انعزال عن الواقع

😎😎😎عليكى واحدة 😉😉😉

يوم جديد وصباح جديد معلناً قدوم يوم الخميس لتدق  الساعة الخامسة و منار على  أشد الاستعداد للمواجهة الحاسمة بالنسبة لها بعد أن ذهبت للمارسة تمارينها اليومية مع زوزو صديقتها و جارتها بالمسكن و بدأن الحوار :- 

منار / صباح الخير يا زوزو ، عاملة ايه النهارده؟؟😄😄😄😄😄

زوزو / صباح النور  يا صاحبة الأفكار الشريرة ، سيبك منى أنا قوليلى إيه خططك للنهارده  أنا عارفة إنك بتخططى من امبارح ، و بصراحة أنا خايفة عليكى البنات  دى وش إجرام و مستخدمين لسلطة أهاليهم بشكل غلط .😟😟😟😟😟

منار/ متخافيش و اجمدى كده و طول ما احنا معانا  الحق عمر الظلم ما يهزلنا شعرة أنت فهمانى مش كده 💪💪💪💪

زوزو/ المشكلة إنى فهماكى ، بس أيه ده يعنى بتعرفى تتكلمى كلام كبير أهه 😄😄😄

منار / هههههههههههه😀😀😀😀 طيب هنفضل نتكلم كتير كده التمرين يا بابا يلا أحنا معانا بعد الرغى ده كله ساعة إلا ربع علشان نجهز للمدرسة.

زوزو/ أقولك  ايه النهارده الخميس يعنى اليوم الرياضى للمدرسة يعنى لعب من بعد الفترة الرابعة يعنى مسمعكيش تزعقيلى على التمرين ده أنتى فاهمة 😠😠😠😠😠

منار / خلاص و الله أنا أسفة ، ايه ده أنا خوفت منك ليه  يا زوزو اهدى كده  😬😬😬 

زوزو / أيوه كده اصطبحى و قولى يا صبح🤣🤣🤣🤣

( بدأت منار و زوزو ضحك على منظرهم و بعدها بدأوا الجرى و يتسابقوا شوية و يضحكوا شوية لحد الوقت المحدد للتمرين خلص و كل بنت منهم على بيتها جريت للاستعداد للمدرسة و اليوم الرياضى العام)

\\ فى بيت منار //

منار بعد ما جهزت نزلت للفطار و بدأت تتكلم مع مامتها زى العادة :-

منار / ايه يا ماما الفطار فين؟؟؟؟ يلا بسرعة مش عايزة اتأخر عن المدرسة 😉😉😉

ماما / بصى يا حبيبتى أنا عارفة إنك ذكية و تقدرى تتصرفى فى المواقف الصعبة كمان عايزاكى تخلى بالك على نفسك و كل كلمة تقوليها لازم تكونى متأكدة منها و من صدقها تماماً و أنتى لازم تكونى عارفة طول ما أنت على حق ربنا دايماً هيكون معاكى و الانصاف هيكون فى صفك ماشى يا حبيبة ماما؟؟

منار / فهماكى يا ماما بس هو فى حاجة كده يعنى كانت عاملة لى توتر  ، هو ممكن البنت اللى قولتلك عليها تستخدم نفوذ و سلطات والدها علشان تإذينا ؟؟؟؟؟؟

ماما / أنا قولت لك قبل كده و بابا برضو قبل كده قال لك أحنا فى بلد فيها قانون و مهما حصل القانون و الإنسانية بيكونوا فى صف الحق حتى لو الظلم اتجبر شوية الحق بيظهر و لو بعد حين ، و يلا علشان هتتأخرى على المدرسة و زوزو منتظره حضرتك من بدرى يا ست هانم يلا مع سلامة الله 😄😄😄😄😄