بسم الله الرحمن الرحيم
نور العشق بقلم اسماء السيد
الحلقه الخامسه عشر
سيف وأهلهه راحين لنور
رحمه : اخيرا هشوف عروستك
ناديه : و انا برده متشوقه أني اشوفها
سيف : هانت هانت كلها خمس دقائق و تشوفوها
وصلنا اهو اتفضلي يا امي اتفضل يا بابا اتفضلي يا رحمه هذه الكلمات اردافها سيف
فارس بغضب طفولي : وانا مفيش اتفضل يا استاذ فارس ولا انت هتكبر عليا
سيف : لأ طبعا ااتنيل اطلع يا لا
فارس بخوف : حاضر حاضر
سيف : ناس مبتجيش غير بالعين الحمرا
الكل قعد يضحك عليهم
و طلعوا عند شقه نور وخبطوا
سماح فتحت
سماح بفرحه : أهلا وسهلا نورتوان أهلا
ناديه بوجه بشوش : البيت منور بصحابه
يابنت الايه يا نور وقعتي وقفه عيله اخر كلام هذه الكلمات اردفتها سماح في خاطرها
قعدوا يتكلموا في مواضيع
وبعد شويه
ناديه : مش هتنادلنا العروسه
سماح : حاضر حاضر من عنيا
ناديه : تسلميلي
سماح : يالا يا نور الناس مستنيانك برا
نور : حاضر جاي اهو
نور لابسه فستان ورود بس جميله جدا ولابسه عليه خمار زيتي لايق مع عيونها وبشرتها
كانت في غاية الجمال بدون استخدام اي ادوات تجميل
سماح: مش عارفه ايه لازمه الخمار كنتي لبستي طرحه احسن
نور : سماح انا مستريحه كدا
سماح : انتي حره انا هطلع للناس وانتي هاتي العصير وتعالي
نور : حاضر
نور حاسه ان هي مضطربة ومتوترة كل حاجه داخله في بعضها
نور خدت العصير وداخله
ناديه باعجاب : بسم الله ما شاء الله تبارك الله
قدمت العصير وقاعدت جنب سماح
ناديه : تعالي يا حبيبتي اقعدي جنبي
نور قامت وقاعدت جنب ناديه ورحمه
ناديه : بسم الله ماشاء الله بجد انتي جميله اوي يا حبيبتي
نور : انتي اللي عيون حضرتك حلوه ياطنط
سيف : اعرفك يا نور ماما
وبابا وده رحمه اختي وفارس اخويا
نور : أهلا
محمد : أهلا بيكي يا بنتي
محمد : احنا عايزين ندخل في التفصيل بقي
سماح : اتفضل يا دكتور
محمد : سيف كان عايز الفرح بعد الامتحانات
نور بثبات انفعال : اللي فيه الخير يقدمه ربنا واللي حضرتك شايفه صالح يا عمي
محمد : تمام علي خيره الله
سيف ابتسم لنور
فلاش باك
الموظفين : وافقي وافقي
نور مش عارفه تعمل ايه تحطه في موقف محرج لو هي رفضت فقامت هزه دماغها وخلاص الكل صقف وبارك ليهم
نور راحت وراه المكتب بتاعه
نور : انا محبتش احرجك مع الموظفين وسكت ثم أكملت بعصبية شديدة
نور بعصبية : انت تعرفني منين عشان تطلب مني تتجوزني انت عايز تتجوزني شفقه عشان اتعالج
سيف : مين قالك كده
نور : الجواب بيبان من عنوانه وانا وانت عارفين عنوانه كويس وانا وانت الواحيدين اللي عارفين انا عندي ايه
سيف : كبري مخك شويه وليه متقوليش اني حبيتك
نور : حبتني امتي وانت تعرف عني حاجه اصلا عشان تحبني
سيف : اعرف عنك كل حاجه
نور : طيب حبتني ازاي واحنا اصلا منعرفش بعض
سيف بعصبية : حبيتك لما شوفتك وانتي بتتكلمي قدامي بعصبية وعايزه تاخدي حقك انا اصلا مكنتش هعمل ليكي حاجه بس عاوز اجيب اخرك عشان ساعتها كنت اعجبت بيكي حبيتك لما شوفتك صلبه نفسك بنفسك لما جيتي اعتمدتي علي نفسك فاكره لما كان مغمي عليكي في الشارع انا كان قلبي واجعني وكنت عمال ادعي انك تفوقي وتبقي كويسه زعلت اوي لما عرفت انك عندك السرطان مجرد فكره انك هتضيعي مني بتجنن فاكره لما شديت معاكي عشان تتعالجي وبتقولي اتعالج عشان مين كنت عايز اقولك عشاني عشان قلبي اللي بينبض بحبك انا اول مره احب واول مره قلبي ينبض لحد هو انتي وجايه تقولي حبتني امتي يا شيخه انا اتعديت مرحله الحب بمراحل
نور : كل ده في قلبك
سيف : انتي لو دخلتي شوفتي قلبي هتلاقي فيه كتير وهتلاقي نفسك قاعده متربعه
نور ابتسمت
سيف : تقبلي تتجوزيني
نور تبكي ولأول مره قدام حد أكملت ببكاء : انا شوفت كتير محدش حبني اخواتي اللي من لحمي ودمي رموني وطردوني بس لما يحتاجه حاجه يتصلوا عليا عشان عارفين اني بود عشان صله الرحم انا قعدت سنتين بنام في شقه لوحدي لعند ماجه اخواتي طردوني وحاليا قاعده في شقه وليا اخت اتطلقت و لجأت ليا انا بعد ما لجأت للي كانت بتقف معاهم ضدي توعدني انك متجرحنيش واكملت بعصبية توعدني انك متجيش عليا في يوم انك تكون ليا الاخ والاب اللي اتحرمت منهم قبل ماتكون زوجي توعدني بكده لو هتقدر فأنا موافقة
سيف : اوعدك اني اكون كل حاجه بتتمنيه اوعدك بس انتي توعدني انك تخفي عشاني انا مقدرش اعيش من غيرك يا نور انتي قلبي اللي بينبض
نور : اوعدك يا سيف اوعدك
سيف بمرح : طيب جهزي نفسك يا عروسه اني انا واهلي هنجي نتقدم رسمي بكرا هنيجي نطلب ايديك من اختك افرحي كده ده انتي هتكوني مرات سيف محمد سليمان يالا روحي عشان النهارده اجازه ليكي يا عروسه
نور : النهارده شغل وبكرا اجازه
سيف : النهارده اجازه و بكرا اجازه وبعده اجازه معتش في شغل فيه دراسة وبس مفهوم
نور : مش مفهوم
سيف : لأ مفهوم
نور : يبقي مفهوم استأذن انا
سيف : مع السلامه
انا مش عارفه وفقتك ازاي بس انا حاسه برده جوايا شعور اني برده بحبك انا اهم حاجه اعملها اروح اصلي وانام واصلي صلاه استخاره هذه الكلمات اردفتها نور في خاطرها وهي خارجه
باك
محمد : نقرأ بقي الفاتحه
وقرأوا الفاتحه واستأذنوا ومشيوا
في العربيه
رحمه : نور ده جميله اوي من جوا ومن برا
ناديه : انا حسيت ان هي جميله من جوا اكتر
فارس : انا عايز اخطب انا كمان
ناديه : و مالوا نخطبلك
فارس : بابا انا عايز اخطب بس اللي هخطبها منتقبه
محمد : ماشي
ناديه : ماشي يا بني بس اصبر شويه
فارس : حاضر
""""""""""""""""""""""""""""""""""""""""""""""""""""""عند احمد وساره
احمد : ذاكري يا دكتوره انت عايز تقدير فاهمه
ساره : يا شيخ ادعي بس اني اعدي صافي من غير حاجة
احمد : و الله اللي اعرفه انك تذاكري بجد و الباقي على ربنا
ساره : و نعمه بالله
"""”""""""""""""""""""""""""""""""""""""""""""""""""""
عند مصطفى ونهي
مصطفى : احسن حاجه أن صاحبتك قاعده معاكي
نهي : هي مش هتقعد كتير ده فرحها بعد الامتحانات
مصطفى : ما احنا برده فرحنا بعد الامتحانات بشهرين كويس
نهي : كويس سلام عشان اذاكر
مصطفى : ذاكري و اتجدعني كويس وخالي بالك من نفسك
نهي بضحك : و كلي كويس واشربي اللبن
مصطفى بهزار : الحمدلله انك عارفه الكلام ده
نهي : سلام يا مصطفى
مصطفى : سلام
ساره : مضحكيني معاكي
نهي : خالي الاستاذ احمد يضحكك
ساره : بقي كده انتي اللي اعلنتي الحرب
وقاعدوا يضربوا في بعض
نهي : ارحميني
ساره : انا خلاص تعبت سلام هخش انام
نهي : روحي روحي نوم الظالم عباده
ساره : بتقولي حاجه
نهي : بكح
ساره : بحسب
"”""""""""""""""""""""""""""""""""""""""""""""""""""""
سيف اتصل بمصطفي
سيف : انا خطبت نور رسمي من اختها انا و عيلتي
مصطفى بخوف من ضياع الفلوس : واتفقنا يا بيه
سيف : اتفقنا زي ما هو بس مقابل انك متظهرش في حياه نور ولا تحاول تدايقها سلام
مصطفى : هستلم الفلوس امتي
وكان سيف قفل ومسمعهوش
""""""""""''"”"""""""""""""""”"""""""""""”""""""""""""
تليفون سماح رن
ثروت : الو يا سماح انا طلقت الحربيه اللي كنت متجوزرها ورديتك لعصمتي
سماح : بعد ايه يا ثروت بعد ما سبتني انا وعيالي ومشيت عشان تروح للسنيوره بتاعتك
ثروت : كانت غلطه يا سماح سامحيني وارجعي انتي والعيال العيال واحشني قوي
سماح : هرجع بس مش دلوقتي يا ثروت
ثروت : مش هترجعي دلوقتي ليه
سماح : ظروف كده
ثروت : ماشي وانا مستنايكي
""""”"""""""""""""""""”""""""""""""""""""""""""""""""
اسعد : متقدملك عريس وانا موافق
جوري : بس انا مش موافقه
اسعد : هتوافقي يعني هتوافقي ده مصالح يا ماما مش لعب عيال
جوري : وانا مالي بالشغل
اسعد : اخر الكلام هتتجوزيه يعني هتتجوزيه وهتتجوزيه خلال الأيام الجاي جهزي نفسك يا عروسة
