Gun N Roses

Gun N Roses 9

Part 9

Seminggu udah nya ..

Lyana ngitung ari iya diau ba rumah nya .Pengudah ka bejalai meli gari ari nya aja tudah Lyana meda utai ba luar kelimpah ari nya idup iya dipejal enda tau pansut ari bilik indah makai pen pemakai dianjung urang ka bilik udah nya dikunci ari luar .Lebuh ka ngasai pengidup diri baka burung dalam sangkar ati Lyana nyida deka ngelari ka diri ari bilik .
"Manah aku pansut ari neraka tu ka iya nyawa aku bebadi lesi parai enda disengai enggai meh aku nyadi kesulai inang sida iya ditu ." pia ko Lyana bejaku kediri mendil mendil belah bilik ngiga akal dikena iya lari .
"Fikir Lya !Fikir !Nuan mesti pansut ari sekilung tedung ular bisa " ko Lyana meransang ati iya mata Lyana enda pulai berati ka mua jendela .Kaki Lyana begadai gadai mansang ngagai jendela ka ditutup urang rapit nya .Baru iya deka muka jendela nya dia Lyana ninga urang deka tama ngagai bilik iya .

Pintu semiak tanda urang bisi tama Lyana udah bekerendut dada ngaga diri ka enda ninga urang datai .Iya mega ngeluluka diri tegenung merening ka luar jendela .
"Lya ..!!"ko nyawa mumy mansa pending Lyana .
"Lyana" Dua kali mamy ngangau baru Lyana nyaut ngaga diri enda ninga .
"Nuan mumy ..." ko Lyana nyaut malik seretai enggau tuchum ba mulut pura pura gaga .

"Jauh nuan ngenung ..ingat ka sapa? " ko mumy seraya ka malas tuchum Lyana .Lyana enda nyaut tang nuduk ka burit ba ba sofa ba sepiak mumy.
"Mayuh pengingat datai sangkai ba pala mumy ..enda betah urang ti jauh ..." ko Lyana tuchum tuchum ngenyit ka mata iya ngemula ka mumy nya .
"Hihihi nemu endar nuan beduan aku ..gerinti nuan enda sabar deka di bai Browen nyadi ka bini iya tu ." pia ko mumy kelanjur nundi Lyana .
"Browen ?Sapa nya ?" ko Lyana ingin deka nanya ka sapa lelaki ti disebut mumy nya .

"Browen nya meh laki ti ka ngambi nuan ka bini ukai mina sigat tang pemisi reta pengaya sida sebilik iya enda alah empa nemu nuan ....nuan tu cukup betuah laban iya milih nuan ." Lyana ka ninga ngenung dulu asaika enda arap .
"Aku nyadi bini iya .. Ba umur ku baru 17 taun tu belaki ..parai nyawa " ko Lyana nempap kening iya .
"Anang muai tuah Lya ..mayuh urang enda bidik baka nuan Lyana .Udah manah Browen mai nuan pansut ari alai tu ..aku kasih meh ka nuan ukai ba ditu alai nuan ka bendar iya tang laban menyadi nuan empu nyual nuan ngagai kami ." Ati Lyana begetar ingat ka diri dijual Erric empai lama .
"Kaban perut ikan madi perut jani .sampai mati pen aku ingat ila iya nyepi diri tulah udah masau pengidup aku bakatu ." ko Lyana begedi jari digenggam iya tanda ati iya cukup ringat .

"Pansut nuan ari tu ila ..ni ko nuan ka ngaga nama tang seagi nuan ba jaga aku ...nadai ulih iya ngacau nuan agi asal nuan enda ngaga ulah ba ditu kandang Browen ka bedau datai ..." ko Mumy mekat Lyana .Asai ka enda percaya Lyana ninga jaku sebut Mumy .Agi enda arap ka indu baka Mumy nya agi bisi ngembuan pengasih .Udah ka bejaku enggau iya enda lama Mumy lalu pansut laban bisi urang telefon ngagai iya ....