بدأت سنه تانيه كليه وبدأ معاها التغيير الجزري 🗣
بدأت انتبه لدراستي كويس جدا وانتظم على المحاضرات والكورسات🕵 واقرب من صحباتي ال6/7بنات اكتر❤ واعرف كل واحده فيهم اوضح من الاول وكان حبي ليهم بيزيد وكانو ديمآ بيحفزوني على الصلاه وعلى القرب من ربنا بشكل عام💞 وانا كنت حاسه بقبول جدا للفكره ومع كل درجه من قربي ليهم كنت ببعد عن حد مهم في حياتي درجه💔 وهو عريسي بسبب المشاكل الي كانت بتظهر تدريجيآ🥀 ولما قربنا نقفل سنه مقري فتحتنا ماما حددت معاد للخطوبه ويكون هو جاهز بمستلزماتها🤝 وطبعا هو كان شبه مسؤول عن اسره بيته فكان نسبه تحويشه ضعيفه جدا فبدات اطلب منه يحوش معايا فلوس على جمب في حصاله ونبعدها عن ايدينا ونقلل المصاريف بالنسبالنا وبالنسبه لبيته باردو طبعا كل دا متمش بسهوله لكن كنا بنحاول وهو كان بيعمل الي يقدر عليه✊ وانا كان عندي القابليه ان استحمل واستنى علشان هو يستاهل❤ لكن مع ضغوطات الشغل والظروف الوحشه الي بيمر بيها اي شاب كانت المشاكل غصب عننا بتتخلق💔 ولما كنت بحاول اسيطر عليها كان بيضايق من وجودي مع صحباتي باستمرار😥 وحاولت افهمه طبعا ان دا الطبيعي وحياه الكليه كده ودي فتره في عمري وهتعدي ولازم اكون ذكريات حلوه واعيشها واتبسط فيها😍 لكن هو بحكم خبرته بالتعامل مع الناس الي كان اغلبهم مش كويسين كان بيخاف عليا ومش مطمن وانا مش تحت عينه وطول الوقت خايف يحصلي حاجه وهو في شغله مش هيعرف يتصرف👋 وكانت تعدي المشكله وكان بيظهر غيرها لغايه ما باقيت مش عايزه اتناقش وبعند☹ وهو كده وخلاص والمشاكل طبعا تزيد اكتر وقررت اننا ننفصل✋ علشان من كتر المشاكل حاسيت اننا مش متفاهمين خالص👌 لكن هو رفض واتمسك بيا ووعدني انه هيحاول يتغير وانا وعدته ان هحاول اوفق بين دراستي وبينه وبين صحباتي وبالفعل بنسبه 70% دا حصل❤ وعدا الترم الاول من سنه تانيه وبعد اسبوع من الاجازه جبنا بيت جديد😅 وكانت ماما بتروح تظبط في من الوقت للتاني وقررت ماما تنزل تشتغل علشان تقدر تجهزني حبيبتي😘 احسن جهاز ومحتاجش اي حاجه خالص ولا يكون في اي تقصير في مصاريف كليتي بالاخص كمان ان اخويا الكبير بقا في ثانوي😇❤ وفي يوم في الاجازه فوني رن وانا نايمه وكان عريسي وقالي عندي خبر قلتله اي قالي عرفت نتيجتك قلتله اييي😲 قالي للاسف.. وسكت😓 وانا اتوقعت انهم ظلموني تاني وقلبي اتقبض قلتله شيلت كام ماده😔 قالي ولا ماده قلتله احلف😳 ونطيت من السرير من كتر الفرحه قالي والله نجحتي ودرجاتك حلوه 😍
ونجحت صافي وبتقديرات بعد تعب كبير جدااا و مذاكره الحمد لله 😍😍😍💃💃💃
وكانت الاجازه 3 اسابيع وطلعنا رحله للكشافه كانت تبع قرايب عريسي واتبسطنا جدا❤ وكنا بنحاول مانصرفش كتير باردو علشان الدنيا تظبط معانا وبدأ الترم التاني وفي بدايته رجعت اقرب من صحابي ورجع هو يضايق تاني😒 ويقصد يتصل وانا مشغوله معاهم ولو مردتش يبقا هما اهم منه🙃 وكنت عارفه ان بكلمتين هعرف اراضيه لكن انا كنت واقعيه ومش بعرف اصالح اصلا وحتى لو هعرف لازم احط للمشكله حد✋ فقلت لماما انا مخنوقه من كذا حاجه ومحتاجه ابعد فتره👌 وماما بلغته وبعدنا حوالي اسبوعين وكنت بخرج براحتي مع صحباتي وبعمل كل الي انا عايزاه لان ماما كانت سيباني على حريتي طلامه واثقه في المكان الي انا في والناس الي معايا 😍❤
ورغم الحريه الي كنت فيها الا ان كان في حاجه نقصاني🥀 وكنت كل شويه امسك الفون عايزاه يتصل وحشني زنه💔 وغيرته عليا الاوفر اه وحشني بس محاولتش ابين خالص😔✋ وكنت عايزه اتعود اكون بعيد علشان هو ينتبه للمهله الي هو فيها لانها قربت تخلص ويبطل يركز في التفاصيل الصغيره الي بتجبلنا المشاكل🤝 وبعد الاسبوعين ماما اتصلت بيا وانا في الكليه وقالتلي خلصي وتعالي على البيت الجديد قلتلها محتاجه حاجه؟ قالتلي اه تعبانه شويه خلصت
وروحتلها بسرعه على هناك قلتلها مالك😮 قالتلي مافيش ادخلي قفلي شبابيك الاوض وخالينا نروح البيت التاني علشان انا هبطانه😵 قلتلها اي الي جابك لوحدك بس😐 ودخلت اقفل الشباك بتاع اول اوضه وبفتح الباب🙄 لاقيت عريسي في وشي😳 سرخت طبعا واتخضيت وقفلت الباب تاني😂😂 وهو يقول افتحي وانا قفله عليه ومش فاهمه انا قافله لي اصلا ورجعت لورا وقلت لماما مين الي جوا دا عفريت ولا هو بجد😱 قعدت تضحك😂😂 وفتحت الباب
قالي عريسي المفروض تدخلي الاوضه التانيه اي دخلك هنا😂 ودخلت وراه الاوضه التانيه انا وماما الي هي اوضتي لكن قبل ما تتفرش واتلاقيته مزينلي الاوضه بالبلالين والزينه والدباديب😍 وجايبلي اكتر حاجه كان نفسي فيها الفتره الاخيره 🙈🐱
كان حاطته على الارض في شنطته وطلعه واداهولي وكان قط وقالي هاااا هتسميه اي قلتله مشمش لان كان لونه مشمشي وخطف قلبي لما شوفته🙊🙉🙈🌸 وحاول يصالحني بي وانا قلبي كان فرحان اني مهونتش عليه وبيراضيني لكن قلتله احنا مش متفاهمين ودماغي غير دماغك حلو انك عايزني وبتراضيني وبنحب بعض لكن كده كده هيجي في مرا تزهق ونسيب بعض🙁 لكن هو صمم وقالي انا هحاول انتبه لشغلي ومش هزعلك تاني علشان تعبت واحنا بعيد😢 كان نفسي وقتها اقوله وانا كمان❤ بس مقدرتش وسكت وحاجه جوايا كانت حاسه اننا مش هنكمل معرفش تشائم ولا اي لكن حاسيت بكدا جدا✋💔 وكنا في شهر 2 وقربت من شلتي اكتر واكتر😍 لان جدول الترم دا كان بيخلينا تقريبا كل يوم نتقابل ونقعد مع بعض نلعب ونهزر وناكل ونذاكر وكنا بنخاف على بعض جدا❤ وكانو بيجروني اننا نصلي ديما في المسجد وعملنا مؤخرآ جروب الصحبه الصالحه وبنفكر فيه بعض بالاذكار والصلوات وكل حاجه تخص العباده👑 كانت فيهم الي لبسها ديمآ فضفاض🌹 والي مش بتحط مكياج نهائي🌷 والي قلبها ابيض بتسامح على طول🍁 والحكيمه الي عندها حسن التصرف🌿 والحنينه الجدعه🌼 والي كلامها كله جميل وينور القلب🌺 وماكنش ولا واحده منهم شبه التانيه كلهم مكملين بعض😍😘 ومع الوقت باقيت اية الي عرفتهم واحده واية الي عاشرتهم واحده تانيه خالص... 🤘❤
