الهام {باللهجة الجزائرية}.(قيد التعديل)

بارت

ناض امين هذاك الصباح على 7 على جال الخدمة كي العادة مي كي ناض مالقاش الهام راقدة قدامو . قال بلي تكون راحت للكوزينة دير لفطور لبس حوايجو مشط شعرو وكمل كلش رفد الكرطاب تاع الخدمة و تيليفونو والمفاتح وخرج .
هبط للكوزينة مالقا والو تشوكا بدا يحوس عليها فالدار قلب الدار كامل مالقاهاش آخر بلاصا طان حاطها في بالو هي لاكاف . هبط لقاها تم .
لاكاف تاعهم ماشي كيما تاع لحكايان لوخرين يعني قبو مضلم وفيه حبس وادوات تعذيب 😂.
يعني قبو عادي زوج بيوت ومعمرين بالخردا مي مرتبة.
لقاها دايرا على فمها كمامة وتحوس مابين الخردى.
هبط ليها ومافاهم والو .
امين:الهام...الهام.
والو كيشغل ماسمعاتوش حتى شاف وذنيها لقاها دايرا لكيتمان.
شدها من يدها هي سوطات فالسما وطاحو من يدها سندوق صغير وورق وحدوخرين.وعفايس وحدوخرين.
شافت فيه وحطت يدها على قلبها .
الهام:قل اعوذ برب الفلق.... ياربي خلعتني .
ونحات من وذنيها .
امين:واش راكي ديري هنا و وشبيها حالتك هكا تقول كنتي تخدمي فالمجاري تحت اللرض.
خزرت فيه الهام خزرة بريئة و مالت براسها . كيوت😣.
الهام:بصح صح رانا تحت اللرض..
مسح الهام على وجهو وقاللها بصبر.
امين:الهام علابالك مليح واش راني نقصد.
تبسمتلو وهبطت ترفد واش طاح من يدها.
وقف قدامها ويشوف واش كاين فاللرض  لقا حوايج تاع بنات و ورق وتصاو  وصندوق ماعرف حتى عفسة مي كي شاف السندوق تفكر كلش وعرف واش هذوا
امين هبط يجري يطم فيهم ويخبي فيهم.
الهام:ديزولي طاحولي..
امين:واش هذا منين جبدتيهم الهام ..
تبسمت وحطت يدها على يدو وكانت تشوف في وجهو لي باين بلي خاف.
الهام:شفتهم ماكالاه تخبيهم هكا .
بلع ريقو وماكانش يشوف فيها كامل..
الهام:هنا فهمت واش صرا .. وعرفت بلي نتا ذرة كونفيونص ليا ماعندكش..
علابالك هذاك ليامات لي يهدر معايا نقولو دك يجي آمين يقتلكم .. دك يجي امين مايخلي فيكم والو.. دك يجي امين يدير ويعمل .. مي هوما كانوا يضحكو سوغتو وحد الصفرة كانت تقولي ماشي معناها خطبك معناها صح يحبك .. مي انا كنت نوقف ونضربعا ونقوللها لالا امين يحبني ويجي على جالي .. هه وتخلاص عليا مدقدقة وبلا ماكلة ماكليش 3 ايام على خطرة كي ضربتها ... ونتا فهذا الوقت كامل نص شهر واش كنت دير!!.. كنت تحوس عليا باش تقتلني بيسك خنتك .. اههههه وي بيسك خنتك .. انا خنتك هههههه يايما رح نموت هههه...
بدات تهدر والدموع يطيحوا وحدهم وتضحك هكاك والدموع مزالهم في عينيها ... حاول باش يمسها مي عي بعدت عليه...
امين:الهالم...
الهام:اسسسسس مانسمعش .. مام نتا قلتهالي هاديك الخطرة نهار شفتك مع الصفرة قتلي بلعي مانسمعكش وضربتني بكف... الكف هذاك ماطيح والو من قلبي برك عرفت بلي نتا راك ملعوب بيك .. مي ماشي لهذي الدرجة.. تخونني!!... واش درتلك انا... كي طلبتك باش نتا لي تسلكني...ولا كي درتك املي الخير بعد ربي... ولا كي عيطت باسمك وانا نقولك باش تسمعني...
معليش هذي دنية ودوارة وهاه راك تشوف راهي دارت ..
جيدها ليه وعنقها كي بدات تشهق ...
بعدت عليه وطلعت للفوق لحقها وريح قدامها..
امين:الهام افهميني برك كوني في بلاصتي رح تتقلقي وماراح تشوفي والو .. تعرفيني الهام سوغتو انا كي نتقلق يجيني لعما نولي نخلط برك ... مي مام فهذاك الوقت وهاذيك الدقيقة لي وقفت قدامك فيها وكنت نهدر معاك هكاك كنت نحبك .. وقلبي يتقطع.. الهام علابالي الهدرة ماتفيدش مي سيي افهميني... شوفي في عيني اعرفي وحدك ...
شافت فيه مليح وعنقاتو ...
الهالم:الله غالب ماعلاباليش علاش نتا مانقدرش نكرهك ...
تبسم وباسها ... راحة للكوزينة هي حطتلو يفطر وراح للخدمة وليوم عندها كونترول عند الطبيبة راحت وحدها باش تعرف الجنس تاع البيبي ...
دخلت عند الطبيبة ودارتلها هذاك الجهاز وقاتلها ..
الطبيبة:واش زعمة يكون في كرشك ..
تبسمت الهام وقاتلها..
الهام:ماعلاباليش يعني هو ديفوا يكون قبيح ويضربلي كرشي.. وديفرا يكون كاااالم بالاك يكون راقد الوغ نقول بلي بالاك طفل.. و ديفوا نحس بلي عفة تتحط على كرشي بهدوؤ وكي يدور يدور غير بلاعقل .. الوغ تاني بالاك تكون طفلة .. يتسما ماعلابالييش😂
ضحكت الطبيبة وقاتلها..
الطبيبة:ايه صح عندك الحق ماكيش غالطة...
الهام:في واش غندي الحق فالطفة ولا فالطفل...
الطبيبة:فيهم بين زوج 😊
الهام تالمون ضحكت ضروس لعقل بانوا...
الهام:واش مافهمتش يعني عندي زوج في كرشي..!!! الطفلة هي لي تحط يدها والطفل هو لي يضربني.. قبيح حتى قبل مايزيد..
ضحكت الطبيبة وقاتلها..
الطبيبة:هههه مي عندي هنا الطفل هو لي راح عاقل والطفلة راهي دور 😂😂..
ضحكت الهام بالقاوي وقالتلها...
الهام:اااه ياربي على البرهوشة هذي 😂
ضحكوا مع بعض.. وخرجت الهام من عند الطبية وهلاص شعرة وقلبها يحبس مالفرحة هذي .. قررت دير مفاجأة ل امين باش تقولو جنس البيبي وبلي عندو توام😋 .. الهام راحت للمول لكبير تما وشرات كلش واش خصها ..
عند امين..
كان قاعد فالبيرو يخدم وماعلابالو بوالو هو انسان من النوع لي مايدخلش حياتو فالخدمة يعني على هذا يخليه انسان ناجح .. لا اشاعات يخرجوا عليه يتجنب الاعلام المتطفل لي يسيي يجبد معلومات اكثر على حياتو الشخصية ويتجنب الحديث في صلة القرابة اذا كان يخدم مع واحد من العائلة تاعو .. عندو فالباب تاع الشركة يحبس كلش شخصي وعندو علاقة بحياتو الخاصة..حتى انو عمال الشركة و ضنوا بلي ماعندوش اقارب ولا.
كان يخدم حتى سمع الباب تفتح على مصرعيه لي خلاه يتخبط فلحيط .. طلع راسو و تعبير البرود لي كان راسمو على وجهو ماتنحاش...
شاف اكره انسانة عندو..ليزا.. واش راهي دير هنا يرحم باباكم..
اول كلمة قالها في قلبو كي شافها ...
وشاف موراها السكرتيرة مروة ..
مروة:سامحني استاذ على الازعاج دك نخرجها ...
اومألها براسو وكمل واش كان يدير ..
ليزا :نحي يدك واحتارمي روحك يا سكرتيرة انا بنت عمو قتلك قادرة نقولو يطردك غير ماتلعبيش معايا ..
هبطت مروة يدها وتستنا في ردة فعل امين .. اما امين وكأنو ماسمع والو ..
مروة : استاذ هذي صح بنت عمك !!..
كانت رخ تهدر ليزا وتبهدلها كي كذبتها مي سبقها امين...
امين:لالا ماشي بنت عمي وعيطي ليزاجون يجو يخرجوها عليا ماخصنيش ...
راحت مروة تجري باش تعيط ل لي زاجون باش يخرجوها ..
ليزا: انا عندي خبر قادر يخليك تبدل رايك في الهام .. نتا ما أمنتنيش فاللول وكذبتني ميييي دك نتا لازم تشوف بعينك وتتأكد..
فهذيك اللحضة فتحت تيليفونها تحوس على عفسة ف التيليفون..
ليزا...بما انو عندك كلميرات مراقبا فالدار نقدر نختارقها وندخل نشوف واش راه كاين...
دورت التيليفون ليه...
ليزا...شوف هذا واش!!؟..هذي ماشي الهام !؟ دخلت مع راجل ويد راهي تضحك معاه!!..
امين مالقا مايهد كان يشوف برك هذي الهام!!..ايه هذي الهام هذي ضحكتها لي قتلها جامي تضحكيها لبنادم!! دقيقة وتاني ىاهي مع راجل ومدخلاتو لدارنا !!..
زاد عنقها وباسها في راسها وخرج!!!
تيريت التيليفون خبطتو فالحيط وغطيتها بكف للكلبة لي راهي قدامي شديتها م شعرها وفرغت فيها زعافي حتى جاو لي زاجون وهي تعيط وتاكل في روحها وتقولي نشكي بيك هه تشكي بيا!  ...شي وقتها والله.😡

قعدت على اعثابي وانا معمر وقتي بالخدمة حتى جا الوقت تاع الخرجة ماحبيتش نولي للظلر رفدت دوزاني ورحت بتت فداري لي قريبة على البحر ريحت تما وماقدر نخرج ب حتى قرار مفيد .. غير نتكيف ونعيط كي المهبول ..
انا مارانيش مأمن حتى دك يعني شكون هذا لي دخلاتو للدار وتضحك معاه وعنقاتو وباسها من راسها ..
الهام تخونني زعما!!..
لالا مستحيل هه الهام تخوني!! انبووسييبل ماديرهلش الهام ..
ولا انا جايح وداير فيها كةنفيوص زيادة .. ولا تكون تبدل كي شافتني وليت معزة نديرلها واش تحب.
امين:آااااااااااااااااااااااااااااااااااااااااااااا.........
ماحملت هذي الفكرة يعني انااااا امييييين نولي كلب لطفلة نولي نقيمها كتر ملي تستاهل ..
استغفر الله ياربي واش راني نخلط!!
هذي الهام انا لي غلطت معاها واش ندير مايوفيهاش حقها..
مي هاه كي درتلها هكا ولات حاسبتني كلب عندها جايبتلي الرجال للدار😡😡😡😡
رميت روحي فالسرير بلاما بدلت حوايجي ماني حامل والو نرقد برك وربي يفرجها الصباح ....

عند الهام...

ملي دخلت للدار وانا نفرز فالحالة رديتها تهبببل ونضت نطيب .. درت من كل ماطاب ولذ 😋 .. اي ربي ليوووم يهبل كي يعرف😂😍
----
راهي العشرة مازل مالحقش ستنيت حتى كرهت قلت ممكن يكون عندو كاش شغل برا ولا مي le max كي يطول يجي عالتسعة .. راهي العشرة ومازال مابانش وتيليفونو ماحبش يرفد راني مالعشية وانا نعيط ...
--------
ياااااربي الوحدة ولحد الآن راني وحدي 😭
نروح نرقد وخلاص ...
نروح نرقد وغدوة ربي يفرجها...
-------
على التسعة تاع الصباح نضت قلت خلاص دك اكيد راه جا درت مالقيتوش!!!
ياربي ويجيب لخير وين راه زعما!!!؟...
رحت عيطت لدارهم قاتلي الخدامة بلي ماراهش تما وماراخش ليهم كامل..
وين يكون ياربي😢..
انا كنت قاعدة نستنا فيه حتى سمعت الطبطيب فالباب مالحقتش نتفكر بلي امين عندو مفتاحو ..رحت نجري للباب حسباتلي امين جا ..
انا كي شفت شكون فشلت خلاص وعرفت بلي راهي جاية مصيبة كبييرة على راسي💔...