و فجاة النور اطفا و فتح و كانت المفاجأة ان فهد واقف مكان المغنى
فهد: انا عاوز اهدى الاغنيه دي لاميرتى مليكه
و شاور على مليكه
مليكه مزهوله من اللى بيحصل
فهد بدا يغنى ....
🎵انتِ جاية من الأرض ولا جاية من السما
ده اللي زيك بيجي مرة كل مية سنة
من نظرة روحت فيها وانتِ برضه مش هنا يا ويلي انا
كل حاجة نفسي فيها في العيون دي شوفتها
كل حاجة جميلة انتِ أجمل منها
أكتر واحدة في حياتي احس بيها وأحبها يا روحي انا
انتِ جاية مَن الأَرْض وَلا جاية مَن السما
ده اللَيّ زِيّكَ بيجي مَرَّة كُلْ مية سَنَة
مَن نَظْرَة رَوَّحَت فِيها وَانتِ بَرَضَهُ مَشَّ هَنّا يا وَيْلِي آنا🎵
فهد راح سند مليكه و قومها علشان ترقص معاه و مليكه قامت معاه و هى سرحانه فيه و فى صوته الجميل و نسيت انها تعبانه هى كانت حسه انها فرحانه اوى و طايره و كانت على طول بصه فعنيه و هو باصص فى عينها و هو بيغنى كان بيوجهلها كلام الاغنيه مع ابتسامه.
🎵كُلْ حاجَة نَفْسِي فِيها فِيَّ العُيُون دِي شَوَّفتَها
كُلْ حاجَة جَمِيلَة انتِ أُجَمِّل مِنها
أَكْتَر واحِدَة فِيَّ حَياتِي أَحِسّ بِيهاً وَأُحِبّها يا رُوحِيّ آنا
يا حلم بعيد يا جايز نفسي يبقي أكيد
خيال بحلم تطوله الإيد وتجمع بينا يوم مواعيد
يا حلم بعيد ده أنا اللي في ليل هواكي وحيد
بغنيلك بقول وبعيد هواكي في قلبي نار بتقيد🎵
فهد مسك ايدها و حضنها و باسها و حطها على قلبه
🎵يا حُلْم بَعِيد يا جايز نَفْسِي يُبْقِي أَكِيد
خَيّال بِحِلْم تُطَوِّلهُ الأيد وَتُجَمِّع بَيَّنا يَوْم مَواعِيد
يا حُلْم بَعِيد ده أَنا اللَيّ فِيَّ لَيْل هواكي وَحِيد
بغنيلك بِقَوْل وَبَعِيد هواكي فِيَّ قَلْبِي نار بِتَقَيُّد 🎵
خلص فهد غنى و الناس صقفت جامد جدا على صوت فهد و على رقصهم الجميل هما كانوا منسجمين كانهم اتنين عشاق بقالهم سنين
فهد : اظن كده مبقتيش زهقانه
مليكه :انت صوتك حلو اوى بجد
فهد: شكرا ،المهم اتبسطى
مليكه : اوى اوى انت مش متخيل انا فرحانه ازاى انت عارف انا عاوزه ايه امشى فى الشارع و اقول انا فرحانههههه
فهد: ههههه لو اعرف انك هتتبسطى كده كنت غنيت من زمان
مليكه : بس انت عرفت الاغانى ده ازاى مش انت كنت عايش فى ايطاليا
فهد : كنت عايش فى ايطاليا مش فى كوكب تانى و بعدين سليم على طول كان بيشغل اغانى مصرى كتير تقريبا مكنش بيشغل ايطالى علشان كده عرفتهم
مليكه : امممم فهمت ....هو انا ممكن اطلب طلب
فهد: طبعا
مليكه: ممكن تبقى تغنيلى كده على طول
فهد : تدفعى كام
مليكه: بجد بطل غلاسه
فهد: يا بنتى لمى لسانك ده شويه
مليكه : ههههه مينفعش
و قطع اللحظه ده صوت جه من ورا فهد
كارمن : لا مش ممكن ايه الصدفه الغريبه دي
مليكه : هى فعلا غريبه ، و بصوت واطى : هى البت دي طالعالى فى البخت لا مفيش كده
كارمن : نعم
فهد: ايه يا كارمن بتعملى ايه هنا
كارمن : مفيش كنت جايه انا وصحابى و لقيتك قولت اجى اسلم عليك بس....هو انتو على طول كده مع بعض
مليكه و هى مسكه ايد فهد : اه
فهد : طب يا كارمن هنروح نقعد احنا بقى
كارمن : متخليك معايا لحد ما صحابى يجوا
مليكه : لا معلش اصل احنا لازم نمشى
كارمن : خلاص امشى انتِ و فيرو هيقعد معايا ..
كارمن قربت من فهد و هى بتحط ايدها عليه و بتبصله بإعجاب : بس تعرف انا مكنتش اعرف ان صوتك حلو اوى كده ....زيك بالظبط كل حاجه فيك تجنن
مليكه هتولع منها و من قربها و جاتلها فكره
مليكه كانت تعبانه بس مش لدرجه انها هتقع مليكه بتمثيل: فهد الحقنى
فهد و هو بيسندها: مليكه مالك تعبانه
مليكه : اه حسه انى دايخه يلا نمشى
فهد : يلا
مليكه : حبيبى ممكن تشيلنى لحسن مش قادره امشى
فهد بخبث : طبعا انا اصلا يا روحى كنت هشيلك مينفعش اميرتى تمشى كده
مليكه : طب يلا لحسن المكان هنا خنقه
فهد: يلا يا حبيبتى سلام يا كارمن
شالها فهد و مشى بيها ، بصت هى وراها و هى مسه فى رقبه فهد بصت لكارمن راحت مطلعلها لسانها و مسكت فهد جامد و هى بتبصلها و كانها عاوزه تقولها ده فهدى انا و بس ، خرج فهد بيها و ركبها العربيه
فهد: احسن دلوقتى يا حبيبتى
مليكه بفرحه ولا كانها كانت تعبانه : اه
فهد: مالك فرحانه كده ليه
مليكه: ايه بلاش افرح
فهد: لا خليكى كده مبسوطة ، بس ده انتِ طلعتى مش سهله
مليكه: على ايه
فهد: على حوار كارمن
مليكه : ما هى اللى رخمه و لزقه
مليكه و هي بتقلد كارمن : بس تعرف انا مكنتش اعرف ان صوتك حلو اوى كده ....زيك بالظبط كل حاجه فيك تجنن ..عايزه تضرب بالجزمه على دماغها
فهد بابتسامة: بس متوقعتش تعملى كده و لا انك تغيرى كده
مليكه بشراسه : علشان تحرم تقرب لحد ملك غيرها
فهد بخبث : و هو انا ملكك
مليكه ادركت هى قالت : .ايه ... يعنى ..اه مش أنت بتقول لازم نحترم الاتفاق
فهد بمكر : الاتفاق اه
فهد فى سره : و الله لخليكى تعترفى انك بتحبينى و ان كل ده مش اتفاق
و ابتسم و مشى بالعربيه
____________________________________
عند كارما و سليم .....
راحوا كافيه على النيل
سليم : حبيبتى ايه رايك فى المكان
كارما: تحفه
سليم : اهم حاجه انه عجبك و انك اتبسطى
كارما: يا حبيبى طول ما انت معايا انا هبقى مبسوطه
سليم : و الله انا كده هقع منك من الكلام الحلو ده
كارما: هههههه تعرف ان انا بقعد افكر انا حبيتك امتى و ازاى ده انا مكنتش بطيقك
سليم : ميرسى يا قلبى هههههه
كارما: هههههه بجد والله انا مش عرفه انا عشقتك كده ازاى انا و انا معاك بحس انى طايره مش على الارض و لما بتغيب عنى شويه صغيرين بحس انى مخنوقه
سليم : تعرفى انا بقى حبيتك من امتى ، من ساعه ما جيتى علشان امضى على ورق الاجهزه بصراحه ساعتها اعجبت بيكى و كده كنت هتسلى شويه و خلاص بس بعد كده حبيتك لا عشقتك لما كنت بشوف الواد اللى اسمه مازن ده معاكى كنت ببقى عاوزه اروح اقتله فساعتها كررت انى لازم اعترفلك بحبى بس كنت خايف لا تكونى مبتحبنيش بس فرحت اوى لما لقيتك بتبادلينى نفس الشعور
كارما: يعنى انت دلوقتى بتحبنى بجد
سليم : و اكتر مما تتخيلى
كارما: حبيبى
جه صوت : مش معقول سليم
سليم : ندى
ندى : عامل ايه واحشتنى
سليم : احم الحمد الله و انتِ
ندى: الحمد الله ايه رجعت امتى
سليم : من فتره ، انتِ هنا لوحدك
ندى : لا معايا اياد زميلى فى الجامعه بنشتغل على المشروع بتاع الجامعه استنى انادى عليه ...اياد
كارما قاعده هتنفجر
كارما: مين دي يا سليم
سليم: ده ندى اخت واحد صاحبى
كارما : بس الظاهر انكوا واخدين على بعض اوى
جة ندى و اياد
ندى : اياد ده سليم ....، سليم ده اياد
الاتنين : اهلا
اياد: طب ايه يا ندى مش تعرفينا بالجميل
سليم بغضب : اعرفك انا كارما خطبتى
اياد : بجد يا خساره
سليم : هو ايه ده اللى خساره يلا انت
اياد : ايه يا عم خف شويه انا كنت فاكرها سنجل و بصراحه هى حلوه اوى
سليم : انت عبيط يلا
اياد: دي الحقيقه
سليم : احترم نفسك بدال مدفنك هنا يا حيوان انت
ندى بحزن : بس انت يا سليم مقولتليش انك خطبت
سليم مسك ايد كارما : الموضوع لسه جديد ملحقناش نقول لحد
اياد: اهلا يا كارما اتشرفت بمعرفتك
كارما بابتسامه : ميرسى الشرف ليا
سليم : يلا علشان نمشى
اياد : ليه ما لسه بدرى
سليم : خليك فى حالك يلا باى
ندى : باى
و سحب سليم كارما من ايدها وراه و خرجوا
كارما بغضب: سلييييم ايه انت ساحب جاموسه وراك استنى
سليم و هو بيقلدها : ميرسى الشرف ليا..عاجبك اوى
كارما : انت بتكلمنى كده ليه انا مقولتش غير ميرسى و ده الرد الطبيعى يعنى
سليم : لامش طبيعى انتِ مكنتيش سامعه هو بيقول ايه
كارما: يعنى مردش عليه مش فاهمه ايه ده
سليم: اه مترديش
كارما: سليم انا مش بحب التحكمات و بعدين انا مغلطش
سليم : لا غلطى و على الله تتكرر تانى
كارما : متتكلمش معايا بالاسلوب ده انا ماشيه
سليم : انتِ رايحه فين مش فى راجل معاكى لا كيس جوافه انا اركبى العربيه
كارما : مش راكبه و عاوزه اروح لوحدى
سليم : اركبى متخلنيش اتعصب عليكى يلااا
كارما: اوففففف
و ركبوا العربيه و مشيوا
____________________________________
عند نور فى البيت
مروان بيرن عليها ...
نور : عاوز ايه
مروان : هو مش انا كنت قايلك متمشيش لانى عاوزك و بكلمك من امبارح مش بتردى ليه
نور : مكنتش فاضيه
مروان بزعيق: الهانم وراها ايه
نور : اختى كانت فى المستشفى و متزعقليش كده
مروان بهدوء : مالها
نور: تعبت و راحت المستشفى
مروان : انا اسف متزعليش على نرفزتى عليكى
نور : مروان انت عايز ايه
مروان : عايز اتكلم معاكى شويه
نور : علشان ننهى الحوار ده نتكلم بكرا فى الجامعه
مروان : ماشى
نور : باى
مروان : باى
____________________________________
عند فهد و مليكه ....
وصلوا السينيما ....
مليكه: انا فرحانه اوى
فهد: اهم حاجه بس انتِ قادره تمشى
مليكه: اه متخافش
فهد: لو تعبتى قوليلى
مليكه: حاضر
فهد: استنى هنا هجيب التذاكر و جى اوعى تتحركى
مليكه: حاضر
فهد: بتبقى عسل و انتِ بتسمعى الكلام ، مش هتأخر
مليكه بابتسامه: ماشى
و قفت مليكه تستنى فهد و هى واقفه فى حد خبط فيها
مليكه: مش تفتح
الشاب : انا اسف .....، ممكن اسألك سؤال
مليكه بعصبيه : نعم
الشاب : هى الملايكه نزلت على الارض امتى
مليكه : ايه
الشاب : اصل انا مشوفتش حلاوه كده
مليكه : احترم نفسك انت مش محترم
الشاب : ما تيجى اعزمك على فيلم و اهو بدل ما القمر واقف لوحده
مليكه : ابعد يا حيوان انت
الشاب : ليه بس كده يا عسل ، ده انا ....
مكملش الجمله و كانت ايد فهد مسكاه من رقبته
الشاب : اه هموت
فهد بغضب : انت مين و عايز ايه منها
الشاب بخنقه : كنت فاكرها لوحدها و هى حلوه جداا الصراحه
فهد شدد على قبضته : يبقى تقول على نفسك يا رحمن يا رحيم
مليكه: فهد هتموته فى ايدك
فهد بغضب : احسن علشان يحرم
مليكه: فهد سيبه حرام ، فهد علشان خاطرى سيبه
فهد سابه و مسكه من لياقه القميص و بغضب : هى اللى رحمتك من ايدى مع ان بعد الكلام اللى انت قولته ده المفروض تكون ميت
و زقه و الواد طلع يجرى
مليكه : ده كان هيموت فى ايدك
فهد: يستاهل مفيش حد يتجرا و يبصلك ...ده المفروض يبقى مش عايش اصلا
مليكه بكسوف و خدودها احمرت : طب انت حجزت فيلم ايه
فهد : يخربيت موسم الطماطم اللى بيظهر فجاة ده هيجيب اجلى
مليكه : هو ايه
فهد : متخديش فى بالك ، انا حجزت فيلم رعب
مليكه: رعب لا لا انا مبحبش الرعب بخاف منه
فهد بضحك : ههههه بتخافى و الله بجد
مليكه: بتضحك على ايه و الله بخاف منه
فهد: كل ده جرافيك
مليكه: عارفه
فهد: يعنى عارفه و بتخافى
مليكه: اه ما تشوف اى فيلم تانى
فهد: مفيش كلهم رومانسى
مليكه: و طبعا فهد الكيلانى مش هيخش رومانسى
فهد : وليه لا
مليكه : يا سلام يعنى انت ممكن تدخل فيلم رومانسى
فهد : خلاص انا عندى ديل انت تدخلى معايا الفيلم الرعب و انا اخش معاكى مره تانيه فيلم رومانسى
مليكه: بس انا مش بحب الرعب
فهد بخبث : صح ما انا جايب معايا عيله بتخاف تحبى نخش فيلم كرتون
مليكه بعصبيه: انت رخم على فكره ...خلاص انا موافقه على الديل يلا ندخل
فهد بابتسامة نصر: يلا يا قطتى
مليكه فى سرها : ايه اللى انا هببته ده لازم يعنى تتفزلكى
فهد: ايه رجعتى فى كلامك ولا ايه
مليكه: مش انا اللى ارجع فى كلامى
و دخلوا الفيلم و طول الفيلم مليكه مخبيه وشها فى دراع فهد و عماله تصوت و هو سرحان فى حراكتها الطفوليه و عمال يضحك على صواتها
____________________________________
فى عربيه سليم.....
كارما قاعده فى العربيه ساكته .....
سليم بهدوء : هتفضلى قاعده ساكته كده
كارما مش بترد
سليم : يعنى اهون عليكى افضل اكلم نفسى
كارما: زى ما انا هنت عليك تكلمنى كده
سليم: متزعليش يا روحى و الله انا من غيرتى عليكى عملت كده مستحملتش الواد ده يقول عليكى كده
كارما: و انا عاوزاك تعرف ان محدش مالى عينى غيرك
سليم: يعنى خلاص مش زعلانه
كارما: يعنى
سليم : خلاص بقى متزعليش
و فتح السقف بتاع العربيه
سليم بصوت عالى: بحبكككككك يا دكتورتى
كارما: يا مجنون بس
سليم : بحبكككككككككككك
كارما بابتسامة : فضحتنا
سليم : علشان الناس كلها تعرف انك حبيبتى انا و بس و ان انا الوحيد اللى ليا الحق اشوف الضحكه الحلوة ده
كارما بصوت عالى: بحبككككككك يا سولىىىىىى
سليم : ههههههه طلعتى اجن منى بحبك
كارما بفرحه : و انا كمان
__________________________________
عند فهد و مليكه....
فى العربيه
مليكه: بطل ضحك عليا
فهد: ههههههه مش قادر
مليكه: يعنى يارب يوم ما يضحك يضحك عليا
فهد: اصل احنا من ساعه ما دخلنا و انتِ مسكا فى دراعى و بتصوتى بس
مليكه: ما انا قولتلك انا مبحبش الرعب ، انا كده نفذت الديل الدور عليك بقى
فهد: و هو انتِ شوفتى حاجه منه
مليكه: مليش دعوه
فهد: ماشى و انا موافق
مليكه: فهد
فهد: نعم
مليكه بتردد : هى … كارمن ده انت تعرفها منين
فهد: بصى انا عرفتها لما كنا فى ايطاليا كنا شبه متصاحبين فتره و بعد كده خلاص و هى رجعت مصر قبلى بكتير
مليكه : يعنى كنت بتحبها
فهد: لا محبتهاش
مليكه: طب ازاى كنتوا متصاحبين و انت مش بتحبها
فهد: انا دخل حياتى ستات كتيييير اوى اكتر مما تتخيلى بس محبتش ولا وحده لان انا مكنتش بعتبر ان عندى قلب و لا بؤمن بالحب
مليكه: و دلوقتى بتؤمن بالحب
فهد: يمكن
مليكه : يعنى ايه يمكن ما هو يا اه يا لا
فهد : انا حكتلك قوليلى انتِ بقى معاذ ده بالنسبالك ايه بجد
مليكه : يعنى بتهرب من السؤال بشياكه ماشى ، انا قولتلك قبل كده انا معاذ ده بالنسبالى اخ و بس ، بس عارف انا بقى بؤمن بالحب
فهد: الحب ملوش وجود
مليكه: مينفعش لو مفيش حب فى قلبك هتموت لانك مش هتعرف تعيش يعنى لازم يكون الحب موجود مش لازم يكون بين اتنين بيحبوا بعض لا يعنى حب الاب لاولاده و الام لاولادها ، حب الصحاب لبعض و الخوف عليهم ، حب الاخوات فى اشكال كتير اوى للحب اكيد فى حياتك واحد منهم يعنى انت مش بتحب بباك
فهد: طبعا بحبه و بدرجه ملهاش حدود
مليكه : و سليم
فهد: سليم ده اكتر من اخويه كان معايا على طول و فى ضهرى انا متخيلش حياتى من غيره
مليكه : مامتك
فهد اتعصب لمجرد ذكر اسمها بس مليكه لاحظت ده و حاولت تتجاهل السوال
مليكه: اهو يعنى بتحب ، بتحب بباك و سليم و اكيد فى ناس تانيه بتحبها و انت مش واخد بالك يبقي ازاى مفيش فى قلبك حب و ازاى معندكش قلب و انت بتحس بالحب تجاه الناس اللى بتحبها
فهد : انت اول حد يقنعنى و يوم ما يقنعنى يقنعنى بالحاجه اللى طول عمرى بنكر وجودها
وصلوا عند بيت مليكه
مليكه: علشان تعرف بس هههههه
فهد : بس فى حد مسالتنيش على حبه
مليكه باستغراب : مين
فهد : انتِ
مليكه بتوتر : انا اتاخرت و لازم انزل
و جت تفتح الباب ، فهد مسك ايدها و باسها
فهد بابتسامة : شكرا
مليكه : العفو انا اللى المفروض اشكرك على اليوم الحلو ده
فهد: بكرا متجيش الشركه
مليكه : لا جيه انا مش هقدر اقعد فى البيت
فهد: انتِ ليه عنيده
مليكه بابتسامه : زايك
و نزلت من العربيه
فهد: ياترى هتعملى ايه فيه يا مليكه دخلتى شقلبتى حياتى
مشى فهد روح
____________________________________
سليم و صل كارما
سليم : متتسيش تكلمى بباكى فى موضوعنا
كارما: حاضر هقوله
سليم : ماشى يا قلبى
كارما: باى
سليم : باى
نزلت طلعت البيت و سليم روح
____________________________________
عند مليكه ....
عز : مليكه عامله ايه
مليكه بفرحه : الحمد الله يا بابا
عز : يعنى مش تعبانه
مليكه : الحمد الله لا يا بابا
عز : اتبسطى
مليكه: جداا
عز : ربنا يبسطك دايما
مليكه : هو ماما فين
عز : فى المطبخ
مليكه : اخش ارخم عليها شويه و بعد كده انام
عز : ماشى بس متنسيش تاخدى الدوا
مليكه: حاضر
____________________________________
عند كارما....
كارما : ماما بابا هنا
مامتها : اه جوا
كارما: قولتيله على حاجه
مامتها : لا مستنياكى
كارما: طب يلا نقوله بقى بس خليكى معايا
مامتها : حاضر
دخلوا لباباها
كارما: بابا حبيبى بيعمل ايه
سالم : تعالى يا بكاشه الحمد الله و انتِ
كارما: الحمد الله
سالم: مبقتش بشوفك خالص ولا بنتكلم
كارما : ادينى اهو جيت يا سيدى علشان نتكلم
سالم : خير يا حبيبتى
كارما: بص انا عاوزه اقولك على حاجه .....
و حكت له الى حصل مع سليم
سالم : و انتِ بتحبيه
كارما: جدااا
سالم : خلاص يا حبيبتى خليه يجى يقابلنى و انا هكلم اخوكى برده اقوله علشان برده يبقى عارف
كارما بفرحه : حبيبى يا بابا هقوله
سالم: ربنا يكرمك و يسعدك يا بنتى يارب و راحت كارما كلمت سليم و هو فرح اوى اوى و قالها انه هيكلمه يحدد معاه معاد
____________________________________
وصل سليم القصر بعد ما كارما كلمته لقى فهد قاعد على الكنبه سرحان و مبتسم
سليم: فهد بيضحك القيامه هتقوم
و فهد سرحان و مسمعهوش اصلا
سليم: لا ده الواد ضاع خلاص ده اتجنن عملتى فيه ايه يا مليكه ….فهد ...فهد ..فهههههههددد
فهد : ايه يا بنى انا هنا جنبك انده براحه فزعتنى
سليم : انا بنادى بقالى ساعه و انت فى ملكوت تانى ... هى واخده عقلك للدرجادى
فهد و هو سرحان : ده هتجننى
سليم : هى مين
فهد بسرحان : مليكه
بعد كده ادرك هو قال ايه
سليم :اخيرا يا شيخ قولتها
فهد: تعرف انك عيل رخم
سليم: بس خليتك تقولها ، قولى بقى بتفكر فى إيه
فهد : هو انت عرفت ازاى انك بتحب كارما
سليم : كنت بحس انى فرحان اوى لما ببقى معاها انى على طول ببقى عاوز اشوفها و بتضايق اوى لما تبعد عنى او فى حاجه تزعلها و ببقى هولع لما اشوف حد بيكلمها او هى بتضحك معاه
فهد: يعنى كده .....
سليم بفرحه : ايه وقعت يا كينج
فهد: مش عارف بقى
سليم: متكابرش لانك ممكن تتاخر و ساعتها الندم مش هينفع الحقها بدل ما تروح من ايدك و تحب حد تانى
فهد: تحب حد تانى ده انا كنت موتها هى و هو
سليم : ده انت حبتها بجد
فهد: و الله باين كده
سليم : باين ايه ما هو يا اه يا لا
فهد: اه يا عم حبتها ارتحت
سليم : يا فرج الله معقول الحجر اللى جوا ده حب
فهد: اه حب بس مش عارف هعمل ايه فى حوار ادهم هى لو عرفت شغلنا الحقيقى هتبعد و هتكرهنى
سليم : لو بتحبك مش هتبعد
فهد: لو بقا .. انا معرفش هى بتحبنى و لا لا
سليم : و الله الى شايفه انها بتحبك
فهد : طب ما تحاول تعرف من كارما
سليم : ماشى بس عد الجمايل
فهد: ماشى يا قناص تتردلك
سليم: بس هي لو طلعت بتحبك هتعمل ايه هتقولها و لحد ما تعرف هتتعامل معاها ازاى
فهد: هتعامل عادى لحد ما اعرف و لو هى بتحبنى ساعتها هقولها على كل حاجه
سليم : بس هتقدر تتعامل كان مفيش حاجه كده
فهد: متنساش انى الكينج يعنى اقدر
سليم : و الله مش عارف لما هتعرف هتعمل معاك ايه هل ممكن تخاف
فهد: لا مليكه مش هتخاف او حتى لو خافت مش هتبين دي هتبقى عاوزه تتحدانى اكتر
سليم : ده انت شكلك حافظها
فهد: طبعا ده مش بتروح عن بالى
سليم : مش هى دي برده اللى من شويه مكنتش عاوز تعترف بحبها
فهد: و اعترفت ، و انت هتعمل ايه مع كارما
سليم : هى كلمت باباها و انا هكلم بابا و اخليه يجى و نروح نخطبها
فهد: و هتقولها انك قناص
سليم : مش عارف لسه
فهد: لازم تقولها لانها لو عرفت من بره هتزعل اكتر
سليم : هقولها بس مش دلوقتي
فهد : ماشى انا هطلع انام
سليم : و انا كمان
____________________________________
فى الصباح .....عند مليكه ...
تليفون مليكه رن .. مسكت الموبايل و ردت و هى نايمه و مغمضه عنيها
مليكه: ايه يا كارما سيبينى انام بقى
فهد: فى فهد ينفع
مليكه قامت مفزوعه : ايه فهد قصدى مستر فهد ..لا قصدى فهد
فهد: هههه اهدى.... يلا الساعه بقت ٨ انا جيلك فى الطريق علشان اخدك
مليكه : لا خليك انا هروح لوحدى
فهد: انا قدامى ربع ساعه و اكون عندك
و قفل الخط
مليكه : يا نهار ابيض ربع ساعه و انا معملتش حاجه
و دخلت تجرى على الحمام خدت شاور و لبست بسرعه
فهد رن عليها
فهد: انا تحت
مليكه : حاضر نازله
خرجت و سلمت على مامتها و باباها واخواتها و بعد محاولات اقنعهم انها تزل الشغل نزلت لفهد
مليكه : صباح الخير
فهد : صباح النور
مليكه : معلش اتاخرت
فهد بابتسامه : ولا يهمك
مليكه : بس احنا كده هنروح بدرى المفروض نبقى فى الشركه الساعه ١٠
فهد: ما انا عارف
مليكه: طب ايه اللى نزلنا بدرى
فهد: هنفطر مع بعض
مليكه: طب ليه مطلعتش فطرت معانا فوق
فهد: خليها مره تانيه
مليكه: ماشى
و مشى و راحوا علشان يفطروا مع بعض
____________________________________
عند كارما ....
صحيت و خدت شاور و لبست و التليفون بتاعها رن
كارما: سولى حبيبى صباح الخير
سليم : حبيبتى صباح الخير على احلى ورده فى حياتى
كارما: حبيبى بتعمل ايه
سليم: انا خلاص خارج دلوقتى من القصر و هعدى عليكى و نروح نفطر مع بعض
كارما: ماشى يا حبيبى
و قفلت مع سليم و كلمت مليكه ....
كارما: ايه انتِ لسه نايمه ولا ايه
مليكه : احم لا فهد عدى عليا و رايحين نفطر مع بعض
كارما : ولعا معاكى
مليكه : انتِ عرفه انا عاوزه ايه
كارما: اه عاوزه تشتمينى و مش عارفه علشان حبيبك جنبك
مليكه : بالظبط بس لما اشوفك يا حبيبتى متبقيش تجرى
كارما: سولى حبيبى هيدافع عنى
مليكه : محدش هيقدر يشيلك من تحت ايدى
كارما: بس ايه التغير المفاجئ ده امبارح يخرجك و النهارده بتفطروا سوا يعنى حاجه عسل
مليكه: مش عارفه انا كمان مستغربه
فى نفس الوقت تليفون فهد رن و كان سليم
فهد : نزلت ولا
سليم : اه رايح اخد كارما و هنفطر مع بعض
فهد: و انا واخد مليكه و هنفطر مع بعض
سليم :طب ايه رايك اجيب كارما و نفطر أحنا الاربعه مع بعض
فهد: فكره حلوه روح على المطعم اللى احنا متعودين عليه
سليم: ماشى يلا باى
فهد: باى
مليكه و كارما
مليكه : اول لما اروح الشركه هكلمك اقولك
كارما: اشطا هستناكى تحكيلى اللى هيحصل
مليكه : حاضر
كارما: يلا باى
مليكه : يلا باى
و قفلت معاها و فهد خد مليكه و راحوا المطعم و سليم خد كارما وراحوا المطعم
وصل سليم و كارما
سليم : بصى هناك كده
كارما بفرحه : ايه ده مليكه و فهد هنفطر مع بعض
سليم : اه ولا هتضايقى
كارما: بطل هبل انا فرحانه جدا
سليم : طب يلا يا روحى
و راحوا عند الطرابيزه اللى عليها فهد و مليكه
مليكه بفرحه : كارما ايه الصدفه الحلوه ده
كارما: دي مش صدفه الاتنين مظبطينها
مليكه : بجد اول مره يعملوا حاجه صح هههههه
فهد بابتسامة : و الله
مليكه بابتسامة: اه ههههه
سليم : ايه مش هناكل ولا ايه
فهد: يلا هطلب الاكل ….جارسون
طلبوا الاكل و بدأوا يكلوا
سليم : هتعملوا ايه بعد ما تخلصوا
فهد: هنروح على الشركه و حضرتك مش ناوى تيجى الشركه بقى
سليم : و ده سؤال اكيد هروح المستشفى طبعا لازم ابقى مع حبيبتى
كارما : حبيبى يا سولى
مليكه : يا أساتذه احنا هنا
فهد : دول مش معانا اصلا
كارما : ناس فصيله
سليم : قعدين مع اتنين حجاره مش بنى ادمين مفيش مشاعر
مليكه: كده يا سليم ماشى
فهد: سبنالك المشاعر يا عم الحبيب
كارما : مالكوا و مال حبيبى بكرا نشوف لما تحبوا هتعملوا ايه
سليم: حبيبتى يا نصفانى
مليكه : عقبالنا يارب
فهد: متقلقيش قرب قوى
سليم غمز لكارما و بخبث: صح يا مليكه انتِ بنوته حلوه و دمك خفيف و لطيفه و ظريفه و شاطره ليه مرتبطيش لحد دلوقتى
فهد وشه بقى احمر من شده الغضب
مليكه: يمكن لسه ملقتش اللى يعشقنى
سليم: ده انتِ داخله على كبير
مليكه: ههههه طبعا
فهد: و لو لقيتيه هتقبلى تبقى معاه
مليكه: لو بحبه اكيد اه
فهد: لو مش بتحبيه
مليكه: لا لانى هبقى بظلمه
سليم: شايف القلب.... مش حتت تلج قاعده
كارما : و انت يا فهد ليه مرتبطش لحد دلوقتى
فهد: بصراحه كنت الاول مبؤمنش بيه كانت حياتى كلها بنات و مكنش فى دماغى ان يكون فى واحده بس هى اللى تبقى فى حياتى لحد..
مليكه بغيره و غضب : لحد ايه
فهد: لحد ما دخلت حياتى واحده مجنونه لغبتطت حياتى فهمتنى يعنى ايه حب ساعتها خلتنى اغير وجه نظرى و بقيت نفسي هى اللى ارتبط بيها
كارما بخبث : يعنى حبيتها
فهد بص لقى مليكه مستنيه اجابته
فهد : هقولك بينى و بينك لان فى اتنين ملمعين اوكر
كارما : اتفقنا هههههه
مليكه : انتوا الاتنين رخمين
سليم : اوى والله يا مليكه
كارما:ههههههه خليكوا كده متغاظين
سليم : بقى كده ماشى
فهد: هتعمل ايه يعنى
سليم : اتقل ، مليكه تعالى اقولك على حاجه
و همس فى ودن مليكه : اخليلك ابو زيد الهلالى ده يولع
مليكه بهمس : اه اهو نتسلى شويه هههههه ، هتعمل ايه
سليم :هههه مش هعمل بس بصى كده فوق
بصت مليكه لقت فهد هيضرب سليم
فهد لنفسه بغيره : هو بيقولها ايه و ازاى يقربلها كده ، بس ده زى اخوها ، بس برده محدش له الحق يقربلها غيرى
فهد :انت بتقولها ايه
سليم : ملكش دعوه ده سر
فهد : بقى كده طب يلا يا بقى على شغلكم و انتِ يا هانم اتفضلى قدامى
و خد مليكه و مشى
____________________________________
سليم بضحك : علشان تبقى تحرم
كارما : هههه حرام عليك ده ماشى يولع
سليم : احسن يمكن يحس على دمه ، بس انا عاوز اعرف هى مليكه بتحبه
كارما: هى لحد دلوقتي معترفتش بيها بس تصرفاتها بتدل انها بتحبه، طب و فهد
سليم : فهد بيحبها بس مش عاوز يقولها لحسن تكون مش بتحبه
كارما : طب هنعمل ايه
سليم : لازم نخليهم يقولوا لبعض
كارما: اه و لانى كمان حسيت بحبه ليها فى بصته هو بيبصلها بصت حب بجد
سليم: خلاص يبقى بصى انا هحاول افهم فهد ان مفيش حد فى حيات مليكه و انتِ تفهمى مليكه انه بيحبها بس بطريقه غير مباشره
كارما: اشطا يا سولى
سليم : اشطا يا روح قلب سولى
كارما : يلا بقى لحسن هنتاخر على الشغل
سليم : يلا يا روحى
____________________________________
فى عربيه فهد
مليكه بابتسامة :مالك
فهد بغيره : هو كان بيقولك ايه
مليكه : عاوز تعرف ليه
فهد بعصبيه : ما تجاوبى على طول ولا لازم اتعصب
مليكه بضيق : مقالش حاجه كنا بنرخم عليك ارتحت
فهد هدى بعد ما سمع كده : طب مقولتيش ليه من الاول
مليكه : و انت تتعصب ليه كل ما لحظه حلوه تعدى لازم تبوظها بزعيقك و عصبيتك
فهد: خلاص متزعليش مش هتعصب تانى
مليكه بضيق : كل مره تقول كده و برده بتتعصب و تزعق
فهد : لا خلاص هحاول متعصبش تانى
مليكه : وعد
فهد ابتسم على طفولتها : وعد
وصل فهد و مليكه الشركه .....
مليكه : انا هروح على مكتبى
فهد : انا قولتلك انك هتقعدى معايا فى المكتب
و خدها و دخلها مكتبه
مليكه: اصل بصراحة مش هينفع اللى فى الشركه يقولوا ايه
فهد: هيقولوا واحد و حبيبته بيقضوا وقت مع بعض
مليكه : اوقات بستعجب تغيرك المفاجئ ده من واحد قاسى لواحد رومانسى
فهد: و انتِ بتحبى انهى واحد
مليكه : احم... يلا علشان نكمل شغل
فهد : دايما بتهربى من الاسئله بتاعتى
مليكه : هيجى يوم و هجاوبك على السؤال دي
فهد: و انا مستنى
مليكه : حتى لو كان وقت طول
فهد : هفضل مستنى
مليكه بفرحه : ماشى
و كملوا شغلهم...
____________________________________
عند كارما و سليم فى المستشفى.....
فى مكتب كارما دخل مازن.....
مازن : كركر
كارما بعصبية: نعم
مازن : مجيتيش امبارح ليه
كارما: مليكه صحبتى كانت تعبانه و فى المستشفى و كنت معاها
مازن : الف سلامه عليها طب هتعملى ايه بعد ما تخلصى
دخل سليم و مسك ايد كارما ...
سليم : هتيجى معايا
مازن : بصفتك ايه
سليم : خطيبها
مازن : ايه هو مش انتِ كنتى رافضه الموضوع ولا هى حلوه مع غيرى ولا علشان هو غنى
سليم ضربه بوكس فى وشه و قعد يضرب فيه
سليم بزعيق : اسمع يا حيوان انت على الله اسمعك بتنطق اسمها على لسانك ماشى
مازن كان هيموت فى ايد سليم
كارما بعياط : سيبه يا سليم علشان خاطرى
سليم سابه و راح لكارما حط ايده على وشها و مسح دموعها
سليم : اششششش متعيطيش ده كلب ميستهلش دموعك بسسسسس انا جنبك تعالى معايا
و خدها و خرجوا من المستشفى ....
فى العربيه ...
سليم: اهدى يا حبيبتى
كارما بعياط: انت مسمعتوش قال ايه والله يا سليم انا بحبك مش علشان الفلوس و الحوارات دي
سليم : اهدى يا قلبى و مين قالك انى صدقته انا بحبك يا كارما و واثق فيكى
كارما: بجد
سليم : بجد يا قلبى بس بطلى عياط بقى ده حيوان،…… انا عندى فكره تيجى نروح عند فهد و مليكه الشركه
كارما: اه انا عاوزه اتكلم مع مليكه
سليم: من عيونى
كارما : تسلم عيونك
____________________________________
عند نور .....
نور صحيت و لبست و نزلت علشان تقابل مروان فى الجامعه قبل المحاضره
____________________________________
عند مليكه و فهد….
مليكه : انا هروح اجيب التصميم من مكتبى
فهد: ماشى
راحت مليكه المكتب و اول لما دخلت لقت بوكيه ورد احمر جميل جداااا و معاه كرت مكتوب فيه الف سلامه عليكى يا قطتى .
مليكه فرحت اوى بالبوكيه و خدته و راحت على مكتب فهد
مليكه: فهد ميرسى اوى على البوكيه فعلا جميل جدا
فهد: بوكيه ايه ده
مليكه باستغراب: هو مش انت اللى جيبه
فهد: لا انا كنت جايبلك واحد تانى
و طلع البوكيه التانى من ضرفه المكتب كان لونه ابيض
فهد بغضب: و كنت هديهولك لما ترجعى بس البوكيه ده من مين
مليكه : مش عارفه انا افتكرته منك علشان كمان الكارت
و مكملتش كلامها
فهد : كرت و هو كمان جى معاه كرت و ريهونى
مليكه : ما الكارت هو اللى خلانى اتاكد انه منك لانه مكتوب فيه الف سلامه عليكى يا قطتى و حدش بيقولى كده غيرك
فهد غضب جداااا و غار جدااااا
فهد : هاتى البتاع ده
و رماه فى الزباله
مليكه : ليه ده كان حلو
فهد: و هو انتِ تعرفى من مين
مليكه : لا بس حرام ترميه
فهد: حرمت عليكى عشتك
و رن موبايل مليكه برقم مجهول ....
فهد : مين
مليكه: مش عارفه رقم غريب
فهد: طب هاتى
و فتح الاسبيكر و شاور لمليكه تتكلم ..
مليكه : الو ....
المتصل: يلاهوى هو فى صوت حلو كده
فهد عينه احمرت من كتر الغضب و كان مضايق اوى من كلامه
مليكه : مين معايا
المتصل : انا اللى بعتلك الورد و اه معرفتش اجيلك المستشفى بس كنت متابعك طول الوقت
فهد بعصبيه جامده : انت مين يا حيوان انت وجبت رقمها منين و تعرفها منين اصلا و عايز منها ايه
المتصل بالخبث: اهلا بالكينج
ياتري مين الي اتصل و بعت البوكيه ده ليه ..؟
و هل الي اتصل ده ليه علاقه بشغل فهد الحقيقي ولا دي لعبه من ياسين علشان يرجع مليكه ليه ؟
و فعلاً سليم مصدقش مازن ولا صدقه و عمل كده علشان يهدي كارما و بعد كده يعرف الحقيقه ؟
و لو ليه كارما كانت رافضه انها ترتبط بمازن ؟
و امتي مروان هيقول لنور انه بيحبها ؟
أنت تقرأ
اعشقها و لكن....
Acciónماذا يحدث عندما يكون للقدر رأى عكس رغباتنا ؟ و هل الحب و العشق سيفوزان ام الكراهيه و الحقد ؟ من هو الاقوى العقل و العند و الكبرياء ام القلب و الحب ؟ ماذا يحدث عندما يتواجه العقل و القلب ... الكبرياء و العشق ..الخوف و الحب ...التخطيط و القدر ؟ من...
