وتا سير تقود يحرق طواسل مك يا شفار ،وجهك داير فحال لخرا تشوفوا لغنم ما ترعى
باطرون:خرجي علي من هنا يا شمكارة أنا لدرت فيك راسي وخدمتك عندي، 😠😠 خرجي قودي
أنا:شوف يا داك زامل، رزقي هاتحاطوا لي ولا ولله لعظيم حتى خبارك يجيبوها لخرين، سمعتي
تدخل واحد من لخدامين تما
خدام:تهدنوا حشومة هادشي لكديروا فيه راعيوا غير لخبز ولما لمشاركين
باطرون :حنا ما مشاركين والو دابا غادي تهز قلوعها وتقود علي من هنا 😤😤
أنا:شوف راك عارفني جلاخة وما نسواش، 500 dh ديالى تحضر دابا ولا قسما عظما حتى نفسك هنا را دينمي مقطوعة عطيني زمري ولله يعاوني يعاونك
باطرون :عارفك آش كتسواي،هاكي ها 500dh وشوفي عمرك تحطي رجليك عندي هنا سمعتي
أنا:وهو كدلك وأخيرا هانتهنى من نكيرك و من كمارتك (جمعت واحد مولاتي تنخيمة و تنخمتها ليه على كمارتو) تفووووووووو
باطرون:يحرق أصل مك (ضربت فيه وخرجت وخليتوا كيهلل راسو هههه)
اففففف أحسن حاجة درت هي خرجت من ديك لخدمة نهار كولو وهو يحرت علي فاللخر يعطيني 500dh بالمناسبة أنا خدامة فالقهوة كنغسل لماعن ،بعدما كنت سرباية؛بسباب واحد لمشكيل مع واحد زامل دخلت وليت كنغسل لماعن، تفوووووو على حياة، مهم أنا سميتي نورة واخا هاد سمية شحال هادي ما سمعت شي واحد كيعيط علي بيها لا حقاش فالدرب كيعيطوا علي بدر ههه، آه بدر لا حقاش ما عندي حتى علاقة باﻷنوثة، نوصف ليكم المضهر الخارجي ديالي ،🙇 مهم أنا دايما كنلبس واحد لمونطو فلون موطارد كبير علي شوية يعني ما كيبينش فورمتي وكنلبس معاه واحد سروال ديال لكيطما كان ديال خويا مي مع شهاب مبقاش كيلبسوا وكنحط على راسي طكية زر قة جامعة لي شعري، شعري فلون دهبي ولكن ما كنحملش دينمو معدبني تفووو طويل ما كرهتش نقطعوا ولكن كلشي من حليمة واقفة لي فعودي، أما وجهي ما عرفتش كيفاش ها نوصفوا ليكم ولله ما عرفت لمهم على حساب داكشي لكتقول لي حليمة وجهي بيض ولكن بسباب شمس ولا زرك أما عيني فهوما خضرين، داك لخضر لمشعشع شحال من واحد كيقول لي ليلونتي ولكن هاداك هو لونهم، أما فومي آش ها نقول ليكم حالتوا كولوا زرق بسباب لكاروا 😒 اه لكاروا مالكم مصدومين ختكم كماية، وماشي غير لكاروا لكندير لا كنسكر و كنشم شيفونة يعني لانكول ومرة مرة قروقوبي و زيد وزيد مهم بإختصار لمفيد ختكم شمكارة من طراز رفيع ، آه اه كنعتارف بلي أنا شمكارة ولكن عدويا شي واحد يقولها لي لا حقاش بدون شعور نقدر نخلي دار عشتوا ونسيفطوا كوما لسبيطار ، بصراحة إلى بغيتوا نعرفكم علي مزيان خاص لمزاج يكون هو هداك هادشي علاش خاصني حتى نضرب طاسة وهاني معاكم، اففففف هاد طريق شحال طويلة؛أنا دابا غادة عند بق، هاد بق معروف فدرب سلطان بلي كيبيع جميع أنواع للمخدرات ،وفوق هادشي بثمن رخيص ،وأخيرا وصلت
يتبع. ....😘😘
