دائي و دوائي 🥀🖤 ( مكتملة )

الجمرة الثالثة عشر

ڪم صرخـهـ تڪفُي حٍتىْ يزوولُِ ڪلُِ مآ بَدِآخـلُِي"♥️.

.............

فيصل يباوعلها بصدمة ومصدووم من الي جاي يشوفة تقدم عليهه وهو مايدري بنفسة شجاي يسوي وصل يمهه وهو عينة بعينهه مارمش ابدا ،،

,فيصل رفع ايدة وخلاهه على وجهه وهو ما واعي للجاي يسوي ،،

اريج مستغربة من هالشخص الي من انتبهلهه وهو بس يباوع شكت بنفسهه انو اكو فد شي بيها غلط ،،

لكن انصدمت وهي تشوفة يتقدم منها وصل يمهه وصار ما يفصل بينهم الا مسافة قليلة ارتبكت وتوترت من قربة منهه وانصقعت وخافت وهي تحس بايدة تتلمس وجهه ،، فزت بخوف ورجعت ليورة ,,

حسن ووليد مصدومين من تصرف فيصل الي بحياتة ما سوة مثل هذا التصرف كل حياتة جان وفي لحبيبة عمرة وزوجته الي من ماتت وهو انسان ثاني اتدمر من بعد موتهه وصار الي يشوفة يشفق على حالة من بعدهه والكل بالبصرة يعرفون بقصة حبهم الي تعتبر عضيمة ، وبالي عاشة فيصل بعد وفاة زوجتة وشلون صار حالة ما يسر لا عدو ولا صديق ،،

فيصل من شافها نزت صحى على نفسه وهز راسة وهو يريد يرجع لوعية ،،

رفع عينه وشافهه وكام يحجي بينه وبين نفسه معقولة معقولة اكوو بالدنيا هيج شببببه مستحيل خو العيووون هن مفسهن عيون حبيبته هن نفسهن بقة يباوع لعيونهه ويتذكر كل لحضة وي فرح ( زوجته واخت وليد ) وكل لحضة جاان يتغزل بجمال عيونهه والي لبسها بوشية بكل مكان بسبب غيرتة عليهه من انو اي شخص يشووف جمال عيونهه ,,

صحى على نفسه وهو يحاول ما يباوع لعيونهه لان يهتز كيانة كلة بس يشووف عيونها التفت على وليد وهو متوتر بدرجة فضيعة ،،

كال بصوت متوتر : ااا منو هاي ؟؟؟؟؟

وليد وهو لحد الان متفاجئ من تصرف فيصل كالة : فيصل خل ندخل جوة ونحجيلك كلشي ...

فيصل رجع يم اسااور وباوعلهه بنضرة فهمتهه كلش زين بس مو فهمتهه بكونها دكتورة نفسية لا فهمتها لانو هذا اخوها الي حافضته اكثر من نفسهه

كاللهه فيصل بصوت منخفض وعيونة بعيونهه وبصوت هامس : شفتي ؟؟

اسااور بأسى وحزن على حال اخوهه الي ما صدكوا طلع من الي جان بي من بعد وفاة فرح كالتله : شفت حبيبي شفت ،، ولزمت ايدة ودخلوا للبيت

دخلوا كلهم للبيت التفت فيصل على وليد الي واكف يم حسن واريج الي لحد الان خايفة ومستغربة تصرفات فيصل الي اصلا ما تعرفة منو هو ,,,,

فيصل ويحاول ما يباوع لاريج كال لوليد : يلا فهموني شصاير ؟؟؟؟

ولييد اخذ نفس وحجاله كلشي من اتصل علي حسن لحد ما صووب خالد برجلة ورجعوا للبيت ،،

فييصل وبصددددمة التفت على اساور الي دموعهه غطت وجهها كل ما تتذكر الصار تجيهه نوبة بجي ,