..اخذت ركن المقعد بصف الجامة..شغل السيارة..مشينة..التفتت حتى اشوف سمر ..ما لكيتهه..اني وياه وربنة ويانة..بالطريق من بيت امي ريمة..لحد بيت عمتي سليمة..انفتحت ابواب الحرب..والحب بيني وبين محمد..السيارة تمشي ..وهوة بصفي كل مرة يلتفتلي..ويركز بعيونة..على عيوني..اني هذا الوضع وترني..اني وياه وحدنة..من جديد..الطريق اختلف..وكف السيارة..وفتح الباب وشالني وحطني بالصدر ..اني عيطت من الوجع..كتلة على كيفك..لو حامل هم جان جابت كبل الولادة..صعد السيارة ومشى بسرعة كتلة.. خياط العملية انفتح..طبك على صفحة..واجة يركض حتى يطمن عليه..كالي هاا خمة بيج شي خما شي يوجعج..ردت اختبره..كتلة حسيت خياط العملية انفتح..اريدك تتاكد..كتلة شتريد اطلع بطني ..انزعلك ملابسي..كال لا..لا..كتلة لعد شلون اشوف الجرج بعقلك لو بكلبك..سحب ايدة..ولوة شفته..حط اديه على خاصرتة..وسالني..زين شراح نسوي هسة...اوديج للطبيب..
كتلة الاتوديي ولا اوديك..كلشي مابية..سوق خلي نرجع..وان شاء الله نوصل..سالمين..سد باب السيارة بكل قوتة..من القهر..حس انو اني ضحكت عليه..شغل السيارة ومشة..الطريق كلة ساكتين..اني تعبانة ..عيوني تفتح وتغمض..وحدهه..لحد ما اخذتني النومة..ارتخيت..ونمت..شكد فات وكت..ما اعرف..فتحت عيوني..على ايد فوك راسي..تلعب بشعري بهدووووء.. ارتاحيت لهاي المداعبة..حسيت على روحي..فزيت وخرت الايد..اباوع لكيت روحي بحضنه..ويمسد براسي..اليكلك شادية ورشدي اباضة..الشيطان حضر..وطلع كرونة..كتلة شجابني بحضنك..وايدك ليش تلعب بشعري..
ضحك.هههههه وهوة يدور براسة..كال الله يهديج..شفتج نايمة..وراسج كل شوية يوكع..علي..اخذتج ونومتج..بحضني..اني تاففت..من هذا السم اللي رابطني بيه..ولازكني عليه..التفتت وباوعت كدامي..كتلة وين وصلنة..كال قريب ع البيت..انتي شلون صرتي وجرحج شلونة..
كتلة الحمد لله..لا تخاف علية..اني مثل البزون بسبع ارواح..
اوكع واني واكفة..
كالي ليش ما تتعوذين من الشيطان..وطفين نار الكره..والحقد..يا بنتي اني صحيح طلبت تسامحيني..بس مو معناهه كل شوية تذليني..باوعتلة..واني اتحسر..كلتلة..انته عبالك جرحتني بسجين بس..ترة انته حاولت..؟؟؟ما اكدر اكولهه؟؟؟ خليتني احاول اكتل روحي..وتدري انته الروح شكد عزيزة..وانته ختمتهه بفعلة كلش جبيرة..وهاي انته جنت سكران ومو بوعيك لو صاحي جان سويت اكبر منهه..اخذ بريك قوي وطبك على صفحة..كال اي اتاني الوكت المناسب حتى احجي بالموظوع..اني اعرف شسويت..يحجي ويضرب ع الستيرن بايدة..اعرف اني غلطت غلطة جبيرة..وما اعرف شلون سويتهه..عمري ما تجرأت..على مره..بالغصب..نادم كل الندم..ردت منج اكثر من مرة تسامحيني..سامحيني هل مرة..واوعدج اللي صار ما يصير بعد..وراح اكون الج الصديق والرفيق ..انطيني فرصة..وصفي كلبج..باوعتلة بنظرة باهتة..هذا الوكح..القوي..المغرور..النافخ روحة اربعه وعشرين ساعة..يتوسل يريد فرصة..ما صدك... كرصته..كلت خل اشوف اني بحلم لو علم..صرخ..اااااي شبيج..كتلة ردت اتاكد هذا انته لو واحد ثاني..سكت وكام يباوعلي..بعيوني..ويتانيني احجي..درت وجهي حتى استرد قوتي استعداد للعركة والمواجهه..
حسبالك سهلة من تطلب السماح وتعرف انو انته غلطان... مو اي غلطة تتسامح..انتة ذليتني..وبهذلتني..وصفتني بعار اني ما اللي اي ذنب بيه..ردت تاخذ شرفي..لو ما ضربت روحي..ولو صايرة جان هسة اني ميته بالحية..بوصمة عار راح تبقة لازكة بيه..طول عمري..السماح يم الله..اني ما بيدي شي..صعب انسى وصعب..اتجاوز اللي صار..بس لازم نستمر..واني استمريت بفضل كسرك اللي وقوتي انو اني اتجاوز واتغلب على ضروفي..اتكلي اصدقاء..مستحيل..سيدنة كال لا يلدغ المؤمن من الجحر مرتين..
باوعتلة..كتلة اخي اني مؤمنة وموبهل غباوة حتى احط ايدي بايدك..باب ونسد نهائي..انته سويت اللي براسك..كافي عاد..كثر خيرك..وصلتني..اريد اكمل وحدي..باوعتلة..ضاج حيل..دمارات ركبته تريد اطك..وجهه صار احمر..بعد شوية ويختنك..ااااااي اريد ارتاح شوية من غراب البين..بلع كلامي بلع..ما رد علية كملنة طريقنة ساكتين..كالي جوعانة..ننزل ناكل لكمة..كتلة..لا..لا..ما اريد ما احب اكل المطاعم..اكل يم عمتي..سكت وكمل طريقة..لحد ما وصلنة..بيت عمتي..بطني كامت توجعني..ونفسي كامت تلعب..كام يطوط بالسيارة ..طلعت عمتي سليمة وامل ..يركضون .. هلة بيكم الحمد لله ع السلامة بنيتي..نزلت من السيارة بالكوة ..امل جتي تركض تعاوني..وهوة اندار من ورة السيارة ..كال امل ما عليج هسة اني اشيلهه واوديهه للغرفة..عمتي كالتلهه اي وليدي حضرتلهه الغرفة والسرير..شالني..بحضنة..واديه ملفلفة..علية.. كلبة يدك باذني..ريحته فاحت..بخشمي..شي بداخلي رف..اووووه صدك..هاي شبيه..اني مو دايخة وبطني توجعني..اكيد اني ما احس بشي..ترف..ولا كلب يدك..كمت اتملص منه ختى يعوفني..وهوة زاد الضغط باديه علية..وشاورني باذني..انوب دوخني بالزايد..كال اكعدي راحة..مراح اكلج..رديتلة بهمس..ياكل راسك ان شاء الله..حتى نرتاح...ابتسم..كال لا كاعد يم راسج.. وين تنهزمين مني..ونوب كام يغمزلي بحواجبة..ضوجني فدنوب..حبيت اضوجة اني همين...كلت لعمتي..حضريلي الريوك..محمد راح يروح..هوة جاوب من يمة..لا عمتي لا..اني هم اتريك وياهه..اني باقي وياكم مارايح..عندي صديق قريب من يمكم حتى اروح اشوفة عندي شغلة يمة..،اتريك واروح لا تخافين..عمتي كالت..هلة بيك وليدي..شوكت متريد تجي وريما اكيد ما ضوج منك..#ليوثي