خبايا الروح

الجزء الثاني

#خبايا الروح❣❣❣
الجزء الثاني..........
هذا البارت تسريع للاحداث لان من هنا
راح تنخلق معانات واحزان حياة كل
من شمس ورائد،،تابعووووووا،،،،،
مرت الايام وظل الحال كما هو عليه
بين شمسورائد ومن جهة رائد
يوم عن يوم يزيد تعلقه
بشمس وحبهة الهة يكبر
وعاهد نفسه ان يصبر
لو سنين الى ان يسمع ردهة برفض حبه ذاك
الوكت يلة يتركه اما بالنسبة لشمس
بدت تعلق اكثر برائد وتحول اعجابهة بهالانسان
الى حب وعرفت كل صغيرة وجبيرة عن حياته
وبالنسبة الهة اكتفت ان تكول هي يتيمة ام
بس مشرحت تفاصيل حياتهة من باب
حماية كرامتهة وصح الي سوته لانها
ممكن تعتبر بيوم من الايام ورقة ضعف
من جانبهة،،،،،،،
اتطورت العلاقة بينهم بأعتراف شمس
لرائد عن خبايا روحهة ورائد كان اسعد
انسان ع وجه الارض وكان مقرر بس
تخلص شمس هاي السنة يتقدملهة
لان جانت الامتحانات النهائية ع الابواب
وهم حتى لاينطي لابوهة مجال بالرفض
وشمس طارت سعادة ع هالخبر و وعدهة
يخليهة تكمل دراسة ورائد بلغ امه واخته
عن حبه وخطوته بقرار الزواج ومجان اكو
اي مانع وبلغ عمه خلدون بس مبلغه
تفاصيل علاقته بشمس و وافق عمه وفرح
بالخبر لكن الي صار غير مجرى الامور
كلهة واخذت حياة شمس ورائد منحنى
آخر،،،،
سرمد:شفت يابة يعني اني مو هم ابنك
يعني ابن اخوه صارلي شكد اتوسل
بيه ع هالكاع ومرضى ينطيهة الي بس
راحله ابنك كبل سجلهة بأسمه والحلو
بعده حتى فلوس الكاع مقابضهن شنوو
فرق رائد عني كلي بشنو صار شكم
شغلة بشغلة يردني واروح بالصدفة
الكه ابنك،،،
ام سرمد:لاتقهر روحك يمة فدوة الك
مليون كاع لك هذا دومه يغار منك متشوفه
يركض ع فضالتك،،،
ابو سرمد:لاتزعل اني راح احجي وية
عمك ياخذ الكاع من رائد وينطيهة الك
سرمد:مرحبا اني سرمد عمري26سنة
اصغر اخوتي الولد المدلل امي وابوية
ميرفضولي طلب بس اني من اخوتي
وخواتي ممزوج تعلمت كلشي الاريده
لازم احصل علية مكضيهة ونسة وبنات
اشكال وفلوس العب بيهة لعب ماعندي
اي مشكلة بحياتي غير اخوية رائد من
غير ام واكفلي ع الزلة واكثر من شغلة
ردتهة محصلتهة ثاني اشوفهة بيدي
عمي خلدون هواية مساند رائد ماديا
ومعنويا لان ابوية ماله دخل بيهم لاهو
ولا امه ولا اخته اني ابد ما احبهم امه
دائما تحرض عمي علية اخر شي خلاني
افقد للاخير واعلن الحرب ع رائد،،،،
عمي جانت عنده كاع موقعه كلش حلووو
وتجاري ردتهة منه ردت اتفيك كدام جماعتي
واسويهة كوفي بس مصارت كال مناوي
ابيعهة،،،بس الي خبلني ورة اسبوع
صاحبي كلي مو كتلنة الكاع عمك ميبيعهة
لعد شفت اخوك اليوم نزل مواد بيهة وسمعت
ديبنيهة،،،،
هنا اني تخبلت مبقت ذرة عقل براسي
وكلبت البيت كلاب ع اهلي وابوية كلي
ان باجر راح يروح ويحجي وية عمي
بس الي صار ان عمي رفض،،،
خلدون:اتقي الله يا رجال مثل ماهذا
ابنك رائد هم ابنك ليش هيج شايل ايدك
فدنوب بلة مصرف وابنك شاله هسة ع
الاقل سانده بكلمة روح شوف حال ذيج
المرة بعد ذاك الصبر هيج شامرهة،،،
سرمد:رجع ابوية وكال عمك ميقبل
بهالاثناء دخل عمي و وياه رائد،،،،
رائد:ها يا ابن ابوية وانت الي المفروض
اب يعني شسويتلكم لك انت سرمد يا
يوم مأذيك احجي وانت ياااا ابوية بدل
متحنن كلب ابنك علية تكلبه وتكله ياخذ
فضالتك رحمة الله والديك وحتى الكاع
اخذهة هدية من يا.....
خلدون:بالحرام الحرم الكاع متصير الا
لرائد وانت اشرت لسرمد اذا سمعت فديوم
جايب سيرة اخوك بالشينة لا اطيح حظك
رائد:عمي،،،
خلدون:انت اسكت الكاع انطيهة لاي
واحد بالشارع اذا انت تتركهة،،،
رائد:استغفرالله عمي الله يخليك ما اريد
اخلق مشاكل جديدة وياه...
خلدون:الي عندي كلته وبكيفك بعد،،،
سرمد:ورة مطلعوا رائد وعمي تخبلت
بالزايد وحلفت الا احرك كلبه،،،،ومجنت
اعرف الحظ السعيد من نصيبي بنفس اليوم
عرفت شلون اكسره ومو بس هيج ادمره،،،
باليل جنت طالع من بيتنة ورائد وصاحبه
محمد جانوا كاعدين بالباب،،،
محمد:الله يسهلك خوية تستاهل كل
الخير وشتحتاج ركبتي سدادة،،شوكت
ان شاءالله،،،
رائد:متقصر حبيبي بس خل تخلص الامتحانات
وان شاءالله ورة يومين تروح امي وسماح
ومرت عمي خلدون والحجية والدتك،،،هاااا حضر
نفسك انت وياية بالمشية،،،
محمد:تدلل قابل كم رائد عدنة،،يلة بلكت
تجرني وراك،،وظلينة نسولف ع مخططات
رائد،،،،،
سرمد:والله وجتي ليمك يا سرمد هسة
لازم اعرف البنية،،،قررت اراقب رائد
عسى ولعل يروحلهة شي،،،،
مرت الايام واني مراقب رائد وكلشي ماكو
عاد فديوم صدفة شفته واكف يم اسواق
و بنية مشت وياه ليم الاسواق ومبين
هي هاي المقصودة مبين من نضراتهم
خرب عرضك رائد الكلب بكلشي محظوظ
عسل مو بنية هين يارائد اريد اشوف
شلون راح تبقى هاي ضحكتك لو شنووو
جنت واكف مقابيل الاسواق ع الشارع الثاني
مرت دقايق ورائد تحرك بسيارته والبنية
مشت جانت وحدهة نزلت من السيارة
وظليت امشي وراها بالبداية محست
بس بعدين عرفت اني قاصدهة،،،
شمس:جان اليوم اول يوم امتحانات وسرى
طلعت قبلي وية امهة خطية تخربطت بالامتحان
شفت رائد ينتظرني،،،
رائد:هااااا حبيبي بشري شلونج بالامتحان
شمس:عود هلووووو شلونك،،
رائد:كرصت خشمهة،،زين بشريني
صار عندي مغص عبالك اني دامتحن،،،
شمس:ضحكت،،
رائد:اشتعلت عشيرة رائد لاتضحكين بالشارع
شمس:شنووو شبيك،،،
رائد:لج اني لو بيدي اضمج بكلبي
من عيون الدنيا،،المهم لاتغلسين،،،
شمس:زينة ياعمري الحمدلله لاتشيل هم،،،
رائد:الحمدلله ان شاءالله دومج،،اروح فدوة
لهالحلك الينكط عسل،،يلة حبي توكلي للبيت
وهاج،،،
شمس:شنووو هاي،،،،
رائد:نمنمات ع كولتج،،حلاة تفيدج بالتركيز
وهااا جبتلج زبيب وجوز اريدج تخلصيهن
شكلج كلش تعبان ياروحي لاتشغلين
بالي عليج،،،
شمس:صفنت علية ياربي شكد حنين،،ليش
تعبت نفسك ماكو داعي،،
رائد:ليش تحجين هيج ياعمري انتي
اذا حبيبتي ونور عيوني وطفلتي المدلله
ما اداريهة المن اداري لعد،،يلة لاتظلين
واكفة،،ديري بالج اني وراج،،دك تليفوني
سماح امي خطية سكرهة صاعد،،حبيبي
مضطر اروح امي سكرهة صاعد،،
شمس:الله وياك ياعمري ان شاءالله
معافاية عود طمني،،،
رائد:ماشي ان شاءالله،،سريع للبيت حبيبي
عذرني ما اكدر اوصلج اليوم،،،
شمس:لا ياروحي توكل،،،طبعا حبيبي
يومية يظل وراية لحد ما اوصل للبيت لان
المدرسة شوية مسافة عن البيت ودائما
يحجي ع ابوية لان ميخليلي خط حتى
سرى اكثر الاوقات كامت امهة تجي عليهة
طبعا امهة تسوق سيارة،،،المهم مشيت
للبيت وبالي مشغول ع رائد خطية كلش
متعلق بأمه،،انتبهت اكو احد وراية كلت
يجوز مو علية،مدرت بال بس اشو اخفف
يخفف بمشية اسرع يسرع خفت كلش
وصلت لفرع صنطة داعبره محسيت غير
انجريت،،،
سرمد:ظليت امشي وراها وحسيت بيهة
خايفة وصلنة لفرع صنطة واول بيتين هيكل
مكملان بناء سحبتهة رادت تعيط حطيت
ايدي ع حلكهة،،،،اشششش ياحلوة اششش
والله ما اسويلج شي بس اذا ظليتي تصيحين
يصير شي ميعجبج،،،
شمس:خفت منه كلش شكله مرتب وانيق
مو مال حرامي ولو همة كاموا مينحزرون،،
عفية شتريد مني الله يخليك خل اروح
بداعة كل غالي،،،
سرمد:ههههههههاي والله ضحكتيني بس
تدرين شكد حلوة ومشيت ايدي ع خدهة
شمس:تخبلت من مد ايده ع وجهي،،
شتريد مني،،،
سرمد:رايدج الج من شفتج واني عقلي
ظل مشغول بيج،،،
شمس:الله يخليك ليشوفني احد بس
خل اروح اني ما اعرفك ولا عمري شايفتك
سرمد:عادي مابيهة شي تعرفيني ماعدنة
شي،،،
شمس:اصلا اني مخطوبة،،،
سرمد:لاتجذبين ياحلووو الجذب موزين
عليج،ومديت ايدي جوة الحجاب لزمت
ركبتهة،هي شهكت وتدفع بيه،،،
شمس:كلب حقير وخر عني ردت اصيح
وهو راسا خلة ايده ع حلكي وباسني
من شفتي ظليت ارفس جواه النوب سحلني
لداخل الهيكل مال بناء اني هنا انتهيت كلت
خلص راح ياخذ شرفي ويشمرني بالشارع
سرمد:جنت خال ابالي احجي وياها
وابلغهة اني راح اخطبهة ومن هالسوالف
مال بنات بس الي صار عكس كل الي
جنت مخططه هي شكلهة عادي شايف
الاحلى واجمل منهة بس بيهة شي
غريب يجذب من ردت اخوفهة مديت ايدي
جوة حجابهة ع ركبتهة بس هنا فقدت
واني احس بملمسهة الناعم و وجهة صار
احمر من البجي شكلهة كلش ثارني
بدون وعي سحبتهة لداخل البيت وحصرتهة
بالحايط وهي مرة تتوسل ومرة تغلط
الى ان دك التليفون و وعيت ع نفسي
شفتهة مددة وصدريتهة مرفوعة بس
همزين ملحكت اسوي شي جان راحت
الخطة كلهة جريت التليفون امي هي فلتت
مني،،،،ضحكت،،سلميلي ع رائد
شمس:انتيهت جوة ايده وظليت انخي رب
العالمين والحمدلله رب العالمين نقذني
بدكة تليفونه هو كام واني فلتت داركض
بس انصدمت بحجاية كلي سلميلي ع
رائد يعني هذا يعرف رائد شلون اذا حجة
شي دخيلك ربي ردت احجي وياه بس خفت
امشي واعدل بروحي واحاول امشي طبيعي
وصلت للبيت بسمة شافتني،،استغربت
من حالتي الهث وهدومي تراب كتلهة
لحكتني جلاب وركضت بالشارع و وكعت،،
بس حسيته مصدكتني صعدت ركض لغرفتي
قفلت الباب ونزعت ملابس عزة بعيني
ركبتي كلهة طكع وجسمي احمر ظليت
ابجي اخذت ملابس وللحمام ظليت جوة
الدوش افرك بجسمي وابجي لحد ما جسمي
صار احمر دم شلون ياربي شلون اذا
عرف رائد،،،،طلعت من الحمام وكبل
للغرفة زين شلون لا هو شته والف شي
ع ركبتي شلون اخفي هالاثار خابرت سرى
وحجيتلهة الصار خطية تخبلت ماكو10
دقايق وطبتلي للغرفة وكعت بحضنهة
ابجي،،،
سرى:متأكدة مسوالج غير شي،،،
شمس:لا الحمدلله ع اخر لحظة دك
تليفونه وانشغل بيه واني انهزمت بس
شلون اذا حجة شي لرائد،،،
سرى:والله ياشموسة ما ادري شغلتج
تحير زين اذا يعرف انتي تخصين رائد
ليش هيج سوة،،،اكلج هذا يمكن عنده
عداوة شي وية رائد ويريد يأذيه بيج،،،
شمس:يجوز زين شلون وية هالاثار،،،
سرى:لا تخافين هاج هذا خافي عيوب
كلش زين خلي منه بعد ميبين شي بس
ضميه حتى محد ينتبه عليه،،،تعالي اعلمج
باعي قبل لا انسى انطيني رقم رائد
اخاف كلشي يصير اني اعرف شلون
افهمة،،
شمس:خلتلي سرى من هذا الخافي و وزعته
ع كل ركبتي والحمدلله صدك اختفت ولا
كأن اكو شي ظلت شوية وراحت واني
نمت كبل من الخوف،،،
سارة:جنت راجعة من المدرسة وصعدت
لغرفتي فتت من يم غرفة شمس
وسمعت كل حجيهة وية سرى وقصة
الخافي عرفت اكو شي جبير صاير
صار وكت انتقم منج ياشمس الحقيرة
طبعا اني مثل معرفتوا احب ابن عم شمس
بس الي صدمني ان هو يحب شمس
ورايدهة وحاجي وية ابوهة وابوهة كيف
واتفقوا ع العطلة هي خطوبة هي عقد
واني تخبلت منهة ومن عرفت هيج
شي ع شمس كلت اضرب عصفورين بحجر
نزلت ركض ع امي وكتلهة كل السمعته
وهي خابرت ع رجلهة واجة مستعجل
واتفقوا من تطلع سرى وبالفعل طلعت سرى
طب ابوهة للغرفة وصاير كبريت،،،
شمس:جنت نايمة محسيت غير ابوية
فوك راسي يصيح ويغلط يربي راح
كلبي
من الجفلة كلت اكيد احد شافني وكله
ظل يجرجر بهدومي ويكلهة لبسمة وينة
كلشي ماكو شوفي جسمهة،،،
بسمة:اي ياعيني هاك امسح وشوف،،،
شمس:هنا شكد كرهت بسمة واتمنيت
تموت كدامي بهاللحظة نطت لابوية كلينكس
مرطب وابوية لزمني من جتفي وظل يمسح
بابا بس افهم مالي ذنب والله حتى ما اعرفه
هنا ابوية انجن برزت الاثار كلهة لزمني
كطعني تكطع مبقة شي صاحي بيه
وظليت اتوسل مو اني ما اعرفه ظل يدفر
ابطني وجتي دفرة بوجهي الدم طفر
من حلكي وخشمي اني ع اثر هاي
الضربة اغمى علية،،صحيت ما ادري
شوكت بمكان حار خنكة وظلمة عرفت هذا
المخزن جسمي ما اكدر احركه شوية
وسمعت هوسة بالبيت وابوية يحجي
وكلبه محروك ميزت الصوت هذا ابن
عمي،،،
خالد:لا عمي غلطان قبل جانت شايفة
نفسهة ومتريد هسة تريد بعد صخام
وجهة اخذهة والله اذبحهة وما اخليهة
تحمل اسمي واطب بيتي،،،
ورة شوية صار هدوء،،،ياربي ساعدني
شلون ورائد هسة عرف لو لا بالي
صار زين شلون اوصله،،،انفتحت الباب
والضوة ابوية سحلني من شعري هاج
دكي عليه كدامي خل يجي هو وعمامه
شمس:بابا والله ما اعرفه ولد غريب
سحلني من الشارع قطع علية الطريق،،،
ابو شمس:بنت الكلب هاي بس
انتي مو هاي كل البنات تروح وتجي
ويجرج بشارع عام،،،
شمس:ظل يضرب ويغلط حتى بعد مالي
حيل ادافع عن نفسي او احجي
فتح ابوية التليفون وجان اكو مسج من رائد
(حبي لا يظل بالج الحمدلله مابيه شي،،احببج)
دك ابوية ع الرقم وخلاه بأذني اني جنت
امددة بالكاع محسيت غير السبيكر مفتوح
وصوت رائد،،،،
رائد:جنت كاعد يم امي بغرفتهة ودك
تليفوني شفته حبيبة كلبي،،ترخصت من
امي وطلعت لغرفتي،،ضعدت لغرفتي
فتحت الخط،،هااااا يابعد روحي،،،بس
اجاني صوت صدمني،،،
ابو شمس:يا روح هاي اليوم اخذ روحك
يا كلب يا ساقط،،،
رائد:تصنمت بمكاني لا ياربي،،معرفت
شحجي وشنوو اتصرف،،،
ابو شمس:اليوم تجيب عمامك وتجي
اليوم لا احرك عشيرتك تعرف بس
تلعب بأعراض العالم،،،
رائد:عمي بس اهدأ والله ما عندي شي
قصدي شريف وية بنتك ونيتي شريفة وياها،،،
ابو شمس:يا ساقط اي شرف هذا وادزلي
هالكلبة جسمهة كله مطكع اليوم اشرب
من دمك ودمهة اليوم ذبحهة ع ايدي،،،
رائد:شنووو هالحجي عمي احلفلك برب
العزة مطاخهة وبس انطيني العنوان
واني جايك هسة،،،
ابو شمس:تخبلت لج يا ساقطة يا.....
وية منو مصخمة وجهج جم واحد عندج،،
رائد:سمعت حجي ابوهة ورجلي معاد
تحملني،،شنووو مصخمة وجهج شنو جسمهة
مطكع،،وجم واحد عندج،،،عقلي كام
ميجمع ابوهة سد الخط،،فركت وجهي
شلون اتصرف واني مبلغ الكل ان عرفتهة
بالصدفة بس امي تدري عندي علاقة بيهة
طلعت بوجهي لعمي خلدون،،،
خلدون:لك ابني انت شدتحجي شلون
نروح وانت تكول انت ممتقربلهة،،،
رائد:عمي بس نفهم السالفة اخاف،،،
خلدون نروح هسة بس اني وياك نفهم
السالفة بس من هسة رائد اذا شغلة
شرف اني ما اسمحلك تاخذهة بس
قبل لنروح فهمني ابني مسوي شي
للبنية،،،
رائد:لا والله عمي وحطيت ايدي ع القران
وحلفت،،
خلدون:هاي هي خلص لعد واني ع كلامي
ماشي،،،
رائد:ان شاءالله،،رحنة للعنوان الي كال
عليه ابوهة،،شفنة كم سيارة ابابهم
عرفنة اكو تجمع من اهلهم توكلنة ونزلنة
استقبلونة شباب واحد منهم راد ياكلني
بس شيخ عشيرتهم مخلى الشباب تتدخل،،،
حجينة بالموضوع والكل صار اعصاب
جتي مرة ابوهة من ورة الباب عود شاهدة
حجيت منظرهة بيوم رجعت من المدرسة
واني وضحت بس موقفي وطبيعة علاقتي
بيهة وابوهة تخبل وحجهة وضعهة ان هي
هيج وهيج ودمه فاير اني تخبلت معقولة
مستحيل بنتي طفلتي متسوي هيج
شي،،صار حجي واحد يجر طول و واحد
عرض اخر شي عمي كال خل تحضر
البنية وتحلف ع القران ان ابني الي
سوة بيهة هيج لو لا،،،
بالبداية كلهة اعترضت بس شيخ عشيرتهم
وافق كال حقهم الولد ديكول مطاخهة،،،
كمنة بس اني وعمي وشيخ عشيرتهم
بغير مكان حتى نلتقي بشمس،،
جتي وياريتهة مجاية ولا شايفهة بهيج
منظر،،،
شمس:جنت بالمخزن جفلت ع فتحة الباب
سحلني ابوية وذب ع راسي حجاب
وكاي راح ادخلين ويحلفوج وتكولين هو اريد
اخلص منج اليوم،،،
شمس:سحلني وطببني بالهول مكدرت
اميز منو موجود عيوني مغوشة و ورامة
من الضرب وراسي كلش يوجعني
اجاني صوت غريب،،
الشيخ:بنتي كعدي هنا،،،
شمس:كعدت،،،
الشيخ:بنتي ركزي زين بالولد هذا
الولد يكول مطاخهة ومواصل يمهة وحلف
كدامنة ع القران،،،
شمس:اني بس دموع تنزل رفعت راسي
واباوع ردت اركز بالولد،،شهكت بالبجي
يا الهي شكد صعب الموقف الي اني
بيه،،ظليت احجي بكلبي رائد حبيبي
شلون راح احجي شلون اكدر اتبلى عليك
مستحيل اعرف اموت اليوم ولا اذيه
واجيبله حجاية كدام اهله،،،،
لا عمو مو هوووو،،محسيت غير ابوية
تولاني بالضرب والرجال الي وية
رائد كام يحجي ع ابوية واني عيني
ع رائد واكف ونظرته كسرت كلبي،،،
الشيخ:بنتي حلفي ع القران،،،
شمس:حلفت ع القران ان مو هو،،،بس
فاجئني رائد من سأل بعصبية،،،
رائد:لعد منو اوصفيلي شكله،،
شمس:بدون وعي صرت احجي واوصف
شكل الولد ردت بس اثبت برائتي لرائد،،،
رائد:ظلت توصف بالولد،ونطقت بكلمة
دمرتني كالت الولد كال سلميلي
ع رائد،عمي بهت وباوع علية
اني بداخلي معقولة يطلع سرمد همزين
عمي تحرك اسرع مني وطلع تليفونه
بنتي هذا الولد،،،
شمس:كمزت من مكاني ،،اي،،اي والله
هوو ،والله هووو،،،
رائد:متحملت كل الي صار سرمد
عرف شلون يأذيني،،صارت هوسة
وانتفض الكل وبلغوا عمي ان تصير
كعدة باجر ولا راح تكبر لان موضوع شرف
وابنكم متعدي ع بتنة،،،
شمس:الي الحلووو بكل الي صار اهلي
وعمامي والشيخ كلهة درت اني بريئة
من هاي الشغلة بس بقت سالفة
رائد معلقة،،،،رجعت للمخزن وانقفلت
الباب علية جان محطوط يمي ماعون خضرة
وكرصة خبز بجيت وكعدت اكل لان جنت
كلش جوعانة،،،
رائد:طلعنة وعمي يسب ويلعن بسرمد
ومصايبه وشلون راح تكضي،،،وطلعنة
لبيت ابوية وصيت عمي والكل ان ميوصل
خبر لامي،،،
سرمد:جنت طالع وية جماعتي ودكت
امي علية لازم ارجع للبيت صايرة هوسة
وعمامي مجتي ابالي شغلة اليوم
رجعت جنت شارب بس مسكران،،
طبيت محسيت غير رائد فوكاية ويضرب
وظل يسب ويلعن طخت ابالي شغلة
اليوم ضحكت،،،
صارت هوسة وحجي وعرفت اهل البنية
عرفوا ولازم نحضر كعدة باجر،،
سرمد:اي عادي نروح وشنو يعني
اسوي كلشي لخاطر البنية
من زمان ناوي اخطبهة بس الي صار خارج
عن ارادتي،،،
رائد:انتفضت من كلامه اعرفه يكذب
لك حيوان حقير شلون تتبلى ع البنية،،،
سرمد:ع كيفك خوية ليش هيج حامي
عليهة لازم تقربلك بشي،،عمي خلدون
عرف السالفة وجاوب كبله،،
خلدون:انجب لك شتريده يكلك لعد
يطبب ع جتفك،،ع العموم انت ابو رائد
حضر نفسك ترى احتمال جبير لو يزوجهة
لو يهدرون دمه لان ابنك متعدي ع البنية،،
سرمد:بعد احسناختصروا علية الطريق
اتقصدت احجي هيج كدام رائد،،،حتى
احرك كلبه واصلا مداير بال عادي
اجيبهة اتونس وياها وهم احسبهة جارية
عندي اني الك رائد بعدك مشايف شي،،
شفته طلع بدون اي كلام لحكته،،،
هاااا يا رائد عرفت هسة شنو شعورك
من احد ياخذ حاجة ملكك،،
رائد:انهديت علية وظليت اضرب بيه
وهو يضحك،،لك حيوان عمري مفكرت
اذيك ليش هيج البنية شنو ذنبهة،،،
سرمد:وداعتك يا ابن ابوية بعدك مشايف
شي اذا مخليتك تحترك باليوم الف مرة،،
رائد:عفته وطلعت داصعد السيارة تلتكني
محمد،،،
محمد:لك وينك ابو الشباب جم مرة..
رائد خير شبيك،،
رائد:مجاوبته وصعدت السيارة،،شفته
صعد محمد من رخصتك اريد اظل وحدي
محمد:ما اعوفك بهيج وضع اعتبرني
مموجود،،،
رائد:شغلت وظليت افتر وراها جبرني
محمد يسوق مكاني لان جنت كلش
سريع،متحملت بجيت وظليت احجي واصيح
محمد تخبل من سمع بالموضوع،،
مو مالت وداع
ستونه متلاگين..
بعدها أعيونّـــه من المستحه مدنگه..
شمس:ظليت انام شوية واجفل من ورة
صياح ابوية ومنا جسمي كلش يأذني
مدري ساعة ابيش هسة ولا ادري
بدة يوم جديد لو لا كلهة ظلمة ابظلمة،،،
سرى:استغربت ثاني يوم شمس
غياب واعتبروهة مكملة لان بدون اجازة
ظل بالي كلت لازم امرلهة طلعت من
الامتحان ورحت لبيتهم ابوهة طلعلي
وكلي بعد مداوم ولاتجين عليهة
خفت كلش عليهة اكيد صاير شي كلت
معقولة شافوا جسمهة اضطريت ادك ع
رائد،،،
رائد:ظليت الليل كله ع دمعه وحدة
شلون اخذهة واعتدى عليهة معقولة جان
يعرفهة لااا مستحيل شموسة متخوني
لحد مطلع علية الصبح واليوم موعد
التحاقي سبحت وسلمت ع امي وطلعت
بلاريوك اني بالطريق دك تليفوني رقم
غريب جاوبت بنية كالت اني سرى
صديقة شمس عرفتهة وظلينة نحجي
واكدتلي حجي شمس يعني معقولة
يطلعن متفقات حجيتلهة الي صار
متدري بالي صار البارحة تخبلت وظلت
تبجي،،وراها سديت التليفون واني روحي
ميتة،،،
سرمد:ثاني يوم العصر رحنة وياية عمامي
وابوية وشيخ عشيرتنة واني ممهتم
لا بأهلي ولا بالعشيرة دام رائد ميت
هسة خلص هاي تسوة عندي الدنيا،،
صارت الكعدة واكيد هوسة واعصاب
الشيخ وابوية تعذروا وختموهة بفصل50
مليون لابو شمس وظلت ناس تنزل لاناس
الى ان صفت20مليون واني اتزوج
البنية صح الخطة مو مثل مردت بس
هم نفس النتيجة وهي حرك كلب رائد،،،
وعقدت عليهة بنفس اليوم واتفقنة
الزواج ورة اسبوع بس اني بالكوة اخرته
لان ردت بيوم نزول رائدحتى خوش
راحة يرتاح،،،ابوهة طلب زفة وهوسة
حتى لايصير حجي علية بالمنطقة وكلش
تم وفق مراد ابوهة رجعنة باليل امي
كلبت الدنيا بس سكتت من ابوية واخوتي
كاللوهة ترى هدروا دمه بالكوة اقتنعوا
وسكتوا،،،
سرمد:بست راسهة حبيبتي ترى جبتهة
خدامة الج ولا هي متسوة فلس،،،
ونفختهة بهالحجي،،،
شمس:جنت امددة بالكاع طبت علية سارة
تضحك بشماته،،،
سارة:اوووف لج متتصورين شكد فرحانة
بالي صار وياج وهااا ترى اني الي
سويت الهوسة سمعت حجيج وية سرى،،،
شمس:لج ليش يولي شمسويتلج،،
سارة:حتى لا تفكرين تخلين راسج براسي
وتبتعدين عن خالد،،وهااا ترى اليوم
الولد المتونس بيج عقد عليج وزواجج بعد
10ايام،،،
شمس:شنوووو لج انتي شدتحجين،،،
سارة:ضحكت من كل كلبي،،لج والله
طلعتي مو سهلة يلة ع العموم مبروك،،،
شمس:ظليت ادك والطم شلون راح اعيش
وياه و رائد معقولة هاي هي تركني
وهذا الولد شلون وصللوله معقولة يعرفوه،،
اجة ابوية باليل ودز بسمة كلهة ان ارجع
للغرفة،،طلعت اسحل بروحي
تفل علية،،،
ابو شمس:ترى معابلج لسواد عينج اني
جنت ناوي اذبحج بس الشيوخ وكفولج
وهسة تتصرفين طبيعي وداوي نفسج
ما اريد العالم من تشوفج يصير حجي،،،
شمس:صعدت للغرفة اخذت ملابس
وظليت ابجي بالحمام سلمت امري
لرب العباد سبحانه قادر ياخذلي حقي
طلعت لكيت صينية اكل بالغرفة من
ضمن تعليمات ابوية ان من يجي
للبيت ميريد يشوفني مرت الايام واني
انظف قبل وصول ابوية واصعد اكل
يكفيني لثاني يوم واني اصلا اكلي
مو هالكد فكري كله يم رائد تليفوني
ابوية اخذه،،
رائد:مرت الايام واني منتهي خابرني عمي
وكال سرمد عقد عليهة وبلغني بيوم
زفتهم حسب طلب والدهة عرفت ان سرمد
طلب بهذا اليوم وهو اول يوم نزولي،،
كلش اختنكت معقولة هذا اخ كسرت
الغراض كلهة ومثل المخبل ونويت اكمل
التحاقي ما انزل بس سماح كالت امي
تعبانة حاول تنزل اضطريت انزل،،،،
سرمد:كعدت من الصبح فرحان فرحة
والدنيا مواسعتني نزلت وامي تهلهل
وتصبح علية وخواتي ترسن البيت طبعا
محد درة شنو سبب الزواج ظل بينة
يعني بس الاهل مع هذا كلهة فرحانة لان
الصغير والمدلل،،،اليوم اذبح رائد بكل
دم بارد كلش متحمس اشوف شكله،،،
شمس:البيت هوسة من الصبح ابوية
حذر بسمة ان يطلع الحجي وجان كلش
جدي كلهة طلاكج متوقف ع الحجي اذا
طلع وهي خافت محجت شي كعدت
وافتر بينهم مثل الجثة يحركون بية منا ومنا
اخذوني للصالون كلشي مكلت ام الصالون
شتسأل اكولهة كيفج خلصت كلهة تعجبت
وتكول حلوة والله يساعد العريس
واني اشوف روحي واكول شيصير
لو اليوم اروح لرائد ونزلت دموعي
وام الصالون عبالهة دموعي حالي حال
اي عروس بس اني وين شتان بيني
وبين شعور اي عروس متزوجة بأرادتهة
وصلت للبيت خوات بسمة سئلن ع ابوية
لازم يجي يسلمني للزوجي بس
بسمة:يمعودات البارحة منام بس يبجي
شلون راح يفاركهة ومن الصبح طلع بوسهة
وسلم عليهة،،،
اني بس اسمع حتى دموع ماكو خلصت
للمغرب جوي وبدت الهوسة والمزيقة
واني كلبي مات ورجلي معادت تحملني
بس اتوسل بعيوني اريد احد ينقذني
دخلوا هوسوا شوية وراها طلعنة صعدنة
بسيارة اني وياه وبس هو يسوق واني
بس دموع تنزل يحجي وياية حجي
يخجل اني كل تقززت منه اخذنة صور
ومن هالسوالف طبعا مجنت اعرف كلشي
عنه حتى اسمه ما اعرفه وسمعته يكول،،
سرمد:اتمنى متزعلين دخلتنة بالبيت
لان ما امن بالفنادق،،
شمس:محجيت شي كال وصلنة سمعته
يحجي بالتليفون وية ابوه يريد اخوه
الجبير يحضر زفته لان حسب معرفت من
كلامه اخوه الجبير محاضر الزفة،،نزلني
واجة واحد وكف كدامي اني كلشي
مشفت منه لان الكبوس مال البدلة نازل
ع وجهي،،،،بس كان الصوت كفيل
ان ينطيني صفعة العمر و كأن الدنيا
تكلي صبري مشفتي مني شي
اختنكت وتمنيت الموت بنفس اللحظة
ولا صار الي صار،،،،
من كثر ما مطعون جسمي انا كلي
نسمة هوه من اتفوت يوجعني ظلي.

انا بغيابك ما خايف من الموت
خايف يروح عطرك من يغسلوني

يتبببببببببببببببببببببببع